باڵاپۆشی ڕێگر نییە لەبەردەم سەركەوتن و داهێنانی تۆ!

هەواڵی / 28/9/2022 210 جار بینراوە

باڵاپۆشی ڕێگر نییە لەبەردەم سەركەوتن و داهێنانی تۆ!
نوسینی: مامۆستا شوكریه‌ شێخانی
بە ئەزموون و تاقیكردنەوە دەركەوتووە ئافرەت كە باڵپۆش بێت هەمیشە دڵ پڕ لە ئارامی و ئاسوودەیی دەبێت و مێشك و ژهن و یادگەی پاك و بێگەرد و قووڵ و وورد دەبێت، بە پێچەوانەشەوە بەڵام ئافرەتانێك كە باڵاپۆش نین هەمیشە هەست بە نا ئارامی و دڵتەنگی دەكەن و زۆر جاریش تووشی بیزار كردن و استفزاز كردن دەبنەوە لەلایەن ڕەگەزی بەرامبەرەوە! وە ڕۆژانە دەیەها ئافرەت لە ئەوروپا و ئەمەریكا توشی دەستدرێژی سێكسی دەبنەوە بە تایبەتی لە كاتی شەودا!
دیارە خوای گەورە هەروەك چۆن توانا و لێهاتویی داوە بە پیاوان بە هەمان شێواز ئافرەتانیش خاوەنی توانا و لێهاتوویێكی زۆرن بە تایبەتی گەر بیەوێ‌ توانا و لێهاتوویی و زیرەكی و بیر قووڵی و ووردبینییەكەی  خۆی بخاتە كار، لەم بارەشەوە نمونە زۆرن، یەكێك لەوانە كە نازناوی (دایكی داهێنەران)ـی پێدراوە ئەندازیاری مصری (لیلی عبدالمنعم)ـە كە لە ساڵی (1949) لە قاهرەی پایتەختی مصر لە دایك بووە، كۆلێژی ئەندازیاری تەواو كرددوە و هەر لەم شارە كراوەتە سەرۆك بەشی پلان و جێبەجێكردن لە ئاوی قاهرە، پاشان چووە بۆ (بەریتانیا) لە ساڵی (2012) و دەستدەكات بە كۆمەڵێك توێژینەوە و تاقیكردنەوە، ئیتر داهێنانێكی بێوێنە دەكات و شاژنی بەریتانیا خەڵاتی پلەیەكی (كۆنفڕانسی گڵۆباڵ)ـی نێودەوڵەتی پێدەدات بەهۆی داهێنانی جۆرە كۆنكریتێك كە بەرگەی بومەلەرزە بگرێت.
خاتوو لیلی كە هەموو قورئانی پیرۆزی لەبەرە لە چاوپێكەوتنێكدا ووتی: بیرۆكەی دروستكردنی ئەم كۆنكرێتەم لەم ئایەتە پیرۆزەوە بۆ هات كە خوای گەورە لە سووڕەتی (الكهف) لە باس و سەرگوزشتەی (ژو القرنین) دەفەرموێت : فَمَا اسْطَاعُوا أَنْ يَظْهَرُوهُ وَمَا اسْتَطَاعُوا لَهُ نَقْبًا 97 قَالَ هَٰذَا رَحْمَةٌ مِنْ رَبِّي ۖ فَإِذَا جَاءَ وَعْدُ رَبِّي جَعَلَهُ دَكَّاءَ ۖ وَكَانَ وَعْدُ رَبِّي حَقًّا) الكهف: ٩٦-97
واتە : پارچە ئاسنم بۆ بهێنن و (كەڵەكەی بكەن) هەتا ئەمبەرو ئەوبەری هەردوو كێوەكەی پڕ كرد، ئەوسا فەرمانیدا، تا بە (موشەدەمە) فوو بكەن لەو ئاگرەی كە لە ژێریدا كرابۆوە، هەتا كاتێك هەمووی كرد بە ئاگر، ئینجا (ژ‌و القرنین) وتی: ئادەی مسی تواوەم بۆ بهێنن تا بیكەم بەسەریدا (مس لەگەڵ ئاسندا تێكەڵ بكرێت پێكهاتەیەكی بەهێزی لێ دروست دەبێت)، ئەو‌سا ئیتر (یەئجوج و مەئجوج) نە توانیان سەربكەون، نە توانیان كونی تیدا بكەن.
دەڵێت ئیتر كە كۆمەڵێك تاقیكردنەوەم كرد لەسەر كۆنكرێتی شیشدار تا گەیشتم بەوەی كە بەرهەمێكی نەوتی لەگەڵ كۆنكرێت تێكەڵ بكەم تا كۆنكرێتەكە زیاتر بەرگەی بومەلەرزە بگرێت، كە ئەمە بوو ژو القرنین كردی بۆ دروستكردنی دیواری نێو دوو شاخەكە.
كاتێك زانیان كە ئەم ئافرەتە داهێنەرە و سەد داهێنانی هەیە و سوودی بە مرۆڤایەتی گەیاندووە، ناویان نا ( دایكی داهێنەران) كە وەك ئەبوولهەول بێدەنگە و وەك ئەهرامەكانیش سەربەرزە !.
هەروەها دكتۆرە تەهانی عامر كەبەڕچەڵەك ئافرەتێكی مصریە، بەڕیوەبەری كارگێڕی لە (وەكالەی ناسا) لە ووڵاتە یەكگرتووەكانی ئەمریكا،كە ئافرەتێكی باڵا پۆشی دامەزاوەی سەركەوتووە، جگە لە پیشە گرنگ‌و هەستیارەكەی خەریكی بانگەوازیە،سەردانی كەنیسەوپەرستگاكانی ئەو ووڵاتە دەكات باسی جوانیەكانی ئاینی پیرۆزی ئیسڵام دەكات،هەروەها هاوڕێیەكانی بانگهێشت دەكات بۆ ماڵەكەی لەخواردنی ووڵاتەكەی خۆی بۆیان ئامادە دەكات،ئیتر ئەم كۆبونەوانە دەكاتە دەرفەتێك بۆ گەیاندنی پەیامی قورئان‌و سوونەت .  
ئەمەش وەڵامە بۆ هەموو ئەوانەی كە دەڵێ، ئافرەتانی موسوڵمان بەهۆی باڵاپۆشیەكەیان دوواكەوتوون و ناتوانن داهێنان بكەن و بێ ئاگان لەوەی كە چەندەها نموونەی ئافرەتی هاوشێوە توانیویانە لە بوارە جیاجیاكان ئەسپی خۆیان تاوبدەن و سوود بە دین و ژینی خەڵك بگەیەنن و باڵاپۆشیش بۆیان وەك تاجی زێڕین بووە و هەرگیز نەبووەتە ڕێگر بەرامبەر بە خزمەتكردنی مرۆڤایەتی.

خـێـزان

کەشوهەوا

بۆ بینینی كه‌ش و هه‌وای زیاتر كلیك بكه‌

تـه‌ندروستی

به‌م ڕێگایانه‌ به‌رگریی‌ له‌شت به‌هێز بكه‌

ئه‌م هه‌نگاوانه‌ په‌یره‌و بكه‌