#ڤایرۆسی کۆرۆنا

لەدوای جێگرەکەى، وتەبێژی تەندروستی سلێمانیش توشی کۆرۆنا بوو

هەواڵی / 24/6/2020 177 جار بینراوە

چەندین پزیشک و بەرپرسی نەخۆشخانەش توشی کۆرۆنا بوون 
لەدوای جێگرەکەى، وتەبێژی تەندروستی سلێمانیش توشی کۆرۆنا بوو

شه‌ن پرێس:
یاد نەقشبەندی، وتەبێژی تەندروستی سلێمانی توشی نەخۆشی کۆرۆنا بوو. 

پێشتریش هێرش سەلیم، جێگری بەڕێوەبەری تەندروستی سلێمانی توشی کۆرۆنا بوو، واتە ئەوە دووەم بەرپرسی بەڕێوەبەرایەتییەکەیە کە توشی نەخۆشییەکە بوون، هەروەها چەندین پزیشک و بەرپرسی نەخۆشخانە توشی نەخۆشییەکە بوون. 

ده‌قی نوسینكێكی هاوڕێ د.یاد نه‌قشبه‌ندی له‌وباره‌وه‌:

هاورێم (د.یاد نه‌قشبه‌ندی) توشی كۆرۆنا بوه‌

له‌ ده‌ستپێكی كاره‌وه‌ چۆن بریارماندابوو به‌یه‌كه‌وه‌ ویه‌ك بین، هه‌روا بوین و واده‌بین، چۆن رامانگه‌یاندبوو راستگۆ و شه‌فاف بین له‌گه‌ڵ خۆمان و خه‌ڵكی هه‌ر واده‌بین، بۆ یه‌ لێره‌وه‌ رایده‌گه‌یه‌نم (د. یاد نه‌قشبه‌ندی) كه‌ له‌ ئێستادا وته‌بێژی به‌رێوبه‌رایه‌تی گشتی ته‌ندروستی سلێمانیه‌ توشبوی كۆرۆنایه‌ و باری ته‌ندروستی جێگیره‌، به‌رده‌وام ده‌بێت له‌سه‌ر كاری خۆی، به‌ڵام جیاواز له‌ جاران له‌ پێناوی پاراستنی خه‌ڵكی به‌م‌ رێكارانه‌ی لای خواره‌وه‌ هیواداری راگه‌یاندنه‌كان و رۆژنامه‌نوسان هاوكار و پشتیوانمان بن:

1- له‌ پێناو پاراستنی هه‌موان راگه‌یاندنه‌كان زۆربه‌ی لێدوان زانیاریه‌كان له‌ رێگه‌ی ته‌له‌فۆنه‌وه‌ وه‌ربگرن له‌ به‌رێزیان.
2- دیداری راسته‌وخۆ و ستۆدیۆ به‌ هیچ شێوه‌یه‌ك لێ داوا نه‌كرێت، ئه‌گه‌ زۆر پێویستیش بوو كۆی رێنمایه‌ ته‌ندروستیه‌كان په‌یره‌و بكرێك له‌ شوێنی تایبه‌تی بۆ ئه‌وه‌ سه‌ڵامه‌تی هه‌موان بپارێزین له‌ توشبون به‌ كۆرۆنا.
3- هه‌ر ته‌له‌فزیۆن راگه‌یاندنێك داوای دیداری راسته‌خۆی كرد بۆ به‌رنامه‌كان له‌ رێگه‌ی مۆبایل راسته‌خۆ داغڵ ده‌بێت بۆ ئه‌وه‌ی زانیاریه‌كان به‌ راستی بگه‌ن و سه‌لامه‌تی هه‌موانیش پارێز راو بێت.
4- ئه‌و كه‌ناڵ و راگه‌یاندنانه‌ی ده‌یانه‌وێـت دیدار یان وته‌ی تایبه‌تی لێ وه‌ربگرن رێگه‌ نادرێت ببینرێت، راگه‌یاندنی ته‌ندروستی ئاماده‌كاریان بۆ ده‌كات و به‌ تۆماركراوی بۆیان ده‌نێرێت.
5- داواكارین له‌ راگه‌یاندنه‌كان په‌ستانه‌كانیان كه‌متر بكه‌نه‌وه‌ له‌ سه‌ری بۆ ئه‌وه‌ی باری ته‌ندروستی تێك نه‌چێت بتوانرێت به‌رده‌وام بێت له‌ خزمه‌تكردن.
هیوای ته‌ندروستی باشتر بۆ ( د.یاد نه‌قشبه‌ندی ) كۆی توشبوان ده‌خوازین، به‌رده‌وام ده‌بێت له‌ كاركردن، كۆی لێدوانه‌ فه‌رمیه‌كان له‌ لایه‌ن وته‌بێژه‌وه‌ ده‌بێت،هاوكاریتان ده‌بێته‌ پشتیوان بۆ ته‌ندروستی خۆتان و زوو چاكبونه‌وه‌ی وته‌بێژی ته‌ندروستی سلێمانی، شه‌فافیه‌ت كردارمانه‌، په‌یره‌وكردنی رێنمایه‌كان له‌ ئێستادا گرنكترین كارمانه‌.

عه‌بدوڵا گۆران
24-6-2020

زۆرترین بینراو