#مانگی ڕه‌مه‌زانی پیرۆز

سێ جۆری نەخۆشی و سێ پلانی جیاوازی چارەسەری

هەواڵی / 8/4/2021 142 جار بینراوە

سێ جۆری نەخۆشی و سێ پلانی جیاوازی چارەسەری

هەندێک نەخۆشی هەیە پزیشک تەنها بە قسەکردن لەگەڵ باوان و ئەنجامدانی پشکنینی سەریری دەتوانێت بگاتە دەستنیشانکردن و کۆتا بڕیار و پاشان پلانی چارەسەری.
جۆرێکی تریان ئەوەیە کە پزیشکەکە سەرەڕای قسە لەگەڵ کردن و پشکنینی سەریریش ئەوە پێویستی بە چەند پشکنینێکی تاقیگەیی و هەتا تیشکیش دەبێت بۆ گەشتنە دەستنیشانکردن، بەڵام کاتی زۆری ناوێت و هەر تەنها بە یەک جار حاڵەتەکە دەستنیشان دەکرێت، ئەمەیان زیاتر پەیوەندی بە حاڵەتە کتوپڕەکانەوە هەیە.
جۆری سێهەمیان ئەوانەن کە زیاتر حاڵەتی
درێژخایەنن و زۆربەی جارەکان کاتێکی زۆری دەوێت
هەتا دەستنیشان دەکرێن و پشکنینی زۆر و هاتن و چوون و موتابەعەکردنی زۆری پێویستە، لەم جۆرە حاڵەتانەدا دەبێت گرنگی بە وورد و درشت بدرێت، دەبێت کەسەکە ئاماژە بە هەموو سەردان کردن و چوون و هاتنەکەی بدات، دەبێت هەموو پشکنینە کۆن و نوێیەکانی لەگەڵ خۆیدا ببات کاتێک دەڕواتە لای پزیشک.
گرنگی ئەم بابەتە بۆ ئێوەی خوێنەر ئەوەیە کە تۆ خۆت بزانیت نەخۆشی و حاڵەتەکەی ئێوە لە کام جۆرەیانە و ئامادەباشی بۆ وەربگریت لە کاتی چوونە لای پزیشک و ئەوەشت بۆ ڕوون ببێتەوە بۆ هەندێک جار کاتی زۆرت بۆ تەرخان دەکرێت و بۆ هەندێک جار بە کەمترین ماندوو بوون چارە دەکرێیت و هەندێک جاریش بە پێچەوانەوە.
دکتۆر زانیار هیوا فەریق
هەڵگری بڕوانامەی بۆڕد لە نەخۆشییەکانی منداڵان

زۆرترین بینراو