#هەڵبژاردنە ناوخۆییەکانی بزووتنەوەی گۆڕان

یەكێتی مامۆستایان داوای دەستپێكردنەوەی پلە بەرزكردنەوەی مامۆستایان دەكات

هەواڵی / 10/9/2019 119 جار بینراوە

مامۆستایانی گرێبەست بكرێنە هەمیشەیی
یەكێتی مامۆستایان داوای دەستپێكردنەوەی پلە بەرزكردنەوەی مامۆستایان دەكات

شه‌ن پرێس:
وه‌فدێكی یەكێتی مامۆستایانی كوردستان سەردانی وەزارەتی دارایی كرد و یاداشتێكی 8 خاڵیی رادەستی وەزیر كرد و یەكێك لە داواكارییەكانیش دەستكردنەوە بووە بە پرۆسەی بەرزكردنەوەی پلەی مامۆستایان.

مامۆستا ئەحمەد گه‌رمیانی،سەرۆكی یەكێتی مامۆستایانی كوردستان لەلاپەڕەی تایبەتیی خۆی لە تۆڕی كۆمەڵایەتیی فەیسبوك سەبارەت بە ناوەڕۆكی سەردانەكەیان نوسیویەتی "كە سەردانی شاندی یەكێتی مامۆستایان بۆلای ئاوات شێخ جەناب، وەزیری دارایی ئەمڕۆ سێشەممە 10ی ئەیلولی 2019 ئەنجامدراوە و وێڕای پیرۆزبایی لە دەستبەكاربونی وەزیری ناوبراو، داواكارییەكانیان لە یاداشتێكدا پێشكەش كردوە كە لە 8 خاڵ پێكهاتووە.

وەزیری دارایی حكومەتی هەرێم ئاماژەی بە دۆخی دارایی هەرێم كردوەو باسی نادادپەروەری حكومەتی ناوەند كرد بەرامبەری هەرێمی كوردستان دەربارەی ناردنی پشكی هەرێمی كوردستان، لە كۆتایی دانیشتنەشكە بەڵینی داوە دراسەتی یاداشتەكە لە لایەن وەزارەتەوە بكرێت.

دەقی یاداشتەكەی یەكێتی مامۆستایانی كوردستان بۆ وەزیری دارایی حكومەتی هەرێم:

بۆ بەڕێز/ وەزیری دارایی و ئابوری حكومەتی هەرێمی كوردستان
ب/ یاداشت
سڵاو و رێز ......

وەك ئاشكرایە مامۆستایان لە هەردوو وەزارەتی پەروەردە و خوێندنی باڵا و توێژینەوەی زانستی دووچاری گرفت بوونەوە بەهۆی دواكەوتن و پاشەكەوتی زۆرەملێ موچە لەگەڵ ئەوەشدا بە پشو درێژەیەوە ئەركەكانی خۆیان راپەڕاند خۆبەشخانە لە مانگی ئاداری 2019، پاشەكەوت كۆتایی هات و موچەكان بە تەواوی دەدرێن، لە روانگەی ئەركە پیشەیی و پەروەردەییەكانمان هەروەها بۆ باشكردنی رەوشی پەروەردە و خوێندنی باڵا ئەو بابەتە زۆر گرنگ دەزانین هەڵوێستەی لەبارەی بكرێت بڕیاری گونجاویان لەبارەیەوە بدرێت:

1- تەرخانكردنی بودجەی شایستە بۆ هەردوو وەزارەتی پەروەردە و خوێندنی باڵاو توێژینەوەی زانستی بۆ ئەوەی هەژمونی ئەو كەموكوڕیانەی لەساڵی رابردوو بەهۆی نەبوونی بودجە پەیدا بوو وردە وردە كەمببێـەوە .

2- یەكلاكردنەوەی پاشەكەوتی موچە كە ئەمە نیگەرانیەكی زۆری دروست كردووە و بەردەوامیشە بۆ ئەو مەبەستە بەباشی دەزانین حكومەت ژمارە حیسابی بۆ مامۆستایان و فەرمانبەران بكاتەوە هەروەها مامۆستا بتوانێت بۆ ئەو پێداویستیانەی لە قەرز و پێشینە هەیەتی سودی لێوەربگرێت.


3- پرۆسەی بەرزكرنەوەی موچەی مامۆستایان دەست پێبكاتەوە ، لەبەر ئەوەی بەپێی یاسای خزمەتی شارستانی ژمارە (24) ساڵی (1960) هەروەها هەمواركراوەكانی مافی خۆیانە بەردەوام سەرموچە و بەرزكردنەوەی موچەیان هەبێت.

4- راستكردنەوەی موچەكان لەساڵی ( 2012)بەپێێ‌ یاسای ژمارە (1) ساڵێ‌ (2008)، مامۆستایانی سلێمانی و گەرمیان و راپەڕین جیاوازی موچەكانیان وەرگرت بەڵام مامۆستایانی سنوری هەولێر،دهۆك، خوێندنی كوردی هەولێر جیاوازیەكانیان پێنەدرا، راگیرا، داواكارین بدرێت وەك مافێكی شایستە.

5- لە ریزبەندی موچەدا، وەزارەتی خوێندنی باڵا و توێژینەوەی زانستی راستەوخۆ لەدوای وەزارەتی پەروەردەوە بێت.
6- كرێی وانەبێژی مامۆستایانی زانكۆ وەكو ئەوەی لە پێشدا كاری پێدەكرا بدرێتن.

7- مامۆستایانی گرێبەست بەپێی رێنماییەكانی وەزارەتی دارایی بكرێنە هەمیشەیی، پێویستە بوترێ ئەو بەڕێزانە لە سەروبەندێكی زۆر گرنگدا رۆڵی خۆیان گێڕا لەبەڕێوەچونی پرۆسەی پەروەردە و فیركردن.

8- پارەی چاودێریكردن و هۆڵی پرۆسەی ئەزمونەكان لەكات و ساتی خۆیدا بدرێت، شیاوی باسە ساڵانە بەهۆی رۆتینیات دواكەوتوە .

خـێـزان

کەشوهەوا

بۆ بینینی كه‌ش و هه‌وای زیاتر كلیك بكه‌

تـه‌ندروستی

ئاگاداری گەورەبوونی پرۆستات بە

شلەی تۆو دروست دەكات

چى رووده‌دات ئه‌گه‌ر رۆژانه‌ تێكه‌ڵه‌ى دارچين و هه‌نگوين بخۆيت‌‌

موعجيزه‌ی هه‌نگوین و دارچین به‌ یه‌كه‌وه‌

زۆرترین بینراو