#ڤایرۆسی کۆرۆنا

شەڕی سوریا پیاوی لەشارێك نه‌هێشتووه‌

هەواڵی / 20/1/2020 333 جار بینراوە

"لەفەیسبوكەوە داوای هاوسەرگیری لەكەسانی بێگانە دەكەن"
شەڕی سوریا پیاوی لەشارێك نه‌هێشتووه‌

بەگوێره‌ی راپۆرتێكی رۆژنامەیەكی ئەمریكی، شەڕی چەندین ساڵەی سوریا تەنها شار  و ئاوەدانی ئەو وڵاتەی وێران نەكردوه‌ بەڵكو شارستانیه‌ت و بەشێك لەداب و نەریتەكانیشی گۆڕی و بەهۆی كوژرانی پیاوان و هەڵهاتنیانەوە ژمارەیان كەمبوەتەوە ئەوەش ژنانی ناچار بە بەخێوكردنی خێزانەكانیان كردووە و كچانی خستووەتە دۆخی گۆشەگیرییەوە لەژیانی هاوسەرگیری.

رۆژنامه‌ی نیویۆرك تایمز لەڕاپۆرتێكیدا كە لەسەر بارودۆخی كۆمەڵایەتی دوای هەشت ساڵ شەڕی ناوخۆیی سوریا بڵاوی كردوەتەوە، ئاماژەی بۆ ئەوە كردووە ئەو شەڕ و ماڵوێرانیە نەوەیەكی لەقڕكردن نزیك كردوەتەوە.

باسی لەوەش كردوە دوای ئەوەی سوپای سوریا چەند ناوچەیەكی كۆنترۆڵكردوەتەوە لەئێستادا ئەركی بەرەوپێشبردنی ئەو ناوچانە كەوتوەتە ئەستۆی ژنان.

بەگوێره‌ی ڕۆژنامەكە بۆ یەكەمجارە كۆمەڵگەی سوری بەتایبەت لەهەندێ ناوچەی ڕوبەڕوی گۆڕانكاری لەداب ونەریتەكاندا دەبێتەوە، ژمارەیەك لەژنان بۆ یەكەمجاریانە كار دەكەن دوای مردنی پیاوەكانیان كە ناچارن خێزانەكانیان بژێنن و ژمارەیەكی تر كچان بەئاستەم دەتوانن پیاوێك وەكو هاوسەری ژیان پەیدا بكەن.

فاتیمە ڕاوسی تەمەن 32 ساڵان بەڕۆژنامەكەی وتوە، ئێستا ئارایشتگایەكی جوانكاری بۆ ژنانی ڕێكپۆش لەخۆرهەڵاتی شاری حەڵەب كردووەتەوه‌ كە پێشتر هیچ كارێكی نەكردوە.

پیاوەكەی فاتیمە ماوەیەك لەلای گروپە ئۆپۆزسیۆنەكان زیندانی كراوە و دوای ئازادكردنیشی بەهۆی موشەكێكەوە لەنزیك ماڵەكەی گیانیلەدەستداوه‌ و ئێستا ناچارە خۆیی و خێزانەكەی بژێنێت.

فاتیمە وتویەتی “پێشتر ژنان لەزۆر شت دەترسان، بەڵام ئێستا هیچ شتێك نەماوە لێی بترسن”.

بەوتەی ژنێكی  دانیشتوی شاری لازقیەش كە به‌ ڕۆژنامەكەی ڕاگەیاندووە، شارەكەیان بەتەواوی ڕێژەی پیاوانی تێدا كەم بووەتەوە، بەپێوەرەكانی دوای جەنگ هاوسەرگیری لەگەڵ سەربازێكدا كردووە، لەكاتێكدا لەپێش جەنگەوە مارەیی و دیاری هەبووە.

كاتێك شەڕی سوریا دەستپێدەكات لازقیەش كە زۆرینەیان سەر بەعەلەوییەكانی سوریان كە هەمان مەزهەبی بەشار ئەسەدە هەزاران پیاویان دەنێرێتە بەرەكانی شەڕ.

بەپێی وتەكانی ژنێكی بەتەمەن كە بەڕۆژنامەكەی وتووه‌، له‌ لازقیەش ژمارەیەكی كەم لەپیاوان لەناوچەكەدا ماونەتەوە و لەئێستاشدا ئەوە بووەتە هۆی كێشە و ئەمەش وای كردووە ئافرەتەكان چاوەڕوانن كەسێك بچێتە خوازبێنییان بەڵام ئەوەش بووە بەئەستەم.

ئەو ژنە ئامۆژگاری كچانیش دەكات، پەڵپ نەگرن و سازش لەكۆمەڵێك داواكارییان بكەن لەئەگەری ڕەخسانی دەرفەتێك بۆ هاوسەرگیری هاتە بەردەمیان.

ئاماژەی بۆ ئەوەش كردووە، بێ ئومێدی زۆری كچان وایكردووە لەفەیسبوكەكەیانەوە داوای هاوسەرگیری لەكەسانی بێگانە بۆ هاوسەرگیری بكەن ئەمەش پێش جەنگ كارێكی بەربڵاو نەبوو.

لای خۆشیەوە، ئەفریا داغهەر ژنێكی تەمەن 36 ساڵانی خەڵكی شارەكە بەڕۆژنامەكەی وتوە، چەند هاوڕێیەكی ئافرەتی هەیە لەو دۆخەدا دەژین و هاوسەرییان نیە، لەسوریادا پیاوی سوننی نەماوە زۆربەیان كوژراون یاخود سەربازن.

سامیە هانۆفیش ژنێكی ترە كە تەمەنی 39 ساڵانە وتویەتی، بەگولەی قەناس هاوسەرەكەی كوژراوە كە نۆزدە ساڵ پێكەوەبوون و ئێستا بێوەژن كەوتووە و خۆی سێ منداڵەكەیان بەخێو دەكات و ناچار سەرقاڵی كاركردنە لە كارگەی شیرەمەنی.

لەكۆتایی قسەكانیدا ئەو ژنە بەڵێنی ئەوەشیداوە خۆی بەتەنها منداڵەكانی پێبگەیەنێ تا خوێندنیان پێتەواو دەكات بۆ ئەوەی چارەنوسیان وەكو خۆی لێنەیەت.

زۆرترین بینراو