#ڤایرۆسی کۆرۆنا #كێشه‌ به‌رده‌وامه‌كانی نیوان یه‌كێتی و پارتی

زۆر جار دڵتەنگ دەبم و بێزار دەبم و هەندێ جار دەگاتە ڕادەی بێزاربوون لە ژیانم، چ بكەم لەو كاتانەدا ؟

هەواڵی / 13/7/2020 268 جار بینراوە

زۆر جار دڵتەنگ دەبم و بێزار دەبم و هەندێ جار دەگاتە ڕادەی بێزاربوون لە ژیانم، چ بكەم لەو كاتانەدا ؟

بەناوى خواى بەخشندە و میهرەبان

ئەم كارانەی خوارەوە ئەنجام بدە بۆ ئەوەی لە بێزاری و دڵ تەنگی ڕزگارت ببێت:


1 ـ بەرزكردنەوەی ئاستی ئیمان و كردەوەی چاكە ئەنجام دان، چونكە خوای گەورە فەرموویەتی: [مَنْ عَمِلَ صَالِحًا مِّن ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُم بِأَحْسَنِ مَا كَانُواْ يَعْمَلُونَ] [سورة النحل: (97) ] .
واتە: هەر كەسێك كردەوەی چاكە بكات لە نێر و مێ و ئیماندار بێت ئەوا ژیانێكی خۆش و بەختەوەری پێ دەدەین لە دونیادا و لە قیامەتیشدا بە باشترین شێوە پاداشتی كردەوەكانیان دەدەینەوە.


2 ـ پەیوەست بوون و دەست گرتن بە بەرنامەكەی خواوە كە بریتىیە لە ئاینی ئیسلامی پیرۆز وەك خۆی، چونكە خوای گەورە فەرموویەتی: [وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى (124) قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيرًا (125) قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى (126)] [سورة طه] .
واتە: هەر كەسێك پشت هەڵبكات لە بەرنامەكەی خوا ئەوا بەڕاستی ژیانێكی پڕ لە بێزاری و ناسۆری هەیە و لە ڕۆژی قیامەتیشدا بە كوێری حەشری دەكەین، دەڵێت: پەروەردگارم ئەوە بۆ بە كوێری حەشری دەكەیت خۆ من لە دونیادا بینا و چاو ساغ بووم ؟ خوا دەفەرموێت: ئاوەها ئایەتەكانی ئێمەت بۆ دەهات و تۆیش پشت گوێت دەخست بۆیە تۆیش ئەمڕۆ بێ بایەخ دەكرێیت.


3 ـ بەردەوام بوون لە سەر قورئان خوێندن و زیكری خوای گەورە، چونكە زیكری خوا دەبێتە مایەی ئارامگرتنی دڵ وەك خوای گەورە فەرموویەتی: [الَّذِينَ آمَنُواْ وَتَطْمَئِنُّ قُلُوبُهُم بِذِكْرِ اللّهِ أَلاَ بِذِكْرِ اللّهِ تَطْمَئِنُّ الْقُلُوبُ] [سورة الرعد: (28) ] .


واتە: ئەوانەی كەوا ئیمانیان هێناوە و دڵین بە زیكری خوا ئارام دەگرێت، وریا بە تەنها بە زیكری خوا دڵەكان ئارام دەگرێت و بەختەوەر دەبێت.
4 ـ وە زۆربەی جار و تایبەت لە بەنیان و ئێواراندا ئەم زیكر و دوعایە بخوێنە: (اللهم إنـي أعوذ بك من الـهَم والـحزن والعجز والكسل والـجُبن والبُخل وظلع الدين وغلبة الرجال).


5 ـ پێغەمبەر (صلى الله عليه وسلم) فەرموویەتی: ((ما أصابَ أحداً هَمٌّ ولا حَزَنٌ فقال: اللهُمَّ إنِّي عَبْدُكَ، وابنُ عَبْدِكَ، وابنُ أَمَتِكَ، ناصِيَتِي بِيَدِكَ، مَاضٍ فِيَّ حُكْمُكَ، عَدْلٌ فِيَّ قَضاؤُكَ، أَسْأَلُكَ بِكُلِّ اسْمٍ هُوَ لَكَ، سَمَّيْتَ بِهِ نَفْسَكَ، أوْ عَلَّمْتَهُ أحَدَاً مِنْ خَلْقِكَ، أوْ أنْزَلَتَهُ فـي كِتَابِكَ، أَوْ اسْتَأْثَرْتَ فـي عِلْمِ الغَيْبِ عِنْدَكَ، أنْ تَجْعَلَ القُرْآنَ رَبِيعَ قَلْبِي وَنُورَ صَدْڕي وَجَلاءَ حُزْنِي وَذَهَابَ هَمِّي، إلاَّ أَذْهَبَ اللهُ هَمَّهُ وحُزْنَهُ وأَبْدَلَهُ مَكانَهُ فَرَجاً)) [سلسلة الأحاديث الصحيحة رقم: (199)] .
واتە: هەركەسێك غەم و پەژارە و ناڕەحەتى یەكی تووش ببێت و بڵێت:
خوایە من بەندەی تۆم، و كوڕی پیاوێكم كە بەندەی تۆیە، و كوڕی ئافرەتێكم كە بەندەی تۆیە، پێشەسەرم لە دەستی تۆدایە، حوكمی تۆ بەسەرمدا پەیڕەوكراوە، بڕیاری تۆ بەسەرمدا ڕاست و دادپەروەرانەیە، داوات لێدەكەم بە هەموو ناوێك كە ناوی خۆتت پآناوە، یان فێری كەسێكت كردووە لە دروستكراوەكانت، یان داتبەزاندووە لە كتێبەكەتدا، یان تایبەتت كردووە بە خۆتەوە لە زانستی غەیبدا لای خۆت، كەوا قورئان بكەیت بە بەهاری دڵم و رووناكی سێنگم و هەڵگری پەژارەم و لابەری غەمم.
ئیللا خوا غەم و پەژارەی لادەبات و لە جێی ئەوەدا دەیگۆڕێتەوە بە دلڕ فراوانی.


6 ـ پرسیار كراوە لە ئیمامی (الـحسن البصري) و وتویانە: (ما لنا نراك مطمئناً) ؟
واتە: ئەوە چی بەردەوام دەتبینین بەختەوەریت و بێ تاقەت و بێزار نیت ؟
ئەویش لە وەڵامدا فەرمووی: (عَلِمْتُ أنَّ رزقي لا يأخذهُ غيري فاطمئن له قلبي، وعَلِمْتُ أنَّ اللهَ مُطلع عليَّ فاستحييتُ أنْ يرانيَ على ذنبٍ، وعَلِمْتُ أنَّ عملي لا يقوم به غيري فاشتغلتُ به وحدي، وعَلِمْتُ أنَّ الـموتَ ينتظرنـي فاستعددتُ لـما بعده).
واتە: بەڕاستی دەزانم كەوا رزق و ڕۆزیم كەسێكی تر نایبات جگە لە من بۆیە دڵم بۆی ئارامی گرتووە، وە بەڕاستی دەزانم كەوا خوا ئاگای لێمە بۆیە شەرمی لێدەكەم بە سەر تاوانەوە بمبینێت، وە بەڕاستی دەزانم كەوا كردەوەكانم كەسێكی تر نایانكات بۆم منیش خۆم پێیەوە سەرقاڵ و مەشغوڵ كردووە،، وە بەڕاستی دەزانم كەوا مردن چاوەڕوانمە منیش خۆم ئامادە دەكەم بۆ دوای مردن.
بەڕاستی ئەوەیە ڕێگاكانی بەختەوەری و ئاسوودەیی.

لەلایەن مامۆستا (محمد عبد الرحمن) ەوە وەڵام دراوەتەوە
وه‌ڵامه‌كان