# بزووتنەوەی گۆڕان #ڤایرۆسی کۆرۆنا #هاوپەیمانیی نیشتمانی

ئـه‌و خـۆراكـانـه‌ی‌ بـه‌ گــه‌نــجــی‌ ده‌تـهـێـڵـێـتـه‌وه‌

هەواڵی / 14/3/2020 669 جار بینراوە

ئـه‌و خـۆراكـانـه‌ی‌ بـه‌ گــه‌نــجــی‌ ده‌تـهـێـڵـێـتـه‌وه‌
 
شه‌ن پرێس:
كۆمه‌ڵێك خۆراكی‌ باش هه‌ن كه‌ ده‌توانن تا ئه‌ندازه‌یه‌كی‌ زۆرباش ڕێگری‌ له‌ پیربوونی‌ مرۆڤ بكه‌ن و به‌ گه‌نجی‌ و جوانی‌ ده‌یهێڵنه‌وه‌, جگه‌ له‌وه‌ی‌ كه‌ له‌ پاراستنی‌ مرۆڤیش له‌ نه‌خۆشییه‌كانی‌ دڵ و شه‌كره‌ و فشاری‌ خوێن و پوكانه‌وه‌ی‌ ئێسقانیشدا كاریگه‌ریی‌ زۆر باشیان هه‌یه‌, كه‌ ئه‌مانه‌ی‌ لای‌ خـواره‌وه‌ن:


1/ ئه‌ڤۆگادۆ: به‌ ترشه‌ چه‌وره‌كان دوڵه‌مه‌نده‌ و بۆ ته‌ندروستیی دڵ زۆر باشه‌.
2/ توو: مرۆڤ له‌ هه‌وكردنه‌ جۆربه‌جۆره‌كان ده‌پارێزێ‌ و به‌ دژه‌ ئۆكسانه‌كان ده‌وڵه‌مه‌نده‌ و ڕێگری‌ له‌ چرچبوونی‌ پێست ده‌كات.
3/ گوێز: به‌ ئۆمیگا سێ ده‌وڵه‌مه‌نده‌ و بۆ دڵ و پته‌وكردنی‌ ئێسك و ته‌نگه‌نه‌فه‌سی و كۆئه‌ندامی‌ هه‌رس و پێست و چالاككردنی‌ سوڕی‌ خوێن زۆر باشه‌.
4/ شوكولاته‌: سوڕی‌ خوێن چالاك ده‌كات و پێست به‌ جوانی‌ ده‌هێڵێته‌وه‌ و ڕێگری‌ له‌ چرچبوونی‌ ده‌كات.
5/ دانه‌وێڵه‌كان: به‌ كانزاكان و ڕیشاڵه‌كان و ڤیتامینه‌ جۆربه‌جۆره‌كان ده‌وڵه‌مه‌ندن و بڕێكی‌ باشیش دژه‌ ئۆكسانیان تێدایه‌ و نیشانه‌كانی‌ پیربوون دواده‌خه‌ن.
6/ لۆبیا: بۆ ته‌ندروستیی‌ دڵ زۆر باشه‌ و ڕێژه‌ی‌ كۆلیسترۆڵی‌ ناو خوێن كه‌مده‌كاته‌وه‌ و به‌ ئاسن و پۆتاسیۆم ده‌وڵه‌مه‌نده‌.
7/ ماسی: خـواردنه‌ ده‌ریاییه‌كان به‌ گشتی‌ و ماسی به‌تایبه‌تی‌ زۆر به‌سوودن بۆ ته‌ندروستیی دڵ و مێشك و ڕێگری‌ له‌ هه‌وكردنه‌كان ده‌كه‌ن.
8/ زه‌یتی‌ زه‌یتون: باشترین جۆری‌ زه‌یت و چه‌ورییه‌كانه‌ و زۆرترین سوودی‌ هه‌یه‌ بۆ ته‌ندروستیی مرۆڤ و ڕێگری‌ له‌ هه‌وكردنه‌كان و خانه‌ شێرپه‌نجه‌ییه‌كان ده‌كات و بۆ ته‌ندروستیی دڵ و مێشك و ده‌ماره‌كان زۆر باشه‌.
9/ سه‌وزه‌وات به‌ گشتی‌ و گه‌ڵا پانه‌كان به‌ تایبه‌تی‌: وه‌ك سپێناخ و بڕۆكلی‌ و چه‌وه‌نه‌ر, كه‌ بۆ دروستكردن و تازه‌كردنه‌وه‌ی‌ خڕۆكه‌ سوره‌كان زۆر كاریگه‌رن و جه‌سته‌ی‌ مرۆڤ له‌ ژه‌هره‌ جۆربه‌جۆره‌كان پاكده‌كه‌نه‌وه‌ و چالاكی‌ و ته‌ندروستیی زیاتر به‌ مرۆڤ ده‌به‌خشن.
10/ میوه‌هاته‌كان به‌گشتی‌.


زۆرترین بینراو