#ڤایرۆسی کۆرۆنا

سعودیە ڕێنمایی نوێ بۆ دەستپێکردنەوەی گەشتی عومرە بڵاوکردەوە

هەواڵی / 21/9/2020 174 جار بینراوە

سعودیە ڕێنمایی نوێ بۆ دەستپێکردنەوەی گەشتی عومرە بڵاوکردەوە

 

وەزیری کاروباری حەجى سعودیە ڕایگەیاند، وڵاتەکەی بڕیاریداوە بۆ ڕێکخستنی گەشتی عەمرە بەشێویەکی تەندروست و دوور لە جەنجاڵی بەهۆی بڵاوبوونەوەی پەتای کۆرۆنا، ئەپڵیکێشینێک لە تۆڕی ئینتەرنێت بەردەست بکات بۆ ئەو کەسانەی کە ئارەزووی ئەنجامدانی ئەو مەراسیمەیان هەیە لە هاوڵاتیانی سعودیە و هاوڵاتیانی دیکەی وڵاتانی جیهان.  

ئەمڕۆ دووشەممە، 21ی ئەیلولی 2021، محەمەد تاهیر، وەزیری کاروباری حەج لە وڵاتی سعودیە بە میدیاکانی ڕاگەیاند، "بەمەبەستی دەستکردنەوە بە گەشتەکان و ڕێوڕەسمەکانی عەمرە، بڕیاردراوە ئەپڵیکێشنێک لەڕێگەی تۆڕی ئینتەرنێتەوە بەردەست بکەین بۆئەو کەسانەی کە ئارەزووی ئەنجامدانی ئەو مەراسیمەن".  

 وتیشی، "مەبەست لەوهەنگاوە، ئەنجامدانی مەراسیمە ئاینییەکانە لە چوارچێوەی  دۆخێکی سەلامەت وتەندروستدا بە جۆرێک دووربێت لەجەنجاڵی، چونکە لەرێگەی ئەو خزمەتگوزارییەوە هاوڵاتیانی سعودیە وهاووڵاتیانی دیکەی جیهان دەتوانن پێشوەخەت داواکاریی پێشکەش بکەن بۆ ئەوەی وادە و کاتی ئەنجامدانی مەراسیمەکەیان بۆدیاری بکرێت".  

 بەهۆی بڵاوبوونەوەی ڤایرۆسی کۆرۆنا، سعودیە بڕیاریدا حەجی ئەمساڵ سنورداربکات، لە کۆی دووملیۆن حاجی کە ساڵانە ڕوویان لەو وڵاتە دەکرد بۆ بەجێگەیاندنی فەریزەی حەج، ئەمساڵ  تەنها 10هەزار کەس لە هاوڵاتیانی سعودیە و دانیشتوانی ئەو وڵاتە توانیان  ڕێوڕەسمی حەج ئەنجامبدەن لەژێر ڕێکارێکی تەندروستی تووندا . 


زۆرترین بینراو