#كۆمه‌ڵ # چواره‌مین كۆنگره‌ی كۆمه‌ڵ #دەستگیركراوانی بادینان

باڵندە و ئاژەڵەکان لە وەرزی زستاندا و پێشنیارێک....

هەواڵی / 21/1/2021 221 جار بینراوە

باڵندە و ئاژەڵەکان لە وەرزی زستاندا و پێشنیارێک....

مەعرووف مەجید
سەرۆکی ڕێکخراوی ئایندە بۆ پاراستی ژینگە
♦ماوەی چەند ساڵێکە بەشێک لە دڵسۆزانی ژینگە و دۆستان و خەمخۆرانی باڵندە و ئاژەڵە کێوییەکان، لەکاتی هاتنی وەرزی زستان و بەفرباریندا، لەبەشێک لە ناوچە شاخاوییەکان، خواردن و دانەوێڵە دادەنێن بۆ باڵندە و ئاژەڵەکان.
♦ئەم کارە مایەی خۆشحاڵییە لەبەر ئەوەی بەزەییهاتنەوە بە باڵندە و ئاژەڵەکان هەمیشە سیفەتێکی جوانی کوردەواری بووە، و ئاینی پیرۆزی ئیسلامیش هانماندەدات بۆ وەها کارێک،  من گومانم نیە لەوەی خوای گەورە لە هەموو مرۆڤەکان سۆز و بەزەیی بۆ دروستکراوەکانی خۆی زیاترە، دڵنیام لە هیچ وەرزێکدا دروستکراوەکانی خۆی فەرامۆش ناکات.
♦بەڵام بە پێی بە دواداچوونم و پرسیارکردن لە چەند پزیشکێکی بەڕێزی ڤێرتێنەری، دەبێ لایەنی کەم جۆری ئەو خۆراک و دانەوێڵانە بزانین کە دەیبەینە ئەو شوێنانە، بە تایبەتی خۆراکەکان نەبنە هۆکاری زیان گەیاندن بە باڵندە و ئاژەڵەکان، بەتایبەتی لە ماڵەوە یاخود لە چۆڵەوانی نزیک گەڕەکەکان، دەکرێ پاشماوەی خۆراکەکانی خۆمان کە ڕۆژانە بەکاری دەهێنین، بە ئاوی گەرم بشۆرێتەوە دواتر بدرێت بە باڵندە و ئاژەڵەکان، ئەگەر نا زیانیان پێدەگەیەنێت، واتە بۆ باڵندە و ئاژەڵی ماڵیش خۆراکی چەور و ماوە بەسەرچوو و زیانیان پێدەگەیەنێت.

♦دەبێ ئاگاداریش بین خۆراکەکان لە چەند شوێنێکی دیاری کراو دابنرێن بە تایبەتی نزیک لە بنکەکانی پۆلیسی دارستان و پاراستی ژینگە، یا هەر بنکەیەکی تر،  نەکا کەسانی بێویژدان ئەو شوێنانە  بەکار بهێنن بۆ قەڵاچۆکردن و لەناوبردنی ئاژەڵ و باڵندەکان و ڕاویان بکەن، وەکو پێشتر لە وەرزی هاویندا ئەو کارە نەشیاوانەمان لە زۆر شوێن دەبینی کاتێ ئاژەڵ و باڵندەکان دەچوون بۆ ئاو خواردنەوە لەو شوێنانەی بە شێوەی دەستکرد ئاویان پێدەدرا.

♦یاخود دەکرێ هەر کەسە و بە پێی توانا لە بان خانوو یا دیوارەکان جۆرە خۆراکێک یا دانەوێڵەیەک دابنێین بۆ ئەوەی باڵندەکان سوودی لێببینن.....

بەهیوای ئەوەم هەمووان سودمان هەبێ بۆ دەوروبەری خۆمان بە تایبەتی بۆ ئاژەڵ و باڵندەکان.

خـێـزان

زیانه‌كانی‌ به‌كارهێنانی‌ ده‌رمانه‌ سێكسیه‌كان

هه‌ندێكن له‌ زیانه‌كان و كاریگه‌رییه‌ خراپه‌كانی‌

کەشوهەوا

بۆ بینینی كه‌ش و هه‌وای زیاتر كلیك بكه‌

تـه‌ندروستی

شەش ڕێگای سروشتی بۆ ڕزگاربوون لە پەڵەی سەر ددان

جگە لە ددان شوشتن بە فلچە و هەویر