رێكخراوی ئایندە: تكایە هەڵمەتی وێرانكردنی ژینگەی سروشتی ڕابگرن

هەواڵی / 21/11/2020 81 جار بینراوە

 حكومەت هیچ بڕە نەوتێكی بۆ هاوڵاتیان دابیننەكردووە
 رێكخراوی ئایندە: تكایە هەڵمەتی وێرانكردنی ژینگەی سروشتی ڕابگرن

شه‌ن پرێس:
رێكخراوی ئایندە بۆ پاراستنی ژینگە رایده‌گه‌ێنێت،لە وەرزی زستان و سەرما نزیك دەبینەوە، ئەمە لە كاتێكدایە حكومەت و لایەنی پەیوەندیدار هیچ بڕە نەوتێكیان بۆ هاوڵاتیان دابیننەكردووە بۆ وەرزی زستان، بە داخەوە هاوڵاتیانیش بۆ خۆگەرمكردنەوە پەنا دەبەنە بەر برینەوەی درەختە بە تەمەن سروشتییەكان بە تایبەتی لە ناوچە سنوریی و شاخاوییەكان، وەكو لای هەمووان ئاشكرایە ئەو ناوچانە زووتر پلەكانی گەرما دابەزینی زیاتر بە خۆوە دەبینێ‌، ئێمە ساڵانە لەم وەرزە دا هۆشداریمان داوە بە حكومەت بەڵام بە داخەوە سوودی نەبووە ئەوەی ئێمە لێی دەترساین ساڵانی پێشوو رویان دا كە بە هەزاران درەختی بە تەمەن بۆ خۆگەرمكردنەوە بردرانەوە.

ده‌شڵێت، ئەوەی زیاتر جێگەی نیگەرانیە بەشێكی زۆری ئەم هەڵمەتە مەبەست لێی بازرگانیە ، نەك بەكارهێنانی لە بری سووتەمەنی  ئەوەش دوای بڕینەوەی دارەكان لە بازاڕدا كرین و فرۆشتنیان پێوە دەكرێن دەیفرۆشنەوە لەبەر ئەوەی سەرجەم ئەو درەختانە تەڕن.

ده‌قی راگه‌یه‌نراوه‌كه‌:

تكایە هەڵمەتی وێرانكردنی ژینگەی سروشتی ڕابگرن


لە وەرزی زستان و سەرما نزیك دەبینەوە، ئەمە لە كاتێكدایە حكومەت و لایەنی پەیوەندیدار هیچ بڕە نەوتێكیان بۆ هاوڵاتیان دابیننەكردووە بۆ وەرزی زستان، بە داخەوە هاوڵاتیانیش بۆ خۆگەرمكردنەوە پەنا دەبەنە بەر برینەوەی درەختە بە تەمەن سروشتییەكان بە تایبەتی لە ناوچە سنوریی و شاخاوییەكان، وەكو لای هەمووان ئاشكرایە ئەو ناوچانە زووتر پلەكانی گەرما دابەزینی زیاتر بە خۆوە دەبینێ‌، ئێمە ساڵانە لەم وەرزە دا هۆشداریمان داوە بە حكومەت بەڵام بە داخەوە سوودی نەبووە ئەوەی ئێمە لێی دەترساین ساڵانی پێشوو رویان دا كە بە هەزاران درەختی بە تەمەن بۆ خۆگەرمكردنەوە بردرانەوە، كە بەشێك لەو درەختانە هەر یەكەیان دەیان ساڵ تەمەنیان هەبووە، بۆیە ئەگەر  ئەمساڵیش ڕێگە نەگیرێت لەودیاردە نەشیاوە كارەساتێكی گەورەی ژینگەیی بە دوای خۆیدا دەهێنێت، كە هۆكارەكەش بۆ ئەم خاڵانەی لای خوارەوە دەگەرێنینەوە. :
- 1- سەرەڕای ئەوەی ووڵات عەمبار وسەرچاوەیەكی ‌دەوڵەمەندی نەوتە،‌ كەمتەرخەمی حكومەت لە دابین ‌كردنی سوتەمەنی پێویست ودابەش ‌نەكردنی نەوت بەسەر هاوڵاتیان وبەرزبونەوەی نرخی نەوتی سپی لە بازاڕدا.
2- ناهۆشیاری هاوڵاتیان لە پاراستنی ژینگە و هەستنەكردن بەبەرپرسیاریەتی تەواو بەرامبەر بە ژینگە.
3-ئەوەی زیاتر جێگەی نیگەرانیە بەشێكی زۆری ئەم هەڵمەتە مەبەست لێی بازرگانیە ، نەك بەكارهێنانی لە بری سووتەمەنی  ئەوەش دوای بڕینەوەی دارەكان لە بازاڕدا كرین و فرۆشتنیان پێوە دەكرێن دەیفرۆشنەوە لەبەر ئەوەی سەرجەم ئەو درەختانە تەڕن.
4-ئەوەی پێویستە بكرێت ڕێكخراوە ژینگەیەكان دەبێ هەمووان لە ئاست ئەم پێشێلكارییە ژینگەییە بێ دەنگ نەبین و ببینە دەنگێكی بە هێزی فشار بۆ بەر پێگرتنی ،تاوەكو لایەنە پەیوەندیدارەكان وحكومەت چی تر لە ئاست ئەم مەترسیەدا كەمتەر خەم نەبن،و سوتەمەنی پێویست بۆهاوڵاتیان دا بین بكەن وئەوسا بەجێ بەجێ كردنی یاسا بەر لە هەڵمەتی داربڕین بگرن.
وەپێویستە بەزووترین كات دەستەی پاراستن و چاككردنی ژینگە و لێژنەی تەندروستی وژینگەی پەرلەمان وپۆلیسی دارستان بێنە دەنگ. و سەرپێچیكەران سزا بدەن.

رێكخراوی ئایندە بۆ پاراستنی ژینگە
21-11-2020

زۆرترین بینراو