#شاسوار عەبدولواحید .. جوڵانەوەی نەوەی نوێ # ياساى چاكسازی و موچەی پلە باڵاكان

کۆمپانیای مایکرۆسۆفت پشتگیرییەکانی بۆ Windows7 راگرت

هەواڵی / 14/1/2020 116 جار بینراوە

بەشێوەیەکی فەرمی
کۆمپانیای مایکرۆسۆفت پشتگیرییەکانی بۆ Windows7  راگرت

شه‌ن پرێس:
ئەمڕۆ، بەشێوەیەکی فەرمی کۆمپانیای مایکرۆسۆفتی ئەمریکی، پشتگیرییەکانی بۆ ویندۆز ٧ "Windows7" راگرت و چیتر نوێکردنەوە و پشتیگیری ئەمنی بۆ بەکارهێنەران بەردەست ناکات.

ئەمڕۆ، ١٤ی کانونی دووەمی ٢٠٢٠، کۆمپانیای مایکرۆسۆفت بەشێوەیەکی فەرمی سەرجەم پشتگیرییەکانی بۆ ویندۆز ٧ راگرت و هیچ نوێکارییەکی سیکیوریتی ڕەوانەی وەشانی ناوبراو ناکات و بەیەکجاری پشتگیری راگرت.

لە روونکردنەوەیەکدا کۆمپانیاکە دەڵێت، هەرچەندە بەکارهێنەران دەتوانن بەردەوام بن لە بەکارهێنانی ویندۆزەکە بەڵام، بە بژاردەیەکی باشی نازانن، چونکە لەمەودوا ویندۆز ٧ دەبێتە نێچیرێکی ئاسان بۆ ڤایرۆس و هاککەران و بەرنامە زیانبەخشەکان.

هاوکات، بەپێی ڕاپۆرتێکی ماڵپەڕی ستات کاونتەر یەک لەسەر چواری بەکارهێنەرانی ویندۆز وەشانی ویندۆز ٧ بەکاردەهێنن، کۆمپانیای مایکرۆسۆفتیش پێشنیازدەکات بەکارهێنەران بە زووترین کات وەشانی ویندۆزەکەیان بەرزبکەنەوە بۆ ویندۆز ١٠ تاکو لە مەترسییەکان پارێزراو بن.

راگرتنی پشتگیرییەکانی مایکرۆسۆفت لە ویندۆز ٧ لە کاتێکدایە، لە کۆتایی ساڵی رابردوودا کۆمپانیاکە بە فەرمی بەکارهێنەرانی لە راگرتنی پشتگیرییەکانی بۆ ئەو ویندۆزە راگەیاند.

زۆرترین بینراو