#پرسی ریفراندۆمی هەرێم

بەم نیشانانەدا بزانە كە پیاوه‌كه‌ت لێت بێزارە و دەیەوێت لێت دوور بكەوێتەوە

هەواڵی / 9/1/2017 1686 جار بینراوە

بـۆ خـانـمـان
بەم نیشانانەدا بزانە كە پیاوه‌كه‌ت لێت بێزارە و دەیەوێت لێت دوور بكەوێتەوە
ئا:شەن پرێس

لەپەیوەندیی هاوسەریدا زۆر كات كیشە و گرفت ڕوو دەدەن و كەم و زۆر كاریگەرییان دەبێت لەسەر خۆشەویستی و پەیوەندیی نێوان ژن و مێردەكان و هەندێك جاریش ئەگەر كاری پێویست نەكرێت, ڕەنگە درێژ بخایەنێ‌ و دواجاریش بە لێكجیابوونەوە و هەڵوەشاندنەوەی خێزانەكە كۆتایی پێ بێت .
لەم بەشەدا ڕوودەكەینە خانمان و هۆشیارییان دەدەینێ‌ لەوەی كە ووریای مامەڵە و هەڵسەوكەوتی پیاوەكەی بێ و كارێك نەكات كە پیاوەكەی لێی دوور بكەوێتەوە و هەست بە بێزاری و نیگەرانی بكات لێی, چونكە ئەوكاتە یان شەڕ و شۆڕ و ئاڵۆزی دروست دەبێت, یان كارەكە دەگاتە ئاستی تەڵاق و جیابوونەوە, یانیش پیاوەكە ڕوو دەكاتە خۆشەویستیی ئافرەتێكی تر و بیر لە ناپاكیی هاوسەرگیری, یان هێنانی ژنی دووەم دەكاتەوە .
ئەمانەش چەند ڕەفتار و هەڵسوكەوتێكی پیاوانن, كە نیشانەن بۆ بێزاریی پیاوەكەت و دووركەوتنەوەی لێت :
1 / هەمیشە سەرزەنشتت دەكات
هەركات هەستت كرد كە پیاوەكەت زۆر لۆمە و سەرزەنشتت دەكات, ئەوە بزانە كە زۆر لێت بێزار و نیگەرانەو ڕەفتارەكانت تەواو بێزاری كردووە, بۆیە بەزوویی مامەڵە و هەڵسوكەوتەكانت بگۆڕە و خۆت چاك بكە .
2 / ڕێــز نەگرتنت وەك جاران
ئەمەش نیشانەیەكی تری بێزاریی پیاوەكەتە لێت , كە وەك جاران ڕێزت ناگرێ‌ و بەدەم داواكارییەكانتەوە نایات, یان بەبێزاری و بێگارییەوە بۆتی دەكات .
3 / توندبوونی لەگەڵ منداڵەكاندا
توند و خراپ مامەڵەكردنی پیاوان لەگەڵ منداڵەكانیدا بەزۆری نیشانەی بێزارییەتی لەژنەكەی , بەڵام بە منداڵەكانی دەردەبڕێ‌ و پێی وایە كە ئەگەر ئەوان نەبوونایە, ئەو ئاسانتر دەیتوانی دەست لەو ژنە بەربدات و لێی جیا ببێتەوە, بۆیە كە داخی ژنەكەی بە منداڵەكانی دەردەبڕێت .
4 / زۆركات حەز دەكات بە تــەنــهــا بێت
هەركات هەستت كرد كە پیاوەكەت هەمیشە حەز بە تەنهایی دەكات, بۆ نوستن و سەیر كردنی تەلەفزیۆن و چوونە دەرەوە, بزانە كە ئەوە نیشانەیەكی مەترسیدارە لەسەر تۆ, چونكە لێت بێزار بووە و نایەوێ‌ لەگەڵت دابنیشێ و لێت بێ ئومێد بووە .
5 / هیچ هەنگاوێك بەرەو ئاشت بوونەوە نانێت
هەركات هەستتكرد كە پیاوەكەت بەتەنگ كاروباری ماڵەوە نیە و بەهەموو شتێك توڕە دەبێ و ڕێنمایی و ئامۆژگارییەكان كاری تێناكەن, ئەوە بزانە كە نیازی جیابوونەوەی هەیە و گەیشتووەتە ئەوپەڕی بێزاری و دڵ شكانی لێت, هەوڵ بدە ڕاوێژ بەپسپۆڕێكی خێزانی بكەیت و هەرچۆنێك بووە ئاشتی بكەرەوە و ئەو مامەڵە و ڕەفتارانەشت كە بووەتە هۆی ئەو بێزارییەی لێت, وازی لێ بهێنە و دووبارەیان مەكەرەوە .
6 / حەزی بەكاری سێكسی نیە و داوای ناكات
لەكۆتا خاڵدا باس لەوە دەكەین كە هەركات هەستت كرد پیاوەكەت حەزی بە سێكس كردن نەماوە لەگەڵتا و وەكو جاران داوای ناكات, ئەوە بزانە كە پەیوەندیەكەتان لەدوایین پلەی مەترسی و داڕووخاندایە, بە پەلە هەنگاو بنێ‌ بۆ چارەسەر كردنی .

زۆرترین بینراو