ئایا خۆشۆردن لەکاتی سوڕی مانگانەدا زیانی هەیە یان سوودی هەیە ؟

هەواڵی / 4/11/2019 866 جار بینراوە

ئایا خۆشۆردن لەکاتی سوڕی مانگانەدا زیانی هەیە یان سوودی هەیە ؟

شه‌ن پرێس :
ڕەنگە هەمیشە ڕووبەڕووی پرسیار بیتەوە لەگەڵ خۆتدا یان هاوڕێکانت، دەربارەی خۆشۆردن لە کاتێکدا لە سوڕی مانگانەدایت، بەشێک دەڵێن کاریگەری سلبی هەیە و خراپە، بەڵام هەندێک لە هاوڕێکانت گوێی پێ نادەن و بە خراپ باسی ناکەن.
لەڕووی زانستی و پزیشکیەوە بەتەواوی نەسەلمێنراوە کە خۆشۆردن لەکاتی سوڕی مانگانەدا زیانی هەیە یاخود نەخێر، هاوکات خاوێنکردنەوەی جەستە لەو کاتانەدا هەنگاوێکی زۆر گرنگە بۆ ئەوەی بەکتریا و میکرۆب لەسەر جەستەت کۆنەبێتەوە، بەڵام ئایا ڕێنماییەکی تایبەت هەیە لەو بارەیەوە؟
1-لەکاتی سوڕی مانگانەدا خۆشۆردن هەنگاوێکی گرنگە بۆ ئەوەی خاوێنی جەستە ڕابگریت.
2-گرنگە لەکاتی خۆشۆردندا پلەی گەرمی ئەو ئاوەی بەکاریدەهێنیت گەرم یان شلەتێن بێت، بۆ ئەوەی یارمەتیت بدات و کەمێک ئازار کەمبکاتەوە و زیان پێ نەگات.
3-هەوڵبدە زیاد لە سنور خۆت مەشۆ، واتە لە ڕۆژێکدا لە یەکجار زیاتر نەبێت، هاوکات مەرج نییە هەموو جارێک قژ و سەرت بشۆیت، بۆ ئەوەی پلەی گەرمی لەشت نەگۆڕێت بەڕێژەیەکی زۆر.
4-پاکەرەوەی تایبەتی پزیشکی بۆ ئەندامی زاوزێت بەکاربهێنە، بەڵام خاڵی بێت لە بۆن، بۆ ئەوەی تووشی هەوکردنت نەکات.
5-دەتوانیت ئاوی گەرم زیاتر بەکاربهێنیت بۆ بەشی سک و پشت و ئەو بەشانەی ئازاری زۆریان هەیە، تا کەمێک ئەو ئازارە کەم بکەیتەوە.
هەمیشە بزانە لەکاتی سوڕی مانگانەدا ڕێژەی دەردانی چەوری و ئارەقی جەستە زیاد دەکات، هەربۆیە پێویستە گرنگی بە خۆشۆردن بدەیت بەڵام بەپێی ڕێنماییەکان.

زۆرترین بینراو