#هێرشی تۆركیا بۆ سه‌ر رۆژئاوای كوردستان

"مەلا بەختیار توانای ڕوبەڕوبونەوەی منداڵی بەرپرسەکانی یه‌كێتی نیە كه‌چی باسی کاک نەوشیروان دەکات"

هەواڵی / 21/7/2019 362 جار بینراوە

گۆڕان وەڵامێکی توندی مەلا بەختیاری دایەوە
"مەلا بەختیار توانای ڕووبەڕووبونەوەی منداڵی بەرپرسەکانی یه‌كێتی نیە كه‌چی باسی کاک نەوشیروان دەکات"

شه‌ن پرێس:
بزوتنەوەی گۆڕان وەڵامی وتەکانی ڕۆژی ڕابردووی مەلا بەختیار کارگێڕی مەکتەبی سیاسیی یەکێتی دەداتەوە و سەرۆکی فراکسیۆنی ئەو حزبە دەڵێت "یەکێک بەدەست و دەمی خۆی، ئیعتراف لەسەر ھاوڕێ و ڕێکخستنەکانی خۆی بکات لە شاخ، ئازای دەوێت بێت و باسی کەسانی دیکە بکات" .

عەلی حەمە ساڵح سەرۆکی فراکسیۆنی گۆڕان لە پەرلەمانی کوردستان لە وەڵامی قسەکانی ڕۆژی ڕابردووی مەلا بەختیار لەکاتی ڕاگەیاندنی پرۆژەکەی بۆ چاکسازیی لەناو یەکێتی وتارێکی بڵاوکردوەتەوە و ڕایگەیاندووە" لەدوێنێوە چاوەڕێبووم ئەوانەی لەشاخ و لەشار لەگەڵ کاک نەوشیرواندا بوون و لە مەوقیفەکانیشدا مەلابەختیاریان ناسیوەو لەسەردەمی گۆڕانیش ھەم کاک نەوشیروان و ھەم خەڵکی دیکەشیان باش ناسیوە، بەدەنگ بێن، ئاوێنەیەک بدەن بەدەستیەوەو بڵێن: تۆ ئەمەی!!"

دەشڵێت "ئەوانەی کە نازانن چیان دەوێت، نازانن توانایان چەندە، لەبری پرۆژەی بەدیل، دێن بێڕووئیای خۆیان بە دروستکردنی تۆمەت بۆ خەڵکی دیکە دەشارنەوە، نەک ناتوانن ھیچ پێشکەش بەکۆمەڵگا بکەن، بەڵکو لاوازی خۆیان پیشاندەدەن" .

عەلی حەمە ساڵح بۆ مەلا بەخیار ئەوەشی وتووە " ئەوەی ئێستاش باسی گەندەڵی و دزی و تاڵانکاری و میلیشیاگەری حیزبی دەکەیت، وانەیەکە نەوشیروان مستەفا دەیوتەوەو ئێوە دژی ئەم مامۆستا بوون" .

ھەروەک ئاماژەیبەوەشکردووە "مەلا بەختیار بە نوزە نوزو بۆڵە بۆڵ و لەگۆشەی ماڵەکەیەوە توانای ڕووبەڕووبونەوەی منداڵی بەرپرسەکانی نیەو دێت باسی کاک نەوشیروان دەکات"


بۆ تەواوی وڵامەکەی عه‌لی حه‌مه‌ سالح
ئه‌م گرێیه‌ ده‌تکوژێت..

- له‌دوێنێوه‌ چاوه‌ڕێبووم ئه‌وانه‌ی له‌شاخ و له‌شار له‌گه‌ڵ کاک نه‌وشیرواندا بوون و له‌ مه‌وقیفه‌کانیشدا مه‌لابه‌ختیاریان ناسیوه‌و له‌سه‌رده‌می گۆڕانیش هه‌م کاک نه‌وشیروان و هه‌م خه‌ڵکی دیکه‌شیان باش ناسیوه‌، به‌ده‌نگ بێن، ئاوێنه‌یه‌ک بده‌ن به‌ده‌ستیه‌وه‌و بڵێن: تۆ ئه‌مه‌ی!!

من تا به‌ ڕۆح زیندووبم، به‌رگری له‌ ڕۆح و جوامێری کاک نه‌وشیروان ده‌که‌م.
- یه‌کێک به‌ده‌ست و ده‌می خۆی، ئیعتراف له‌سه‌ر هاوڕێ و ڕێکخستنه‌کانی خۆی بکات له‌ شاخ، ئازای ده‌وێت بێت و باسی که‌سانی دیکه‌ بکات.

-ئه‌وه‌ی ئێستاش باسی گه‌نده‌ڵی و دزی و تاڵانکاری و میلیشیاگه‌ری حیزبی ده‌که‌یت، وانه‌یه‌که‌ نه‌وشیروان مسته‌فا ده‌یوته‌وه‌و ئێوه‌ دژی ئه‌م مامۆستا بوون.

- جیاوازیه‌که‌ ئه‌مه‌یه‌...
پارتی و یه‌کێتی له‌ ئه‌و په‌ڕی هێزدا بوون، هه‌موو جومگه‌کانی حوکمڕانی له‌ سه‌رۆکایه‌تی هه‌رێمه‌وه‌ بۆ کۆمار به‌ هێزی چه‌کدارو ئابوری وڵات و ڕێکخستنێکی حیزبی و ساخته‌کاری هه‌ڵبژاردن به‌رامبه‌ر کاریزمای نه‌وشیروان مسته‌فا ده‌وه‌ستانه‌وه‌و ساخته‌کاریان لێده‌کرد، هاوڕێکانیان نانبڕاوده‌کردو هه‌ڕه‌شه‌یان ده‌کرد، که‌ هه‌موو ئه‌مانه‌ نیشانه‌ی لاوازی ئه‌وان به‌ هێزی کاک نه‌وشیروان بوو، به‌ڵام ئه‌م کاکه‌ش به‌ نوزه‌ نوزو بۆڵه‌ بۆڵ و له‌گۆشه‌ی ماڵه‌که‌یه‌وه‌ توانای ڕووبه‌ڕووبونه‌وه‌ی منداڵی به‌رپرسه‌کانی نیه‌و دێت باسی کاک نه‌وشیروان ده‌کات.

- ئه‌وانه‌ی که‌ نازانن چیان ده‌وێت، نازانن توانایان چه‌نده‌، له‌بری پرۆژه‌ی به‌دیل، دێن بێڕووئیای خۆیان به‌ دروستکردنی تۆمه‌ت بۆ خه‌ڵکی دیکه‌ ده‌شارنه‌وه، نه‌ک ناتوانن هیچ پێشکه‌ش به‌کۆمه‌ڵگا بکه‌ن، به‌ڵکو لاوازی خۆیان پیشانده‌ده‌ن.

- که‌ کاکی ڕه‌حمه‌تی له‌ ژیاندا نه‌ماوه‌، ڕێگا به‌ خۆم ناده‌م ئه‌و چیرۆکه‌ بگێڕمه‌وه‌ که‌ مه‌لابه‌ختیارو هێرۆخان له‌ گه‌رمه‌ی ناڕه‌زایه‌تییه‌کاندا هاتنه‌ لای کاک نه‌وشیروان چیان وت و ئه‌م چی وت؟
هیچ پێویستیش نیه‌ که‌س خۆی بکات به‌ پاڵه‌وان بڵێت: ئێمه‌ نه‌مان هێشت په‌لاماری گرده‌که‌ بدرێت.
ئه‌وه‌ کاک نه‌وشیروان خۆی بوو، به‌ ته‌له‌فون وه‌ڵامی دانه‌وه‌ که‌ داوای داخستنی ته‌له‌فزیۆنه‌که‌ ده‌کراو. ئه‌وه‌ی پێویست بوو خۆی وتی.( پێویست بێت ورده‌کاری ئه‌و په‌یوه‌ندیه‌ش باس ده‌که‌ین).

- ئه‌رێ به‌ڕاست کاک نه‌وشیروان چوو بۆ ماڵ ئه‌م براده‌ره‌ یان ئه‌و هات بۆ ماڵی کاک نه‌وشیروان، کێ داوای له‌ کێ هه‌بوو؟
که‌واته‌: کێ له‌ واقعه‌که‌ ده‌ترسا...

کاک نه‌وشیروان مرۆڤی سه‌ده‌ بوو، شۆڕشگێڕێکی ژیر، ژیرێکی ئازابوو، مێژوو نووس و لێکۆڵه‌رێکی گه‌وره‌بوو، زمانزان و شارازایه‌کی سیاسی و یاسای و ئابوری و جوگرافی بوو، ئه‌و شاره‌زای خاک و خه‌ڵک و گوڵ و دڕکی کوردستان بوو، ئه‌و ئه‌ندازیاری ڕاپه‌ڕین و ڕابه‌ری گۆڕانکاری بوو..
ئه‌وانه‌شی که‌ گرێی کاکی ڕه‌حمه‌تیان هه‌یه‌ بابچنه‌ به‌ر ئاوێنه‌و بڵێن: ئه‌ی ئێمه‌ چین؟
عه‌لی حه‌مه‌ ساڵح

خـێـزان

ژنێك 15 ساڵە تەڵاق دراوە و لەگەڵ مێردەكەی دەژی

تەڵاقی سێ، مەلا و یاسا هاوڕا دەكات

کەشوهەوا

بۆ بینینی كه‌ش و هه‌وای زیاتر كلیك بكه‌

تـه‌ندروستی

سوودەکانی خوێن بەخشین چییە ؟

پێویستە پێش هەر خوێن بەخشینیک پشکنین بکەیت