#پرسی ریفراندۆمی هەرێم

گەر دەتەوێـت ورگێكی توند و ڕێكـت هـەبێ،ئـەم مـیوانـە بخـۆ

هەواڵی / 6/1/2017 1441 جار بینراوە

ناوه‌كانیان بزانه‌
گەر دەتەوێـت ورگێكی توند و ڕێكـت هـەبێ،ئـەم مـیوانـە بخـۆ
و:شەن پرێس

زۆرینەی زۆری خەڵكی و بەتایبەتیش ئافرەتان خـەون بە وورگێكی توند و جەستەیەكی ڕێكەوە دەبینن و هەندێكیان ڕۆژانە سیستەمی خۆراكی تایبەت پەیڕەو دەكەن و هەندێكیشیان ڕۆژانە دەچنە سەنتەرەكانی لەش جوانی و وەرزش ئەنجام دەدەن, بەو هیوایەی كە بەو خەونەیان بگەن .
بەدەر لەوانەش پزیشكان و پسپۆڕانی خۆراكی ڕێنماییمان دەكەن بەوەی هەندێك جۆری مـــیـــوە زۆر بخۆین, كە بەهۆیانەوە دەتوانین ببینە خاوەنی جەستەیەكی تەندروست و وورگێكی توندوتۆڵ و ڕێكیش , كە ئەمانەن :
1 / ســێــوی ســـــەوز
سێوی سەوز یەكێكە لە میوە هەرە گرنگ و پێویستەكان بۆ تەندروستیی مرۆڤ و زۆر كاریگەرە بۆ تواندنەوە و سوتاندنی چەورییە زیانبەخشەكان, هەروەك بەشێوەیەكی سەرسوڕهێن گەدە و قۆڵۆن و ڕیخۆڵەكانیش پاك دەكاتەوە و جەستەش لەژەهرە جۆربەجۆرەكان پاك دەكاتەوە, ئەوە جگە لەوەی كە بە چەندین جۆر ڤیتامینیش دەوڵەمەندە و پزیشكان ڕێنماییمان دەكەن كە ڕۆژانە زیاد لەجارێك بیخۆین .
2 / مــــــــــــۆز
مــۆز هاوسەنگیی ئــاو و خوێی لاشە هاوسەنگ دەكات و وادەكات مرۆڤ هەست بەئارامی و چالاكی بكات, هەروەك هاوكاریشە لەتوند كردنەوەی وورگدا, پسپۆڕان دەڵێن كە پێویستە ڕۆژانە مۆزێك بخۆین, بەڵام لەوە زیاتر باش نیە .
3  /پــرتــــەقــــاڵ
پرتەقاڵیش یەكێكە لەمیوە دەوڵەمەندەكان بەڤیتامین ( ســی ) و ڕیخۆڵەكان پاك دەكاتەوە و ژەهرە زیانبەخشەكان فڕێ‌ دەداتە دەرەوەی لاشە و زۆر خـواردنیشی جەستەیەكی بەهێز و وورگێكی ڕێك و توندمان پێ دەبەخشێت .
4 / لـــــیـــــمـــــــۆ
ڕۆژانە خـواردنەوەی پەرداخێك شەربەتی تازەی لیمۆ بەیانیان بە ناشتایی ( بەسكی خاڵی ) زۆر كاریگەرە بۆ تواندنەوەی چەورییە زیادەكانی ناوچەی وورگ و دابینكردنی بڕی پێویست لە ڤیتامین ( سی ) بۆ لاشە و توند و ڕێككردنەوەی وورگیش .
5 / ئــــەنـــــانـــــاس
ئەناناسیش بڕێكی زۆر و پێویستی لە ماددەی ( برومیلین ) تێدایە, كە هاوكارە بۆ مژینی پڕۆتیناتی زیادەی لەش و فڕێدانە دەرەوەی, هەروەك جۆرە ڕیشاڵێكیشی تێدایە كە ناتوێتەوە و بەوەش كێشی لەش دادەبەزێنێ‌ و بەوەش دەبیتە خاوەنی وورگێكی توند و ڕێك .

زۆرترین بینراو