گیرانی م.ئیسماعیل سوسەی لەلایەن ئەمەریکاوە بوە نەك حزبێکی دیاری کراوی کوردستان.

هەواڵی / 17/10/2020 942 جار بینراوە

گیرانی م.ئیسماعیل سوسەی لەلایەن ئەمەریکاوە بوە نەك حزبێکی دیاری کراوی کوردستان.

نوسینی : بارزان رمضان
کاتێ هەواڵی زیندانی کردنی م.ئیسماعیل سوسەیی بڵاوکرایەوە راستەوخۆ پەیوەندیم بەسەرچاوەی یەکەم کرد دەربارەی چۆنیەتی ووردەکاری دەستگیر کردنی  م.ئیسماعیل زانیاریم کۆکردەوە، بەلام ئەوکات داوای لێکردم بڵاوی نەکەمەوە بۆ ئەوەی زیانی زیاتری بەرنەکەوێت چونکە هیچ میدیا و کەنالەکانی کوردستان درکیان پێنەکردبو تەنانەت ئێستاش، بەلام دوای ئەوەی حوکمەکەی بۆدەرچوە کە نزیکە ١٢ ساڵی بۆ براوەتەوە، بر باسکردنی چۆنیەتی گیرانەکەی زیانی پێناگات.

سەرچاوەی یەکەم کە خۆشی راستەوخۆ لەماڵی م.ئیسماعیل بوە کاتی گیرانەکە بەم شێوەیە زانیاریەکەی پێگەیاندم ووتی" لەگرتنی م.ئیسماعیل یەك پێشمەرگە و یەك کارمەندی ئاسایش و یەك پۆلیسی تێدانەبو، بەلکو ئەوانە دەستگیریانکرد هێزێکی هاوبەشی ئەمەریکی و فەرەنسی بون، تەنیا موتەرجمێکی کوردی کارمەندی خۆیان لەگەلدابو.

هەروەها ووتی" بەر لەوەی دەستگیر بکرێت کۆپتەرێکی ئەمەریکی بەسەر گەرەکی ماڵی م.ئیسماعیل سوراوەتەوە، دوای ئەمە لەناکاو هێزێکی زۆری ئەمەریکی و فەرەنسی بە دەیان سەیارەی سەربازی دەوری مالی م.ئیسماعیل-یان تەوقدا و زۆر بە درندانە و بێ ئەدەبانە بەسەر تاق و دیوار کەوتن، ئەوکات چەند میوانێك و چەند قوتابیەکیش هاو شێوەی من لە ماڵی م.ئیسماعیل بون، سەربازە ئەمەریکی و فەرەنسیەکانیش بە چەكی قورس و سیلاح و سەگی پۆلیسی پەلاماری ماڵی م.ئیسماعیل-یاندا و هەمو ئەوکەسانەشی لەماڵەکەیدابون دەستبەسەرکران بەفلێپس دەستی هەمویان لەدواوە بەستایەوە و عەلاگەی رەشیان لەسەرکردن،  تەنها یەك تۆز رێگایاندا م.ئیسماعیل-دا لەرێگای موتەرجیمەکە هەندێ قسەیان لەگەلبکات پێی ووتن" ( ئێوە بۆ وا پەڵاماری منتانداوە خۆ من هیچ کێشەی ئەمنیم نیە و بارزان قەسابیش ئاگاداری منە ئەگەر رێگام بدەن ئێستا تەلەفۆنێکی بۆ دەکەم با قسەتان لەگەل بکات)، فەرماندەی هێزەکەش لەرێگای موتەرجیمەکەیدا بە م.ئیسماعیل-ی ووت" رێگات نادەین پەیوەندی بەهیچ شوێنێك بکەیت ئێمە لەسەر ئەرکی خۆمان هاتوین دەستگیرت دەکەین پەیوەندی بە ئاسایش و حکومەتی هەرێمدا نیە، ئینجا تا تاقەتیان هەبو لەناو ماڵی م.ئیسماعیل گەران و هەمو کەلەن و قوژبنێکیان کۆلیەوە بەدوای سیلاح و شت دەگەران، هەمو ناومالیان بەگۆرێ وەرکرد و چەند شتیشیان شکاند و هتد..، بەلام هیچیان دەست نەکەوت.
ووتیشی" لەکۆتایدا تەنها م.ئیسماعیل-یان بەدەست بەسترایی و عەلاگە بەسەرەوە راپێچی ناو سەیارەیەکی سەربازی خۆیانکرد و رفاندیان، بەلام هیچ یەکێك لە قوتابی و میوانەکانیان نەبرد هەمویان بەدەست بەستراوی  هەر لەماڵی م.ئیسماعیل بەجێهێشتن، تەنانەت هەندێك لەقوتابیەکانی لەژێر تانکی ئاوی سەربان بەدەست بەستراوی جێهێشتبو، تەنها م.ئیسماعیل-یان رفاند و رۆیشتن، پاشان دژە تیرۆر و ئاسایشی هەولێر دەستگیر کردنی م.ئیسماعیل-یان خستە ئەستۆی خۆیان.

  ئەمە کورتەی حەقیقەتی دەستگیر کردنی م.ئیسماعیل سوسەیی بو بە گوێرەی زانیاریەکانی سەرچاوەی یەکەم، لە ئۆپەراسیۆنێکی موخابەراتی ئەمەریکا و فەرنسا کراوەتەوە ئامانج و ئەوان سەرەتا دەستگیریان کردوە.

هەندێك بەلگەی ڤدیۆی کۆنی م.ئیسماعیل سوسەییش ئاماژەی بەوە کردوە پێشتر لەلایەن (ئایدن و جاك)ی موخابەراتی ئەمەریکی و ئوستورالی خراوتە ژێر ڕادار و هەوڵی گرتنیانداوە.

ڤیدیۆی یەکەم: م.اسماعیل پێش ئەوە بگیرێت باسی هەوڵی رفاندنی خۆی دەکات بەکۆپتەری ئەمەریکی لەلایەن موخابەراتی ئەمەریکاوە



ڤیدیۆی دووەم: م.اسماعیل سوسەیی باسی موخابەراتی ئەمەریکی و موخابەراتی رێکخراوی ئوستورالی دەکات کەچۆن لێپرسینەوەی لەگەل دەکەن و چۆن موراقەبەی دەکەن


بەلام کۆی گشتی ئەم زانیاریانە پێویستە لە دەرفەتێکدا لە لایەن خودی مامۆستا ئیسماعیل سوسەیی پشت راست بکرێتەوە لەداهاتودا.

زۆرترین بینراو