#كۆمه‌ڵ # چواره‌مین كۆنگره‌ی كۆمه‌ڵ #دەستگیركراوانی بادینان

هەرجارە و درەختێک ... درەختی سنەوبەر

هەواڵی / 14/1/2021 191 جار بینراوە

زیاتر لە 100 جۆری هەیە
هەرجارە و درەختێک ... درەختی سنەوبەر


🌿درەختی سنەوبەر
ناوی زانستی، Pinus
ناوی عەرەبی،صنوبر

سنەوبەر بە یەكێك لە هەرە درەختە بەربڵاوەكان لە جیهاندا دادەنرێت و زیاتر لە 100 جۆری هەیە.
بەشێوەیەكی گشتی لە ڕووبەرێكی بەرفراوانی دارستانە هەتاوییەكان دەبینرێت، بەوپێیەی لەو درەختانەیە كە حەزی بە خۆرە.
کەش و هەوای گونجاو
درەختی سنەوبەر، حەزی لە زەوییەکە کە شێداربێت، هەروەها بەرگەی زەوی ووشکەڵان و بەرداوی دەگرێت، بەڵام ناوچەی سوێراو نا.
بەرگەی سەرمای20 پلەی سەدی دەگرێت، هەروەها سەروو پلەی 40 لە گەرمادا.

🌿سنەوبەر درەختێكی هەمیشەسەوزە

سنەوبەر بەوە لە زۆرێك لە درەختەكان جیا دەكرێتەوە كە هەمیشە سەوزە و لەگەڵ لێبوونەوەی دەرزیلە و بەرە كۆنەكەی بەردەوام بۆ ماوەی دوو ساڵ بەرەكەی بە خۆیەوە دەهێڵێتەوە.

🌿دەرزیلەی درێژی سنەوبەر
سنەوبەر دەرزیلەیەكی درێژ و تەنك و تەسك بەرهەم دەهێنێت كە درێژییەكەی 10 بۆ 11 ئینجە.
ڕەنگی ئەو دەرزیلانە لەنێوان شین و سەوزی تۆخدایە و شكڵ و شێوەی بەپێی جۆری سنەوبەرەكە دەگۆڕێت.
درەختی سنەوبەر، ڕەنگ سپی و سپی خۆراوایی و سنەوبەری شەكری و چەند جۆری دیكەیش هەیە.

🌿بەرە تەختەییەكەی سنەوبەر
بەرەتەختەییەكەی سنەوبەر پێكهێنەری سەرەكی درەختی سنەوبەرە و جۆرە مێینەكەی تۆو و و جۆرە نێرینەكەیشی دەنكۆڵەی پیتاندن بەرهەم دەهێنێت كە لە ڕێی (با)، یان هێزی كێشندەوە دەگوازرێتەوە بۆ مێینەكان و پیتاندن ڕوو دەدات.

🌿لقەكانی سنەوبەر
زۆرێك لە درەختەكانی سنەوبەر لقی لابەلا و گوڵی گەورە لە قەدی ڕێكدا دەردەكەن، ئەمەش وا دەكات سەركەوتن بەسەریدا ئاسان بكات، توێكڵ قەد و لقەكانی درەختەكە دادەپۆشێت.

سنەوبەر لەحاڵێكدا ئەگەر پلەی گەرما بەرز بێت،  یاخود ئەگەر لە دۆخێكی ناڕەحەتدا بێت، بۆنێكی بەهێز دەردەكات.

🌿قەبارەی سنەوبەر
درەختی سنەوبەر چەند قەبارەیەكی هەیە، بەپێی جۆرەكەیان دەگۆڕێت، هەیانە كورتەبنەیە و تەنها چوار پێ‌ دەبێت.
هەیشیانە تا 100 پێ دەبێت، بەڵام سنەوبەری سپی دەگاتە 150 پێ و ساڵانەش بە ڕێژەی 8ـ12 ئینج زیاد دەكات، هەڵبەت ئەگەر لە ژینگەیەكی گونجاودا بێژرێت.

🌿تەمەنی سنەوبەر
هەموو جۆرەكانی سنەوبەر لە درەختە تەمەندرێژەكانن، زۆرێك لە جۆرەكانی سنەوبەر زیاتر لە سەدەیەك دەژین، بەتایبەت ئەویش ئەگەر لە ژینگەیەكی گونجاودا گەشە بكات.

🌿شتێكی زانراوە كە سنەوبەری جۆری (بریستلكۆن) لانیكەم 4800 ساڵ دەژی.

🌿زانیاری گرنگ لەسەر درەختی سنەوبەر
 ♦ سنەوبەر ڕووەكی یەكڕەنگە، یەك ڕووەك بەری تەختەیی نێر و مێ بەرهەم دەهێنێت.
♦تۆوی سنەوبەر باڵی بچووكی هەیە لە گواستنەوەی بەهۆی (با)وە یارمەتی دەدات.
♦لەگەڵ ئەوەی تۆوی سنەوبەر كێشی كەمە، بەڵام تەنها بەدووری 90 پێ لە خودی ڕووەكەكە بڵاو دەبێتەوە.
♦ سمۆرە و باڵندەكان و ژمارەیەك ئاژەڵی دیكەیش تۆوی نێو بەرە درەختییەكەی سنەوبەر دەخۆن.
♦نزیكەی 20 جۆری سنەوبەر چەرەس بەرهەم دەهێنن كە لە سیستمی خۆراكی مرۆڤدا بەكار دێت، بەزۆریش ئەو چەرەسانە لە فڕندا دەبرژێنرێت، یان سوور دەكرێتەوە.
♦ جۆرێك لە سنەوبەری ژەهر هەیە كە جۆری سپی چینییە، تامێكی كانزایی هەیە و دوای دوو ڕۆژ نامێنێت، ئەو حاڵەش بە كۆنیشان (سیندرۆم)ی سنەوبەر ناودەبرێت.
♦بەزۆری درەختی سنەوبەر وەك درەختی یادی لەدایكبوون بەكار دەهێنرێت و دەڕازێنرێتەوە.
♦داری سنەوبەر لە پیشەسازی كەلوپەلی نێو ماڵ و سەقفی خانوو و هێڵی ئاسنینی شەمەندەفەر و بەشەكانی كەشتییە جۆراوجۆرەكان بەكار دەهێنرێت.

ئامادەکردنی، #ڕێکخراوی_ئایندە_بۆ_پاراستنی_ژینگە

خـێـزان

زیانه‌كانی‌ به‌كارهێنانی‌ ده‌رمانه‌ سێكسیه‌كان

هه‌ندێكن له‌ زیانه‌كان و كاریگه‌رییه‌ خراپه‌كانی‌

کەشوهەوا

بۆ بینینی كه‌ش و هه‌وای زیاتر كلیك بكه‌

تـه‌ندروستی

شەش ڕێگای سروشتی بۆ ڕزگاربوون لە پەڵەی سەر ددان

جگە لە ددان شوشتن بە فلچە و هەویر