#ڤایرۆسی کۆرۆنا

زانیاری گرنگ : بانگێشتکردنەکەی سبیل جان چۆن هەڵوەشایەوە ؟ په‌یوه‌ندی به‌ پارتیه‌وه‌ چییه‌ ؟

هەواڵی / 8/12/2019 1070 جار بینراوە

زانیاری گرنگ : بانگێشتکردنەکەی سبیل جان چۆن هەڵوەشایەوە ؟ په‌یوه‌ندی به‌ پارتیه‌وه‌ چییه‌ ؟

شه‌ن پرێس :
بەپێی ئەو زانیارییانەی "سلێمانی میدیا" لەئەنجامی بەدواداچونەکانی دەستیکەوتووە ، بانگێشتکردنی سبیل جان گۆرانی بێژی تورکیا بۆ شاری هەولێر لەلایەن ڕێکخراوی ڕوانگەوە کە خاوەندارییەکەی بۆ "ئیدریس نێچیرڤان بارزانی" دەگەڕێتەوە ، دەنگۆ و هەواڵی هەڵبەستراو نەبووە و سەرجەم ئامادەکارییەکان بۆ بانگێشتکردنی ئەو هونەرمەندە دەستیانپێکردبوو ..

بەڵام دوای بڵاوبوونەوەی هەواڵەکە لەمیدیاکان،و ناڕەزایەتی فراوانی خەڵکی کوردستان ، بانگێشتکردنەکە هەڵوەشێندراوەتەوە ، بەپێی زانیارییەکان ئەو کارەی ڕێکخراوی ڕوانگە جیاواز لەوەی لەسەر ئاستی خەڵک ناڕەزایەتی دروستکرد ، لەناوخۆی پارتیشدا کاردانەوەی توندی لێکەوتووەتەوە بەتایبەت لەلایەن مەسرور بارزانییەوە ..

بەپێی زانیارییەکان مەسرور بارزانی تەدەخولی کردووە لەهەڵوەشاندنەوەی ئاهەنگەکەدا و لەڕێگەی کەسە نزیکەکانیەوە بەڕێکخراوی ڕوانگەی ڕاگەیاندووە کە ، لەئێستادا بانگێشتکردنی ئەو هونەرمەندە و پێدانی ۲۰۰ هەزار دۆلار بەناوبراو ناڕەزایەتیەکان دژ بە حکومەتەکەی مەسرور بارزانی فراوانتر دەکات بەتایبەت کە حکومەتەکەی ناوبراو بە دۆخێکی هەستیاردا گوزەر دەکات ، بەو پێیەی توانای دانەوەی قەرزی فەرمانبەران و پەسەندکردنی پڕۆژەی چاکسازی و پێشکەشکردنی خزمەتگوزارییەکانی نیە وەک پێویست ..

بەپێی زانیارییەکان دوای تەدەخول کردنی مەسرور بارزانی ڕێکخراوی ڕوانگە ناچارکراوە پەیوەندی بە سبیل جان ـەوە بکرێ و ئاهەنگەکە هەڵبوەشێندرێتەوە ..

بەپێی ئەو زانیارییانەی بە "سلێمانی میدیا" گەیشتووە مەسرور بارزانی بەو کارە ئامانجی بووە ، هەم ناڕەزایەتییەکان دژی حکومەتەکەی بڕەوێنێتەوە و هەمیش ڕێکخراوی ڕوانگەی مام و برازاکەی تۆمەتبار بکات بە بەهەدەردانی پارە و گەندەڵی ، بۆ ئەو مەبەستە ڕاگەیاندنەکانی نزیک لەخۆی ئاگادارکردبوو سبەینێ "هەواڵی هەڵوەشاندنەوەی بانگێشتکردنەکە بەفەرمانی مەسرور بارزانی بڵاوبکەنەوە" ، بەڵام کاتێک نێچیرڤان بارزانی بەو هەوڵەی مەسرور بارزانی دەزانێت بەپەلە کەناڵی ڕووداو ئاگاداردەکات هەواڵی بانگێشتکردنی سبیل جان و سازکردنی ئاهەنگەکەی لەهەولێر لەزاری بەرپرسی کارەکانی سبیل جانەوە ڕەتبکاتەوە ..

کەمێک پێش ئێستا کەناڵی ڕووداو هەواڵی بانگێشتکردنی سبیل جانی بەپێی ئەو پلانەی داندرابوو ڕەتکردەوە و ڕێگەی نەدا مەسرور بارزانی و ڕاگەیاندنەکانی مزایەدە بەو باسەوە بکەن بۆ شکاندنی نێچیرڤان بارزانی ..

کەناڵی Kurdstan 24 و میدیا سێبەرەکان و سۆشیال میدیای نزیک لەمەسرور بارزانییش هەواڵی ڕەتکردنەوەی بانگێشتکردن و سازکردنی ئاهەنگەکەیان بڵاونەکردەوە ..

زۆرترین بینراو