#مانگی ڕه‌مه‌زانی پیرۆز

غالب محه‌مه‌د: مەسعود بارزانی و کوڕەکەی زۆر بچوکن و هیچ جیاوازییان نییە لەگەڵ چەقۆ کێشەکە

هەواڵی / 6/4/2021 211 جار بینراوە

له‌لایه‌ن پاراستنی پارتی‌ پشتیوانی كراون
هێرشی توند دەکاتە سەر بارزانی و بنەماڵەکەی
ئه‌و كه‌سانه‌ی تۆمه‌تباربوون به‌ هێرشكردنه‌ سه‌ر من؛ به‌ ته‌له‌فونێكی مه‌سعود بارزانی ئازادكراون
غالب محه‌مه‌د: مەسعود بارزانی و کوڕەکەی زۆر بچوکن و هیچ  جیاوازییان نییە لەگەڵ چەقۆ کێشەکە

شه‌ن پرێس:

غالب محەمەد، ئەندامی هاوپەیمانی هیوای کوردستانی لە پەرلەمانی عێراق له‌باره‌ی كه‌یسی هێرشكردنه‌ سه‌ری رایگەیاند، سێ کەس کە پلەیان ئەفسەری ئاسایش بووە لەسەر هێرشکردنە سەری بە چەقۆ دەستگیرکراون، بەڵام بە "تەلەفۆنێکی مەسعود بارزانی ئازادکراون".

غالب محه‌مه‌د ووتی، ئه‌و كه‌سانه‌ی هێرشیان كردووه‌ته‌ سه‌ری له‌لایه‌ن پاراستنی پارتییه‌وه‌ پشتیوانی كراون و له‌كاتی ده‌ستگیركردنیشیاندا مه‌سعود بارزانی و مه‌سرور بارزانی هاتوونه‌ته‌ سه‌ر خه‌ت.
 و مه‌سعود بارزانی سه‌عات 1ـی شه‌و ته‌له‌فوونی كردووه‌و هه‌ڕه‌شه‌ی دوو ئیداره‌یی كردووه‌ ئه‌گه‌ر ئه‌و كه‌سانه‌ ئازاد نه‌كرێن.

غالب محەمەد، لەسەر دۆسیەکەی هێرشی توندی کردە سەر مەسعود بارزانی و مەسرور بارزانی و قوباد تاڵەبانی و وتی:“مەسعود بارزانی و کوڕەکەی زۆر لەوە بچوکترن کە وەسفم کردوون، بەهۆی ئەوەی لەسەر چوار چەقۆکێش، مه‌سعود بارزانی کاتژمێر یەکی شەو تەلەفۆنی کردووەو هه‌ڕه‌شه‌ی دوو ئیداره‌یی كردووه‌ ئه‌گه‌ر ئه‌و كه‌سانه‌ ئازاد نه‌كرێن،بۆیە هیچ جیاوازییان نییە لەگەڵ چەقۆ کێشەکە”.

وتیشی:“شەرمە بۆ قوباد تاڵەبانی، کە بەتەلەفۆنێکی مەسعود بارزانی کاتژمێر یەکی شەو بەپێی پەتی چووتە ئاسایش ئەو سێ چەقۆ کێشە بەر بدات، پێموایە ئەوەی تەلەفۆنی کردووە چەقۆکێشەکان بەربدەن خۆی چەقۆ کێشە، ئەوەشی تەلەفۆنیکردووە و بەردانیداون چەقۆ کێشە، وە حکومەتدارێتی بە چەقۆ کێش ناڕوات بەڕێوە، بەڵکو بە عەقڵ دەڕوات بەڕێوە کە من پێموایە لە بنەماڵەی بارزانی عاقڵی تێدانیە کە ئیدارەی بکات”.

غالب محه‌مه‌د ووتیشی، ئه‌و كه‌یسه‌ی ئه‌و كه‌یسێكی سیاسییه‌و بۆ بێده‌نگكردنمان بووه‌ به‌ڵام ئێمه‌ بێده‌نگ نابین.

زۆرترین بینراو