#ڤایرۆسی کۆرۆنا #كێشه‌ به‌رده‌وامه‌كانی نیوان یه‌كێتی و پارتی

تره‌مب: له‌گه‌ڵ (كیم جۆنگ ئۆن) یه‌كتریمان خۆشئه‌وێت

هەواڵی / 5/12/2019 188 جار بینراوە

تره‌مب: له‌گه‌ڵ (كیم جۆنگ ئۆن) یه‌كتریمان خۆشئه‌وێت
 
شه‌ن پرێس:
(دۆناڵد تره‌مب)ی سه‌رۆكی‌ ویلایه‌ته‌ یه‌كگرتووه‌كانی‌ ئه‌مریكا ڕایگه‌یاند كه‌ متمانه‌ی‌ به‌ (كیم جۆنگ ئۆن)ی‌ سه‌رۆكی‌ كۆریای‌ باكور هه‌یه‌ و یه‌كترییان خۆشئه‌وێت و به‌ (پیاوی‌ مووشه‌ك)یش ناوی‌ برد.
له‌میانه‌ی‌ كۆنگره‌یه‌كی‌ ڕۆژنامه‌وانیدا له‌گه‌ڵ (یه‌نس ستۆلتنبێرگ)ی‌ سه‌رۆكی‌ ڕێكخراوی‌ (ناتۆ)دا, تره‌مب له‌باره‌ی‌ سه‌رۆكی‌ كۆریای‌ باكوره‌وه‌ ووتی‌: چاوه‌ڕێ‌ ده‌كه‌ین بزانین چی‌ ڕووده‌دات, من متمانه‌م زۆر پێیه‌تی‌ و خۆشم ده‌وێت, ئه‌ویش منی‌ خۆشئه‌وێت و په‌یوه‌ندییه‌كی‌ باشیشمان هه‌یه‌.
تره‌مب ووتی‌: بێگومان كیم زۆر حه‌ز به‌ هه‌ڵدانی‌ مووشه‌ك ده‌كات, هه‌ر له‌به‌رئه‌وه‌شه‌ كه‌ من به‌ (پیاوی‌ مووشه‌ك) وه‌سفی‌ ده‌كه‌م و په‌یوه‌ندیه‌كی‌ زۆر باشیشمان هه‌یه‌.
سه‌رۆكی‌ ئه‌مریكا ووتیشی كه‌ ئه‌و تاكه‌ سه‌رۆكه‌ له‌ جیهاندا كه‌ په‌یوه‌ندیی باشی له‌گه‌ڵ كیم جۆنگ ئوَن هه‌یه‌ و ئه‌گه‌ر ئه‌ویش سه‌رۆك نه‌بووایه‌ ئه‌وا ئێستا له‌ ئاسیا شه‌ڕ ده‌بوو.