لە 8 وڵاتى عەرەبى نوێژى جەژن دەکرێت و لە 9 وڵاتى تر لە ترسى کۆرۆنا ئەنجام نادرێت

هەواڵی / 29/7/2020 174 جار بینراوە

لە 8 وڵاتى عەرەبى نوێژى جەژن دەکرێت و لە 9 وڵاتى تر لە ترسى کۆرۆنا ئەنجام نادرێت

شه‌ن پرێس : ناس کورد
لەگەڵ نزیکبوونەوەى جەژنى قورباندا 8 دەوڵەتى عەرەبى رەزامەندى نیشاندا لەسەر ئەنجامدانى نوێژى جەژن لە مزگەوت و گۆڕەپانەکان، لەکاتێکدا هێشتا چەند وڵاتێکى عەرەبى بەهۆى مەترسییەکانى کۆرۆناوە خۆیان ساغ نەکردۆتەوە و بڕیارى یەکلاکەرەوەیان لەو بارەیەوە نەداوە.  

بەگوێرەى ئاژانسەکانى هەواڵ 9 وڵاتى عەرەبى بەهۆى مەترسى کۆرۆناوە رەتیان کردەوە کە نوێژى جەژن لەناو مزگەوت و گۆڕەپانەکان بکرێت و داوایان لە هاووڵاتیان کرد کە نوێژى جەژن لەنێو ماڵەکانیان ئەنجام بدەن.  

هاوکات هەریەک لە وڵاتانى یەمەن و سۆماڵ و مۆریتانیا و جیبۆتى هێشتا بڕیارى یەکلاکەرەوەیان لەو بارەیەوە نەداوە.  

هاوکات ئەو وڵاتانەى کە نوێژى جەژنى تیادا دەکرێت بریتین لە : سعودیە، قەتەر، کوێت، لوبنان، فەڵەستین، ئەردەن، سودان، تونس.  

ئەو وڵاتانەشى کە بەهۆى کۆرۆنا و وەک خۆپارێزییەک نوێژى جەژنى تیادا ناکرێت بریتین لە : ئیمارات، بەحرەین، سەڵتەنەى عەمان، عێراق، سوریا، میسڕ، لیبیا، مەغریب، جەزائیر