#ڤایرۆسی کۆرۆنا #كێشه‌ به‌رده‌وامه‌كانی نیوان یه‌كێتی و پارتی

به‌هۆی نەمانی ئۆكسجین ٨ توشبوی كۆرۆنا لەنەخۆشخانەی ڕزگاری هەولێر گیانیان لەدەستدا

هەواڵی / 30/7/2020 153 جار بینراوە

به‌هۆی نەمانی ئۆكسجین ٨ توشبوی كۆرۆنا لەنەخۆشخانەی ڕزگاری هەولێر گیانیان لەدەستدا


رۆژنامەنوسێك ئاماژەبەوە دەكات ، لەبەرنەمانی ئۆكسجین ٨ توشبوی كۆرۆنا لەنەخۆشخانەی رزگاری هەولێر گیانیان لەدەستداوە ئەگەر كاتژمێر ١٢ ئۆكسجین لەسلێمانییەوە نەگەیشتبایە هەولێر، رەنگە كارەساتەكە زۆر گەورەتر بوایە

ئیبراهیم عەلی رۆژنامەنوس لەژێرناوی جەژنانەی حكومەت ، دروستكردنی كارەسات بوو نوسیویەتی" بەم ڕۆژی عەرەفەیە، لەبەرنەمانی ئۆكسجین ٨ كەس لەنەخۆشخانەی رزگاری هەولێر گیان لەدەست دەدەن. ئەگەر كاتژمێر ١٢ ئۆكسجین لەسلێمانییەوە نەگەیشتبایە هەولێر، رەنگە كارەساتەكە زۆر گەورەتر بوایە."
ئاماژەی بەوەشداوە"لەسلێمانی كارگەی ئۆكسجین هەیە، بەڵام لەنەخۆشخانەی رزگاری تا ئۆكسجین تەواو نەبێت داوا ناكەن ئۆكسجینیان بۆ بێت، چەند جارێكی تریش لەو ماوەیە ئەو نەخۆشخانەیە ئۆكسجینی نەماوە بەڵام بەهۆی ئەوەی كەس نەمردوە بۆیە دەنگدانەوەی نەبووە."

ئیبراهیم عەلی راشیگەیاندوە" ئەوەی ئەمڕۆ ڕویدا راستی شێوازی ئیدارەدانی ئەم وڵاتەیە كە لەهەر چركە ساتێك ئەگەری دروستبوونی كارەسات هەیە بەهۆی خراپی ئیدارەدانەوە ."