باشترین جۆره‌کانی گژوگیا بۆ دڵه‌کزێ و ئازاری گه‌دده‌

هەواڵی / 11/10/2020 331 جار بینراوە

زۆر گرنگه‌ هۆکاره‌کانی ده‌ست نیشان بکرێت و نابێت پشتگوێ بخرێت
باشترین جۆره‌کانی گژوگیا بۆ دڵه‌کزێ و ئازاری گه‌دده‌


---  ئه‌و خواردنانه‌ی پێویسته‌ نه‌خورێن یان که‌م بخورێن :
ـــــ دڵه‌کزێ و ئازای گه‌ده‌ وه‌ک هه‌موو کێشه‌یه‌کی ته‌ندروستی زۆر گرنگه‌ هۆکاره‌کانی ده‌ست نیشان بکرێت و نابێت پشتگوێ بخرێت به‌ تایبه‌ت له‌گه‌ڵ بوونی نیشانه‌ی تری وه‌ک دابه‌زینی کێش به‌ خێرایی ، ڕشانه‌وه‌ ، بوونی خوێن له‌ ناو پیسایی و ڕشانه‌وه‌ ، که‌مخوێنی ، ڕه‌ش بوونی ڕه‌نگی پیسایی ، به‌رده‌وام بوونی بۆ ماوه‌یه‌کی زۆر ۰۰ هتد ۰
۱ ــــ نه‌عنا :   نیو که‌وچکی چا زه‌یتی نه‌عنا له‌ ناو یه‌ک کووپ ئاوی گه‌رم ؛ یان نه‌غنا به‌ سه‌وزی بخۆ یه‌ک که‌وچکی چێشت نه‌عنای سه‌وز بخه‌ره‌ ناو یه‌ک کووپ ئاوی گه‌رم و پاش ۱۰ خوله‌ک بیخۆره‌وه‌ ؛  نیوسه‌عات  پێش خواردن یان کاتی دڵه‌کزێ و ئازاری گه‌دده‌ ؛ نابێت له‌گه‌ڵ ده‌رمانی دژی دڵه‌کزێ بخورێن به‌یه‌که‌وه‌ ۰
۲ ــــ ڕازیانه‌ : یه‌ک که‌وچکی چێشت  ده‌نکی ڕازیانه‌   بخه‌ره‌ ناو یه‌ک کووپ ئاوی گه‌رم ؛ یان که‌وچکی چێشت گه‌ڵای ڕازیانه‌ی   هاڕاو بخه‌ره‌ ناو دوو کووپ ئاو ؛ بۆ ماوه‌ی ۱۰ خوله‌ک بیکوڵێنه‌ ، ڕۆژی دوو جار بیخۆره‌وه‌ ؛ یه‌ک سه‌عات پێش خواردن یان کاتی  دڵه‌کزێ و ئازاری گه‌دده‌  ۰
۳ ـــ زه‌نجه‌بیل : یه‌ک کووپ چای زه‌نجه‌بیل : ڕۆژی دوو یان سێ جار  بیخۆره‌وه‌ ؛ یه‌ک سه‌عات پێش خواردن یان کاتی  دڵه‌کزێ و ئازاری گه‌دده‌ ۰
٤ ـــ جاتره‌ :  که‌وچکی چێشت جاتره‌ی  هاڕاو بخه‌ره‌ ناو دوو کووپ ئاو ؛ بۆ ماوه‌ی ۱۰ خوله‌ک بیکوڵێنه‌ ، ڕۆژی دوو جار بیخۆره‌وه‌ ؛ یه‌ک سه‌عات پێش خواردن یان کاتی دڵه‌کزێ و ئازاری گه‌دده‌ ۰
٥ ـــ شمڵی : یه‌ک یان دوو که‌وچکی چێشت ده‌نکی  شمڵی هاڕاو بخه‌ره‌ ناو دوو کووپ ئاو ؛ بۆ ماوه‌ی ۱۰ خوله‌ک بیکوڵێنه‌ ، ڕۆژی دوو جار بیخۆره‌وه‌ ؛ یان ڕۆژانه‌ یه‌ک یان دوو که‌وچکی چێشت ده‌نکی شمڵی هاڕاو بخۆ یه‌ک سه‌عات پێش خواردن یان کاتی دڵه‌کزێ و ئازاری گه‌دده‌ ۰
٦ ـــ  ئه‌لوڤێرا ؛ نیو په‌رداخ شه‌ربه‌تی ئه‌لوڤێرا کاتی دڵه‌کزێ و ئازاری گه‌دده‌ ۰
۷ ـــ زه‌عفه‌رانی کوتراو : یه‌ک کوچکی چێشت بخه‌ره‌ ناو شۆربا یان برنج یان مریشکه‌وه‌ و بیخۆ ۰
۸ ـــ گه‌ڵای ڕۆزماری ۰
۹ ـــ زیره‌ :یه‌ک یان دوو که‌وچکی چێشت زیره‌ هاڕاو بخه‌ره‌ ناو زه‌ڵاته‌وه‌ یان چێشته‌وه‌ و بیخۆ ۰
۱۰ ـــ زه‌یتی لاڤه‌نده‌ر ( الخزامی ) ۰ 
۱۱ ـــ مه‌عده‌نووس : به‌ کاڵی بخورێت یان یه‌ک په‌رداخ شه‌ربه‌تی مه‌عده‌نووس کاتی ئازار ۰
 ---  ئه‌و خواردنانه‌ی پێویسته‌ نه‌خورێن یان که‌م بخورێن :
۱ ـــ میوه‌ مزره‌مه‌نیه‌کان : لیمۆ و سندی و پڕته‌قاڵ ؛ به‌تایبه‌ت گیراوه‌کانیان یان به‌ شێوه‌ی شه‌ره‌به‌تی فرێش ۰
۲ ـــ سیر و پیاز ۰
۳ ـــ ته‌ماته‌ : پێویسته‌ که‌می لێ بخورێت و به‌ هێواشی و به‌ جوانی بجورێت ۰
٤ ـــ مادده‌ی کاڤایین بۆ نموونه‌ : چا و قاوه‌ و کاکاو و سۆدا : بۆ چا و قاوه‌ ڕۆژانه‌ دوو کووپ زیاتری لێ نه‌خورێته‌وه‌ ۰
٥ ـــ خواردنه‌وه‌ گازیه‌کان : چونکه‌ ده‌بنه‌ هۆی ئاوسانی گه‌دده‌ بێجگه‌ له‌ بوونی کاڤایین ۰
٦ ـــ نه‌سته‌له‌ ۰
۷ ـــ بیبه‌ری توند و به‌هاراتی توند و ترشیات و ترش و لیمۆن دۆزی ۰
۸ ـــ شیر : هه‌رچه‌نده‌ له‌ سه‌ره‌تادا ڕه‌نگه‌ دڵه‌کزێ نه‌هێڵێت به‌ڵام دواتر ده‌بێته‌ هۆی خرابتر بوونی به‌ تایبه‌ت شیری ته‌واو چه‌وری ۰
۹ ـــ خواردنه‌وه‌ کحولیه‌کان ۰
۱۰ ـــ خواردنی سورکراوه‌ و زۆر برژاو و خواردنی چه‌ور وه‌ک ڤاست ڤوود و به‌ز و دوگ۰
۱۱ ـــ پیتزا ۰
۱۲ ـــ ساس و ماێونیز و که‌چه‌پ ۰
ئاماده‌کردنی :
دکتۆر کامه‌ران رسوڵ ژاژڵه‌یی
پسپۆڕی زانستی خۆراک

زۆرترین بینراو