#مانگی ڕه‌مه‌زانی پیرۆز

عه‌بدولستار مه‌جید: سه‌ره‌ڕای ئه‌وه‌ی حكومه‌ت ئه‌ركی خۆی جێبه‌جێ ناكات، بووه‌ته‌ بار به‌سه‌ر خه‌ڵكیشه‌وه‌

هەواڵی / 6/4/2021 73 جار بینراوە

چیرۆكی خێزانێكی كه‌مده‌رامه‌ت ده‌گێڕێته‌وه‌
عه‌بدولستار مه‌جید: سه‌ره‌ڕای ئه‌وه‌ی حكومه‌ت ئه‌ركی خۆی جێبه‌جێ ناكات، بووه‌ته‌ بار به‌سه‌ر خه‌ڵكیشه‌وه‌

شه‌ن پرێس:
سه‌رۆكی فراكسیۆنی كۆمه‌ڵی دادگه‌ری له‌ په‌ڕله‌مانی كوردستان، چیرۆكی خێزانێكی كه‌مده‌رامه‌ت ده‌گێڕێته‌وه‌ كه‌ له‌لایه‌ن خێرخوازێكه‌وه‌ به‌خۆڕایی خانوویان دراوه‌تێ و جێكراونه‌ته‌وه به‌ڵام له‌لایه‌ن فه‌رمانگه‌ی زه‌ریبه‌وه‌ ته‌نگ به‌ خاوه‌ن ماڵ هه‌ڵچنراوه‌و داوای پاره‌ی زه‌ریبه‌ی ئه‌و خانووه‌ی لێ ئه‌كه‌ن كه‌ به‌ خۆڕایی به‌و خێزانه‌ كه‌مدرامه‌ته‌ی داوه‌.
عه‌بدولستار مه‌جید ده‌شڵێت،پیاوێکی بەڕێز و خێرخواز و خواناس دەناسم کە خانوویەکی هەبووە و لەبەر خوا بەبێ هیچ بەرامبەرێک،داوێتی بە خێزانێک کە پیاوەکەی توشی نەخۆشی شێرپەنجە بووە و ژنەکەش تەندروستی تەواو نیە، سەرباری ئەوەش خێزانێکی هەژارو دەستکورت و ئاتاجن.
ئاماژه‌ی به‌وه‌شكردوه‌، فەرمانگەی زەریبە چون یەخەی ئەو خێزانە هەژارەیان گرتووە و وتویانە بە خاوەن ماڵەکەت بڵێ سەردانی زەریبە بکات و پارەی زەریبەی ئەم خانووەی داوێتی بە ئێوە پاکتاو بکات و ده‌ڵێت، بەڕاستی خەفەتم خوارد و ئەوەم بیرکەوتەوە کە ساڵی ٢٠١٤ چۆن دەستیان برد بۆ ئەو سندوقی هاوکارییەی کە تایبەت بوو بە توشبوان و نەخۆشانی شێرپەنجە و هەرچی پارەی تیابوو بردیان !

ده‌قی نوسینه‌كه‌:
پیاوێکی بەڕێز و خێرخواز و خواناس دەناسم کە خانوویەکی هەبووە و لەبەر خوا بەبێ هیچ بەرامبەرێک، داوێتی بە خێزانێک کە پیاوەکەی توشی نەخۆشی شێرپەنجە بووە و ژنەکەش تەندروستی تەواو نیە، سەرباری ئەوەش خێزانێکی هەژار و دەستکورت و ئاتاجن .
فەرمانگەی زەریبە چون یەخەی ئەو خێزانە هەژارەیان گرتووە و وتویانە بە خاوەن ماڵەکەت بڵێ سەردانی زەریبە بکات و پارەی زەریبەی ئەم خانووەی داوێتی بە ئێوە پاکتاو بکات . پێیانوتوون بەخوا ئێمە کرێچی نین بەڵکو خاوەن ماڵ لەبەرخوا جێی کردوینەتەوە بەڵام سودی نەبووە .
کە ئەوەم بیست بەڕاستی خەفەتم خوارد و ئەوەم بیرکەوتەوە کە ساڵی ٢٠١٤ چۆن دەستیان برد بۆ ئەو سندوقی هاوکارییەی کە تایبەت بوو بە توشبوان و نەخۆشانی شێرپەنجە و هەرچی پارەی تیابوو بردیان !
خەمخواردن لە ژیان و گوزەرانی خەڵک و دابینکردنی شوێنی نیشتەجێبوون بۆیان، ئەرکی حکومەتە، بەڵام لێرە حکومەت نەک ئەرکی خۆی جێبەجێ ناکات بەڵکو بۆتە بار بەسەر شانی خەڵک و ڕێگریی لەو خێرخوازانەش دەکات کە بەهانای هەژارانەوە دەچن و ئەگەر ئەوان نەبونایە خوا دەزانێ چ کارەساتێکی مرۆیی لە کۆمەڵگەی ئێمەدا دروست دەبوو !
بەداخەوە هەزاران چیرۆکی کارەساتباری لەوجۆرە لە کۆمەڵگەی ئێمەدا دەگوزەرێت و ئەوەش لە حاڵی حوکمڕانی کوردی و ئەوەش لە هەست و ویژدانی دەسەڵاتدارەکانی !!

زۆرترین بینراو