كۆمه‌ڵی ئیسلامی: پێویستە حکومەتی تورکیا پەیامەكه‌ی ئۆجەلان وەک دەرفەت لێی بڕوانێت

هەواڵی / 8/8/2019 110 جار بینراوە

“ئاماژەی سیاسیی زۆر گرنگی تێدایە“
كۆمه‌ڵی ئیسلامی: پێویستە حکومەتی تورکیا پەیامەكه‌ی ئۆجەلان وەک دەرفەت لێی بڕوانێت

عه‌بدوستار مه‌جید، ئه‌ندامی ئه‌نجوومه‌نی سیاسی و سه‌رۆكی فراكسیۆنی كۆمه‌ڵی ئیسلامی له‌ په‌رله‌مانی كوردستان له‌ فه‌یسبوكی خۆی پۆستێكی به‌ناونیشانی(پەیامەکەی ئۆجەلان، ئاماژەی گرنگن!)بڵاوكردوه‌ته‌وه‌و نوسیویه‌تی،پەیامەکەی بەڕێز ئۆجەلان ئاماژەی سیاسییی زۆر گرنگی تێدایە بۆ هەردوو لایەنی دەوڵەتی تورکیا و پارتی کرێکارانی کوردستان .

ناوبراو ده‌شڵێت،پێش ئەوەی پەکەکە هیچ چاوەڕوانییەکی وەڵامی لە ئەنقەرە هەبێت، پێویستە خۆی پابەندبوون بەو پەیامەوە ڕابگەیەنێت و دەستپێشخەری بکات لە کۆتاییهێنان بە جەنگ و خوێنڕشتن، کە تا ئێستا جگە لە نەهانەتی بۆ میلەتی ئێمە هیچی بەرهەم نەهێناوە.

عه‌بدوستار مه‌جید راشیگه‌یاندوه‌،ئەوەی بەڕێز ئۆجەلان وەک سەرکردەیەکی سیاسیی پێی گەیشتووە، دەرەنجامی تێگەیشتنە لە حەقیقەت و واقیعی نیو سەدە لە خەباتی چەکداری و پێکدادانی خوێناوی و توندوتیژیی !

سه‌رۆكی فراكسیۆنی رونیشیكردوه‌ته‌وه‌،ئێستا ئەوکاتەیە کە ئیتر لولەی تفەنگەکان بێدەنگ و زمانی عەقڵ و لۆژیک کارا بکرێت، کورد لە هەموو بەشەکانی کوردستان، ئێستا زیاتر لە هەرکاتێکی دیکە پێویستی بە ئارامیی و دیالۆگ و ئاشتیی هەیە، چ لەناو خۆیدا چ لەگەڵ دەوروبەری خۆی.

ئاماژه‌ی بۆ ئه‌وه‌شكردوه‌،وەک چۆن دەرگای چارەسەری کێشەکانی هەرێمی کوردستان تورکیا نەبوو بەڵکو بەغدا بوو، لەبەرەو ئەنقەرەو و تاران چوون خەڵکی کوردستان هیچی دەستنەکەوت، ئاواش کلیلی کردنەوەی دەروازە داخراوەکان لەسەر کێشەی باکوری کوردستان، نە مۆسکۆیە نە واشنتۆن، بەڵکو تەنها ئەنقەرەیە !

به‌رپرسه‌كه‌ی كۆمه‌ڵ ده‌شڵێت،پێویستە حکومەتی تورکیاش ئەم پەیامەی ئۆجەلان وەک دەرفەت لێی بڕوانێت و ڕۆڵی گەورە بداتە ئۆجەلان و ئەوەی چەندین ساڵە نەیتوانیوە بەشەڕ یەکلابی بکاتەوە، لەڕێگەی پەیامەکەی ئیمراڵیەوە جۆرێک یەکلایی بکاتەوە، کە کورد هەست بە ستەم و جیاکاریی نەکات!

زۆرترین بینراو