#ڤایرۆسی کۆرۆنا

خانمە پارێزەرێك بوو بە یەكەمین دادوەری باڵاپۆش لە به‌ریتانیا

هەواڵی / 29/5/2020 197 جار بینراوە

خانمە پارێزەرێك بوو بە یەكەمین دادوەری باڵاپۆش لە به‌ریتانیا


لە شانشینی یەكگرتوی بریتانیا، خانمێكی موسوڵمانی بە رەگەز پاكستانی دوای 17 ساڵ خزمەتكردن لە كەرتی یاسا و دادپەروەریدا وەك یەكەمین دادوەری باڵاپۆش لە مێژوی ئەو وڵاتەدا دەستنیشانكرا.
پێگه‌ی "ئیلاف" بڵاوی كردووه‌ته‌وه‌، رافیا ئه‌رشه‌د به‌ یه‌كه‌مین ژنه‌ دادوه‌ری باڵاپۆش هه‌ژمار ده‌كرێ كه‌ له‌ مێژووی ئه‌و وڵاته‌دا شتی وا رووی نه‌داوه‌.
لە میانی لێدوانێكیدا بۆ ئاژانسی مێترۆ ئەو خانمە رایگەیاند "دەستنیشانكردنم وەك دادوەرێك بەدڵنیاییەوە زۆر لە خودی خۆم گەورەترە، چونكە دەزانم بابەتەكە پەیوەندی بە خۆمەوە نییە، بەڵكو ئەمە گرنگە بۆ سەرجەم خانمان نەك بەتەنها خانمانی موسوڵمان، بەڵام بەشێكی بابەتەكە گرنگی هەیە بۆ خانمانی موسوڵمان".
رافیا ئه‌رشه‌د هه‌روه‌ها راشیگه‌یاندووه‌، "پێم وایه‌ ئه‌م دامه‌زراندنه‌م ده‌بێته‌ سرۆشی مسوڵمانه‌كانی به‌ریتانیا و گوتوویه‌تی، دامه‌زراندنم وه‌ك ژنێكی باڵاپۆش، ئه‌وه‌ ده‌گه‌یه‌نێ كه‌ له‌م وڵاته‌دا جیاوازی له‌ نێوان بیروبۆچوونه‌ ئاینییه‌كان ناكرێت، واته‌ لێره‌دا ئازادیی تاكه‌كه‌سی هه‌یه‌، گرنگه‌ هه‌موومان به‌ یاساكانی به‌ریتانیا پابه‌ند بین".
ئه‌وه‌شی گوت كه‌ دامه‌زراندنی وه‌ك دادوه‌ر ته‌نیا رێزگرتن نییه‌ بۆ مسوڵمانانی وڵاته‌كه‌، به‌ڵكو رێزگرتنه‌ بۆ هه‌موو ژنانی به‌ریتانیا، بۆیه‌ گوتی كاتێك له‌لایه‌ن سه‌رۆكی دادوه‌ران ئاگادار كرامه‌وه‌، بۆ من ئه‌وپه‌ڕی خۆشی بوو و به‌لامه‌وه‌ هه‌واڵێكی خۆش بوو، به‌ڵام ده‌بینم خه‌ڵكێكی زۆر به‌و دامه‌زراندنه‌، زیاتر له‌ خۆم دڵخۆش بوون.
دواتریش ئه‌وه‌ی گوت كه‌ كاتێك له‌ باڵه‌خانه‌ی دادگا كاری ده‌كرد، خه‌ڵكه‌كه‌ی ئه‌وێ كه‌ ده‌یانبینی باڵاپۆشه‌، بۆیه‌ پێیان وابوو كرێكارێكه‌ له‌ دادگا، یان كاری وه‌رگێڕان ده‌كات یاخۆ هاووڵاتییه‌كه‌ دۆسیه‌ی له‌ دادگا هه‌یه‌. ئێسته‌یش به‌و دامه‌زراندنه‌م، ئه‌وه‌ زیاتر ده‌سه‌لمێ كه‌ ئازادی له‌ به‌ریتانیا، پێكه‌وه‌ژیانێكی ئارامی پێ به‌خشیوین.
سەبارەت بە هەوڵ و كۆششەكانی راشیگەیاند، كاتێك كچێكی بچوك بووە، هەمیشە لەوە ترساوە پاشخانی ئایینی و ئەو ڕاستییەی كە لە چینێكی كەمینەیە ببێتە هۆی بەكەم تەماشاكردنی هەواڵەكانی و نەگەیشتنی بە ئامانج، هه‌روه‌ها وتی كه‌ هەوڵدەدات لە پێگەكەیدا دڵنیایی بدات لە بڕیاردانی دروست و گوێ لە چین و توێژە جیاوازەكان بگرێت.

ئاماژەی بەوەشكرد، هەوڵدەدات لە پێگەكەیدا دڵنیاییبدات لە بڕیاردانی دروست و گوێ لە چین و توێژە جیاوازەكان بگرێت بە رێگەیەكی دادپەروەرانە.

ئارشاد باسی لەوەشكردووە، دوای بوونی بە دادوەر ئەو كاردانەوانەی لە چواردەوری بوون سەرجەمیان ئەرێنی بوون و ئەوەش هەنگاو و هاندانێكی دیكەیە و وەك پێدانی پاداشتی ڕەنجی ساڵانی رابردوویەتی.

لەمیانی ئەزمونكردنی پیشەكەیدا لە ساڵانی رابردوو، ئەو خانمە به‌ریتانییە لە بوارە جیاوازەكانی یاسای تایبەتی منداڵان، هاوسەرگیری بەزۆر، خەتەنەكردنی كچان و بوارە جێندەرییەكان، لەگەڵ یاساكانی پەیوەست بە ئایینی ئیسلام كاریكردوە.

ئارشاد لە بەشێكی دیكەی وتەكانیدا رایگەیانده‌وە، هێشتا لە هەندێك كاتەكانی ناو دانیشتنەكانی دادگادا روو‌بەڕووی جیاكاری و رەگەزپەرستی دەبێتەوە، بەڵام هەوڵی تەواو دەدات ئەو جۆرە هەڵسوكەوتانە كار نەكاتە سەر چۆنییەتی ئەنجامدانی كار و بڕیارە پیشەییەكانی.

زۆرترین بینراو