چـەنـد هـۆكـارێـكـی كـێـشـەكـانـی نـێـوان ژن و مـێـرد

هەواڵی / 8/1/2017 1202 جار بینراوە

گرفته‌كان بزانه‌
چـەنـد هـۆكـارێـكـی كـێـشـەكـانـی نـێـوان ژن و مـێـرد
و:شه‌ن پرێس:

زۆرجار هاوسەران كیشە و گرفت لەنێوانیاندا ڕوودەدات و ئەگەر زوو فریای نەكەون كێشەكە گەورەتر دەبێی و ئەوسا چارەسەرەكەشی زەحمەتتر دەبێت, بۆیە پێویستە كە هەردوولا هەوڵ بدەن بە گفتوگۆ و لێكتێگەیشتن چارەسەری گرفتەكانیان بكەن و نەهێڵن زیاتر تەشەنە بسەنێ و گەورەتر ببێت .
لێرەدا ئاماژە بەهەندێك هۆكار دەكەین كە زۆرجار دەبنە هۆی دروستبوونی كێشە و گیروگرفت لەنێوان هاوسەرەكاندا :
1 / گرفتی دارایی
زۆرجار كێشەكانی نێوان هاوسەران لەسەر پارە و خەرجكردنیەتی لەهەندێك شتی ناپێویستدا, یان زیادەڕۆیی خانمان لەخەرجكردنیدا و ڕەچاونەكردنی باری دارایی پیاوەكەی و ئەوەش بەسلبی بەسەر هەردوولایاندا دەشكێتەوە .
2 / منداڵ
زۆر جار شێوازی پەروەردەكردنی منداڵ دەبێتە هۆی دروست بوونی كێشە و گرفت لەنێوان ژن و پیاوەكاندا, بەتایبەتیش لەڕووی پەروەردەكردن و ڕێنمایی و هاندان و سزادان و فێركردنی چۆنیەتیی مامەڵە كردنی و بە ئەنجام گەیاندنی ئەركەكانی قوتابخانە و زۆر شتی تردا, كە دیسان ئەكرێت ئەوانەش بەڕێككەوتن لەنێوان هاوسەرەكاندا یەكلایی بكرێتەوە و بڕیاری لەبارەوە بدەن .
3 / جیماع و سەرجێیی
هەندێكجار خانمان پێیان وایە كە ئەو خاڵە زۆر گرنگ نیە, بەڵام پێویستە بزانن كە ئەوە زۆرترین كاریگەریی هەیە لەسەر توڕە بوونی پیاوان و دروست بوونی كێشە و گرفت و تەنانەت لەبەریەك هەڵوەشاندنەوەی خێزانەكەش, بۆیە زۆر پێویستە كە هەردوولا ڕەچاوی حەز و پێویستیە سێكسیەكانی یەكتری بكەن و نەهێڵن بۆشایی سێكسی لەنێوانیاندا دروست ببێت, بەتایبەتی خانمان .
4 / خێزان
ئەوكاتانەی كە كێشە و ناكۆكیەك دەكەوێتە نێوانتانەوە, بەهیچ شێوەیەك ڕێگا مەدە كەسی تر بێتە نێوانتانەوە و باسی گرفتەكانی خێزانەكەت مەبە دەرەوەی ماڵەكەت, تەنانەت لای دایك و باوك و براو خوشكەكانیشت باسی مەكە و مەهێڵن كەس و لایەنی سێهەم بێتە نێوانتانەوە و پێویستە سووربن لەسەر هێشتنەوەی ناكۆكیەكانتان تەنها لەنێوان خۆتاندا و بەس, چونكە ئەو هەڵەیە كێشەكە گەورەتر دەكات .

زۆرترین بینراو