ناوه‌ندێكی هه‌ڵبژاردن: نه ئه‌مساڵ و نه ساڵی داهاتووش هه‌ڵبژاردنی پێشوه‌خته له عێراق ئه‌نجام نادرێت
هەواڵی /
16/2/2021
142 جار بینراوە
ناوه‌ندێكی هه‌ڵبژاردن: نه ئه‌مساڵ و نه ساڵی داهاتووش هه‌ڵبژاردنی پێشوه‌خته له عێراق ئه‌نجام نادرێت
شه‌ن پرێس:
سه‌رۆكی ناوه‌ندێكی ستراتیژی بۆ توێژینه‌وه له عێراق پێی وایه كه ئه‌و هه‌ڵبژاردنه‌ی وابڕیاره له‌مساڵ و له عێراق ئه‌نجام بدرێت, پێشوه‌خته نیه و پێشبینیشی كردووه كه نه ئه‌مساڵ و نه ساڵی داهاتووش ئه‌و پڕۆسه‌یه ئه‌نجام نه‌درێت.
(أحمد عنزی)ی سه‌رۆكی ناوه‌ندی (هومه‌م)ی ستراتیژی بۆ توێژینه‌وه ده‌ڵێت كه نه له مانگی تشرینی یه‌كه‌می ئه‌مساڵ و نه له ساڵی (2022)شدا هه‌ڵبژاردنی پێشوه‌خته له عێراق ئه‌نجام نادرێت.
عنـزی ئاماژه‌ی به‌وه‌شكردووه كه به‌هـۆی قه‌یرانی كۆرۆناوه كۆمیسیۆنی باڵای هه‌ڵبژاردنه‌كانی عێراق تووشی گرفتی گه‌وره‌ی لۆجستی و دارایی ده‌بێته‌وه و پێشی وابوو كه ته‌واوی پارت و لایه‌نه‌كانی عێراق ته‌نها بۆ مه‌رامی گه‌ییشتن به ده‌سه‌ڵات هه‌وڵ ده‌ده‌ن و هیچیان هه‌وڵی خزمه‌تكردنی نیشتیمان و هاووڵاتیان ناده‌ن.