به‌م گیراوه‌یه‌ پێستی‌ ڕوخسارت سپی بكه‌ره‌وه‌ و چرچیه‌كانی‌ مه‌هێڵه‌

هەواڵی / 7/11/2019 607 جار بینراوە

به‌م گیراوه‌یه‌ پێستی‌ ڕوخسارت سپی بكه‌ره‌وه‌ و چرچیه‌كانی‌ مه‌هێڵه‌
 
شه‌ن پرێس:
هه‌ریه‌كه‌ له‌ هۆكاره‌كانی‌ هه‌ڵكشانی‌ ته‌مه‌ن و كه‌میی‌ ڤیتامینه‌كان و زۆر به‌ركه‌وتنی‌ خۆر و جگه‌ره‌ كێشان, پێستی‌ مرۆڤه‌كان دووچاری‌ ڕه‌شبوونه‌وه‌ و چرچبوون ده‌كه‌نه‌وه‌.
بۆ چاره‌سه‌ری‌ ئه‌و گرفته‌ش, گۆڤاری‌ (لایف ترێندس) گیراوه‌یه‌كی‌ زۆر باش و كاریگه‌ری‌ ئاشكرا كردووه‌ كه‌ ده‌توانێت له‌ ماوه‌یه‌كی‌ كه‌مدا و به‌و پێكهاته‌ سروشتیه‌ ئاسانه‌ پێستی‌ ڕوخسار سپی بكاته‌وه‌ و پێست و خانه‌ مردووه‌كان لێبكاته‌وه‌ و چرچ و لۆچیی ده‌موچاو نه‌هێڵێت.
پێویستیه‌كانی‌ گیراوه‌كه‌:
1/ (100) گرام خومره‌.
2/ دوو كه‌وچكی‌ چێشت ئاوی‌ لیمۆ.
خومره‌كه‌ و ئاوی‌ لیمۆكه‌ به‌جوانی‌ تێكه‌ڵ به‌یه‌كتری‌ بكه‌ و پاشان ئه‌و قاپه‌ بخه‌ره‌ ناو قاپێكی‌ گه‌وره‌تره‌وه‌ كه‌ به‌ ئاوی‌ گه‌رم پڕ كرابێت و بۆ ماوه‌ی‌ (3) خوله‌ك به‌و شێوه‌یه‌ بیهێڵه‌ره‌وه‌ و دواتر بیده‌ له‌ ڕوخسارت.
بۆ ماوه‌ی‌ (20  بۆ  25) خوله‌ك ماسكه‌كه‌ به‌ ڕوخسارته‌وه‌ بهێڵه‌ره‌وه‌ و دواتر به‌ئاوێكی‌ شله‌تێن بیشۆ و ده‌ره‌نجامه‌كه‌ی‌ ببینه‌.
ئه‌و ماسكه‌ زۆر به‌سووده‌, به‌ڵام نابێت زیاده‌ڕۆیی‌ تێدا بكرێت, بۆیه‌ واباشتره‌ كه‌ له‌ هه‌فته‌یه‌كدا (2  بۆ 3) جار به‌كاربهێنرێت.


زۆرترین بینراو