#ڤایرۆسی کۆرۆنا

ئــەو خــۆراكــانــەی كــە یــارمــەتــیــدەرن بــۆ (خــەو ) ێـكـی ئــارام و قــوڵ

هەواڵی / 11/7/2020 315 جار بینراوە

ئــەو خــۆراكــانــەی كــە یــارمــەتــیــدەرن بــۆ (خــەو ) ێـكـی ئــارام و قــوڵ


شه‌ن پرێس :
ژیانی ڕۆژانەی مرۆڤەكان پڕاوپڕە لەماندوو بوون و كاری سەخت و نیگەرانی و بیركردنەوە و بێتاقەتی, ئەوەش پێویستیی بەنوستنێكی باش و ئارامە تاكەسەكان ماندووییان بحەسێتەوە و شەكەتیی گیانیان دەربچێ‌ .

شارەزایان و پسپۆڕانی خۆراكی چەندین جۆرە خۆراكیان جیاكردووەتەوە و دەڵێن كەئەم خۆراكانە یاریدەدەرێكی باشن تامرۆڤەكان بەئارامی بخەون و گیانیان پشوو بدات و ئیسراحەت بكەن, بەتایبەتیش كەبەكاتێكی كەم بەر لەوادەی نوستن بخورێن, وا ئێمەش دەیانخەینە ڕوو, بەو هیوایەی سوود مەند بێت بۆتان :

1 / سەوزە و گژ و گیای تازە – فرێش - , وەك ڕێحانە و نەعنا و مەعدەنوس و گیا بەیبون و چەند گیایەكی تریش, كەئارامكەرەوەن و یارمەتیت دەدەن تا باشتر و ئارامتر بخەویت .

2 / خۆراكەكانی وەك بـرنـج و مەعكەرۆنە و نان و دانەوێڵەكان, كەئەمانیش بەسوودن بۆت, بەڵام ووریابە و خۆت بەدوور بگرە لەخـواردنی كێك و شیرمەنییەكان و هەر شتێكی تر كەلەكاری هـەویر و شـەكر بێت بەر لەكاتەكانی نوستنت, چونكە ئەمانە ماندووت دەكەن و ئارامیی خەوتنەكەت تێكدەدەن .

3 / خـواردنەوەكانی وەك شـیری گەرم و چـای گیایی وەك بەیبون و نەعنا و چـای سەوز, بەڵام خۆت لەهەموو ئەو شتانە بەدوور بگرە كەكافایینیان تێدایە و بەتایبەتیش لەدوای نیوەڕۆ بەدواوە مەیانخۆ .

4 / خـواردنی پەنیری كـەم چەوری و مـاسیی برژاو و كەڵەشێریش بەسوودن بۆت, تائەو شەوە بەئارامی و بەقووڵی بخەویت, بەڵام ووریابە و خۆت لەخـواردنی پەنیری پڕ چەوری و ماسیی سورەوە كراو بەدوور بگرە, چونكە ئەمانە كاتێكی زیاتریان دەوێت تالەگـەدەتـدا هـەرس دەبن و ئەوەش بێزارت دەكات و بەهۆشیاری دەتهێڵێتەوە .

5 / مــۆز, باشترین میوەیە و هاوكارێكی باشت دەبێت بۆ باش نوستنت, چونكە مـۆز دوو پێكهاتەی زۆر باش و بەهێزی تێدایە بۆ خاو كردنەوەی ماسولەكانت و باش نوستنت كەئەوانیش پۆتاسیۆم و مەگنیسیۆمە, هەروەك بەكاربۆهیدراتیش دەوڵەمەندە و ئەویش دیسانەوە یارمەتیی باش نوستنت دەدات .

زۆرترین بینراو