سبەی بەشێک لە ژمارە “نایاب”ەکانی تابلۆی ئۆتۆمبێلی پارێزگای هەڵەبجە دەفرۆشرێت

هەواڵی / 15/9/2019 112 جار بینراوە

سبەی بەشێک لە ژمارە “نایاب”ەکانی تابلۆی ئۆتۆمبێلی پارێزگای هەڵەبجە دەفرۆشرێت


قائیمقامی  هەڵەبجە ڕایگەیاند، سبەینێ بەشێک لە ژمارە نایابەکانی تابلۆی ئۆتۆمبێلی پارێزگای هەڵەبجە لە زیادکردنێکی ئاشکرادا دەفرۆشرێت، ئاماژەی بەوەشکرووە، داهاتی ژمارەکان بۆ پارێزگاکە تەرخاندەکرێت.

نوخشه‌ ناسیح، قائیمقامی هه‌ڵه‌بجه‌ لە گرتەیەکی ڤیدیۆییدا لە هەژمارەی خۆی لە تۆڕی کۆمەڵایەتی فەیسبووک ڕایگه‌یاند، سبه‌ینێ دووشه‌ممه‌، به‌رواری 16ی ئه‌یلولی 2019، کاتژمێر 10:00ی سەرلەبەیانی تابلۆی ژماره‌ نایابه‌كانی ئۆتۆمبێلی پارێزگای هه‌ڵه‌بجه‌ له‌ ژمارە “1 تا 9” لە زیادكردنێکی ئاشكرادا ده‌فرۆشرێن.

قائیمقامی هەڵەبجە داواشی لە هاوڵاتیانی هەرێم و عێراق کرد، بەشداربن لەو زیادکردنەکەدا، چونکە بۆ خزمەتی پارێزگای هەڵەبجەیە.

جەختیشیکردووەتەوە، داهاتی فرۆشتنی ئه‌و تابلۆیانه‌ بۆ ژێرخانی ئابووری و ئاوه‌دانكردنه‌وه‌ی پارێزگای هه‌ڵه‌بجه‌ تەر‌خان ده‌كرێت.

زۆرترین بینراو