منداڵێك به‌ (2) سه‌ر و (3) ده‌سته‌وه‌ له‌دایكبوو

هەواڵی / 30/11/2019 398 جار بینراوە

هندستان .. منداڵێك به‌ (2) سه‌ر و (3) ده‌سته‌وه‌ له‌دایكبوو
 
شه‌ن پرێس:
له‌ ڕووداوێكی‌ ده‌گمه‌ن و كه‌م وێنه‌دا, خانمێكی‌ هندی به‌ناوی‌ (بابیتا ئاهیوار) منداڵێكی‌ جیاوازی‌ بوو, كه‌ خاوه‌نی‌ (2) كه‌لله‌ی‌ سه‌ر و (3) ده‌سته‌.
له‌ قسه‌یه‌كیشیدا بۆ میدیاكانی‌ ووڵاته‌كه‌ی‌, هاوسه‌ره‌كه‌ی‌ بابیتا ووتی‌: به‌ڕاستی‌ ئێمه‌ تووشی شۆك و سه‌رسوڕمان بووین كاتێك بینیمان منداڵه‌ دووانه‌ تازه‌ له‌دایكبووه‌كه‌مان جه‌سته‌یان پێكه‌وه‌ نوساوه‌ و خاوه‌نی‌ (3) ده‌ستن و پزیشكانی‌ نه‌خۆشخانه‌كه‌ش به‌هه‌مان شێوه‌ تووشی شۆك بوون و خێرا په‌یوه‌ندییان به‌ ده‌سته‌ی‌ به‌ڕێوه‌به‌ریی پزیشكی باڵای‌ هیندستانه‌وه‌ كردووه‌ و له‌و حاڵه‌ته‌ ده‌گمه‌نه‌ ئاگاداریان كردوونه‌ته‌وه‌.
ئه‌و حاڵه‌ته‌ ده‌گمه‌نه‌ ته‌ندروستیه‌ سه‌یره‌ به‌ (tribrachius parapagus) ناوده‌برێت و زۆر كه‌میشیان ده‌توانن له‌ ژیاندا بمێننه‌وه‌ و هه‌رزوو و دوای‌ ماوه‌یه‌كی‌ كه‌م, یه‌كێكیان یان هه‌ردووكیان پێكه‌وه‌ مێشكیان ده‌وه‌ستێ‌ و ده‌مرن.
ئه‌مه‌و له‌ئێستادا منداڵه‌كانی‌ بابیتا تاڕادده‌یه‌ك باری‌ ته‌ندروستییان جێگیره‌, به‌ڵام پزیشكه‌كان پێیان وایه‌ كه‌ له‌ ماوه‌یه‌كی‌ كه‌می‌ داهاتوودا هه‌ردووكیان گیان له‌ده‌ستده‌ده‌ن, بۆیه‌ ناتوانن كه‌ نه‌شته‌رگه‌ریی‌ جیاكردنه‌وه‌یان بۆ بكه‌ن.
                           

زۆرترین بینراو