#ڤایرۆسی کۆرۆنا

سەرۆكی یەكێتی زانایان: تائێستا 30 مامۆستای ئایینی توشی ڤایرۆسی كۆرۆنا بوون

هەواڵی / 14/7/2020 180 جار بینراوە

لەو ژمارەیەش چوار مامۆستا گیانیان لەدەستداوە
سەرۆكی یەكێتی زانایان: تائێستا 30 مامۆستای ئایینی توشی ڤایرۆسی كۆرۆنا بوون

شه‌ن پرێس:
یەكێتی زانایانی ئاینی رایگەیاند: لەسەرەتای سەرهەڵدانی كۆرۆناوە تائێستا 30 زانای ئاینی تووشی ڤایرۆسی كۆرۆنا بوون و لەو ژمارەیەش چوار مامۆستای ئایینی بەوهۆیەوە گیانیان لەدەستداوە.

د.عەبدوڵڵا مەلا سەعید سەرۆكی یەكێتی زانایانی ئایینی ئیسلامی كوردستان زانایانی رایگەیاند: لەسەرەتای پەیدابونی نەخۆشی كۆرۆنا ئێمە هەوڵی تەواومانداوە بۆ ئەوەی بەشێوەیەكی گشتی هاوكارو هەماهەنگ بین لە پرۆسەی خۆپارێزی لەو ڤایرۆسەو گرتنەبەری رێكاری پێویست لەو بارەوە، بۆ ئەو مەبەستەش هەم رێكارە شەرعیەكانی خۆپارێزی و روونكردنەوەی بابەتە شەرعیەكانی پەیوەست بەو بوارەمان دیاریكردووە، هەمیش پاڵپشت و هاكاربووین لەبڵاوكردنەوەی هۆشیاری بۆ هاووڵاتیان سەبارەت بەڕێنماییەكانی وەزارەتی تەندروستی.

دەشڵێت: زانایانی ئایینی پاڵپشتی و هاوكارییەكی گەورەیان ئەنجامداوە لە پێناو سەلامەتی هاووڵاتیان و پابەندی و جێبەجێ كردنی بڕیارەكان، هەر ئەوەش هۆكار بووە مامۆستایانی ئایینی ملكەچی داخستنی مزگەوتەكان بون، چونكە لە تێڕوانینی ئەوان و تێگەیشتنیان بۆ مەقاسیدی شەریعەت سەلامەتی گیانی هاووڵاتیان لەسەرو  هەموو شتێكەوە بووە.

سەبارەت بە رێژەی تووشبووان لەناو زانایانی ئایینی سەرۆكی یەكێتی زانایان رایگەیاند: تائێستا لە هەرێمی كوردستان 30 زانایای ئایینی تووشی كۆرۆنا بوون و بەداخەوە لەناو ئەو رێژەیەش چوار مامۆستای ئایینی بەو هۆیەوە گیانیان لەدەست داوە، هەرچەند سەلامەتی هەموو هاووڵاتیەك بەلای ئێمەوە گرنگە، بەڵام بەحوكمی كاری پیشەیی بەردەوام رەچاوی تەندروستی زانایانی ئایینی دەكەین.

باسلەوەشدەكات: وەك یەكێتی زانایان بەردەوام له‌ پەیوەندیدا بووین لەگەڵ ئەو مامۆستایانەی توشی كۆرۆنا بوون و چاودێری دۆخی تەندروستی و ئاماری توشبوانمان كردوە.

زۆرترین بینراو