#ڤایرۆسی کۆرۆنا

ڕووداوێکی هاتوچۆی سەیر.. گوایە منداڵەکە بۆ نەخۆشخانە دەبەن بەڵام لەڕێگا فڕێی دەدەن

هەواڵی / 5/8/2020 462 جار بینراوە

ڕووداوێکی هاتوچۆی سەیر.. گوایە منداڵەکە بۆ نەخۆشخانە دەبەن بەڵام لەڕێگا فڕێی دەدەن

 

لە شەقامێکی هەولێر ڕووداوێکی هاتوچۆی سەیر ڕوو دەدات، شۆفێرێک لە منداڵێک دەدات، دواتر لە بەردەم خەڵکەکەدا منداڵەکە هەڵدەگرێتەوە گوایە دەیباتە نەخۆشخانە، بەڵام دوای ماوەیەک و لە ناوچەیەکی تر فڕێی دەدات.  

ئەمڕۆ چوارشەممە، 5ی ئابی 2020، پۆلیسی هەولێر ڕاگەیەندراوێکی بڵاوکردەوە و دەڵێت، "بەشی پۆلیسی نەهێشتنی تاوان و بەشی پۆلیسی ناوشار/ ڕۆژهەڵات - بنکەی پۆلیسی باداوە، دوو تۆمەتباریان بە ناوەکانی (ا.ن.خ) و (ع.م.ا) و دانیشتووی گەڕەکی باداوە، بە تۆمەتی لێدان لە منداڵێک بە ئۆتۆمبێل بە ناوی (دواڕۆژ کارزان خەسرەو) تەمەن شەش ساڵ، دەستگیر کرد".  

ئاماژەى بەوەشکردووە کە "ئەو منداڵە بە ئۆتۆمبێلێکی جۆری (ئۆباما) لێی درابوو، دواتر گوایە منداڵەکە دەبەنە نەخۆشخانە، بەڵام لە شوێنێکی نزیک لە رووداوەکە فڕێیان دابوو، تۆمەتباران دانیاننا بە تاوانەکەیاندا، بۆیە بەپێی ماددە (23ـی هاتووچۆ) بەندکران و رووبەڕووی یاسا کرانەوە".  

 

 

زۆرترین بینراو