بەشار ئەسەد: ئـێـمـە لـەسـەر ڕێـی سـەركـەوتـنـیـن

هەواڵی / 11/1/2017 131 جار بینراوە

لەدیدارێكیدا لەگەڵ میدیا فەڕەنسیەكان
بەشار ئەسەد: ئـێـمـە لـەسـەر ڕێـی سـەركـەوتـنـیـن
و:شه‌ن پرێس:

لەمیانەی دیدارێكیدا لەگەڵا ( 3 ) كەناڵی میدیایی فەڕەنسیدا ( بشار الاسد ) ی سەرۆكی ڕژێمی سوریا پێی وابوو كە كۆنتڕۆڵكردنەوەی شاری حەلەب بە سەرەتای قۆناغێكی بنەڕەتی دادەنرێت بۆ كۆتاییهێنان بەو ململانێ‌ و شەڕە نێوخۆییەی كە لەساڵی ( 2011 ) ە و لەچوارچێوەی بەناو بەهاری عەرەبیدا لە سوریا سەریهەڵداوە, هەروەك جەختیشی كردەوە و ووتی : ئێمە لەسەر ڕێی سەركەوتنین .
ئەوەبوو كە لە ( 22 ی كانونی یەكەم ) ی ڕابردوودا ڕژێمەكەی ئەسەد بەهاوكاریی ڕوسیا و ئێران كۆنتڕۆڵكردنەوەی تەواوەتیی شاری حەلەبی لەباكوری سوریا ڕاگەیاند, كەماوەیەكی دوورودرێژبوو شەڕ و پێكدادانی توند و بۆردومانی وێرانكەری تیا ڕوودا لەگەڵ لایەنە بەرگریكارەكاندا .
ئەسەد بە زمانی ئینگلیزی بە كەناڵەكانی ( ئاڕ تی ئێڵ ) و ئیزگە و تەلەفزیۆنی ( فرانس ئینۆ ) ی ڕاگەیاند كە ئەمـە قۆناغێكی سەرەكی و بنەڕەتیە لەم جەنگەدا, ئێمە لەسەر ڕێی سەركەوتنین, هەرچەندە كە پێویستە بە یەكجاری تیرۆریستان لە تەواوی ووڵاتدا لەناوبەرین و نەیانهێڵین .
لەوەڵامی پرسیاری ڕۆژنامەنوسە فەڕەنسیەكانیشدا لەبارەی بۆردومانی زۆر و وێرانكاریی شارەكە و كوژرانی خەڵكێكی زۆریشەوە, ئەسەد ووتی: ئەوە ئەو باجەیە كە هەندێك جار دەبێت بیدەین, هەروەك ووتیشی: زۆر ناخۆشە كاتێك دەبینین بەشێكی گرنگی ووڵاتەكەمان ئاوها وێران و كاول بووە, دەبینین جۆگەلەی خوێن هەستاوە, بەڵام خۆ بەدرێژایی مێژوو نەمانبینیوە كە جەنگێكی باش ڕوویدابێت, جەنگ هەمووی خراپە, بەڵام بۆ ڕزگار كردنی هاووڵاتیانمان لەدەستی ئەو تیرۆریستانە دەبوو ئەو كارە بكەین .

خێزان

ژنان هیچ شاره‌زاییه‌كیان ده‌رباره‌ی (كۆندۆمی مێینه‌) نییه‌

كۆندۆمی ژنانه‌ چییه‌و چۆن به‌كارده‌هێنرێ‌؟

کەشوهەوا

بۆ بینینی كه‌ش و هه‌وای زیاتر كلیك بكه‌

تـه‌ندروستی

زۆرترین بینراو