میدیایه‌كی نزیك له‌ یه‌كێتی : راكان جبووری سەردانی هەولێری كردووە‌و لەگەڵ پارتی کۆبووەتەوە .

هەواڵی / 8/7/2019 492 جار بینراوە

میدیایه‌كی نزیك له‌ یه‌كێتی : راكان جبووری سەردانی هەولێری كردووە‌و لەگەڵ پارتی کۆبووەتەوە .

راكان جبووری چەند ئامۆزاییەكی لە گرتوخانەكانی هەولێر بەپارەی خەیاڵی‌و دیل گۆڕیووەتە لەگەڵ پارتی‌


شه‌ن پرێس :ژیان
راكان جبووری ئەو پیاوەی بەدەیان سكاڵای لەسەر تۆماركراوەو تۆمەتبارە بە گەندەڵی‌و رێكخراوی نەتەوەیەكگرتووەكان ئامادەنییە لەگەڵی كۆببێتەوە، بەنهێنی سەردانی هەولێری كردووەو بە پارەیەكی زۆر دیلی گۆڕیوووەتەوە.

راكان سەعید جبووری، لە ساڵی 1964ی گوندی (حیاش) لە قەزای حەویجە  لەدایكبووەو لە هۆزی ناوبانگی جبووریی عێراقە‌و لەخێزانێكی بەناوبانگی حەویجەیە. سەرەتای قۆناغەكانی خوێندنی لە حەویجەو كەركوك تەواو كردووە‌و پاشان لەكۆلیژی زانست لە زانكۆی سەڵاحەددین تە واودەكات‌و دەگەڕێتەوە حەویجە‌و دەبێتە  ئەندامی ئەنجومەنی قەزای حەویجە لە ساڵی ٢٠٠٥، دواترو لە ساڵی 2010 دەبێتە جێگری پارێزگاری كەركوك.

كەسایەتییەكی نزیك لە راكان سەعید، نهێنیەكانی ژیانی ئاشكرادەكات‌و دەڵێت "راكان هەرزەكار بوو مێردمناڵێكی باڵابەرزی ئیسك قورسبوو، سێ بەشی تەمەنی منداڵێ ھەرزەكاری شوان بووە، پاشان بەھۆی بەناوبانگی ھۆزەكەی توانی بگاتە ئەم پۆستەی ئێستا".

ئەو كەسایەتییە، ووتیشی "راكان زۆر خۆشەویست نییە لەنێو پێكهاتەی عەرەب، بەڵگەش بۆ ئەمە چەندینجار ھێرشكراوەتە سەر ماڵەكەی لە حەویجە، بۆیە راكان سەعید هەڵهات لە كەركوك نیشتەجێبووە، هەروەها  لە ساڵی 2014 بە دەستی عەرەبەكان ماڵەكەی لە قەزای حەویجە تەقێندرایەوە".


لەبارەی ژیانی كۆمەڵاتییەوە، ئەو كەسە نزیكەی راكان، دەڵَێت، پیاوێكی زور (معقد)ه‌و وشكه، زۆر توڕه دیاره‌و زۆر به دەگمەن زەردەخەنەی لەسەر لێوان دەبێندرێت، هەروەها سێجار ھاوسەرگیری كردووەو ئیستا دوو ژن‌و ٢٢ منداڵی ھەیەو دوو لە منداڵەكانیشی خاوەن پێداویستی تایبەتن".

باسی لەوەشكرد، راكان پیاوێكی هێندە خێڵەكیە تەنانەت گوێ بە مافەكانی مرۆڤ‌و ژنان نادات‌و بیروباوڕی نزیكه له بیروباوڕی توندڕەوەكان لەگەڵ ھاتنی داعش بۆ ناوچەكە زۆر ھەستی بەشەرمەزاری دەكرد، چونكە برایەكی‌و چەند ئامۆزایەكی لە ریزەكانی داعشبوون.

بەوتەی سەرچاوەكە، عەرەبەكان‌و تەنانەت خزمانی نزیكیشی متمانەیان پێ نییەو  پشتیوانیشی لێناكەن‌و بەهۆی ئەو هێرشانەشی كە چەندین جار كراوەتەوە سەر بینای پارێزگا، گومانیان ھەیە راكان رێگانیشاندەر بووبێت‌و زانیاری پێاندابێت، تەنانەت لە خەڵكی حەویجە لەبارەی راكان جبوورییەوە دەڵێن: راكان گاوانێكی باشە، نەك پارێزگار.

راكان سەعید لەكاتی دەسەڵاتی كوردیدا لەشارەكە، جگە لە دیاریكردنی نرخی مۆلیدە ئەهلییەكان، هیچ دەسەڵاتیێكی دیكەی نەبووە، بۆیە ئێستا دەیەوێت تۆڵە لە كورد بكاتەوە.

نەجات حوسین، ئەندامی ئەنجومەنی پاریزگای كەركوك رایگەیاند "كەس پشتووانی لێناكات نە عەرەب‌و نە توركمان، بۆیە تائێستا چەندینجار چۆتە لای سەرۆك وەزیران بۆئەوەی دەسەڵاتەكانی ئەنجومەنی پارێزگا پەكبخات، تەنانەت بە سەرۆك وەزیرانی وتووە، كەس لە ئەنجومەنی پارێزگا دەوام ناكات، بۆیە ئەنجومەنی دژی ئەو كارەی راكان وەستاونەتەوە، بەشێك لە توركمانەكان حەزدەكەن كوردەكاتن بگەڕێنەوەو بە زۆرینە دەنگ پارێزگارێك هەڵبژێرن.

بەپێی زانیارییەكان، دوای رووداوەكانی 16ی ئۆكتۆبەر بەنوسراوی راكان سەعید كه داوای له وەزارەتەكان كردووە، 50 بەڕێوەبەری كورد لە كەركوك گۆڕدراون‌و لە شوێنەكانیان عەرەب‌و توركمان دانراون، هەروەها لە ئەنجومەنی پارێزگا دەسەڵاتی لە لێژنەكان وەرگرتۆتەوە، هەورەها دوای 16ی ئۆكتۆبەر یەكەم ھەنگاوی ئەوەبوو پێشمەرگە‌و ئاسایش تۆمەتباربكات بە بە بوونی گۆڕی بەكۆمەڵ لە ناوچەی لەیلان.

بەپێی زانیارییەكانی ژیان، راكان جبووری چەند ئامۆزاییەكی لە گرتوخانەكانی هەولێر بەپارەی خەیاڵی‌و دیل گۆڕیووەتە لەگەڵ پارتی‌و چەندجارێكیش بە نهێنی سەردانی هەولێری كردووە، هەر لەبەر ئەم هۆكارانەش یۆنامی‌و رێكخراوەكانی نێودەوڵەتی لەگەڵی كۆنابنەوە.

لە مانگی حوزیرانی ئەمساڵ، ژنە پەرلەمانتارێكی  یەكێتی دیلان غەفوور، راكان سەعیدی راپێچی دادگا كرد بە تۆمەتی دیارنەمانی پارەی بودجەی پڕۆژەكانی كەركوك، بەڵام دواتر راكان لەژێر فشارێكی زۆر چووە بەردەم دادگاو بە كەفالەتی دووسەدا ملیۆن دینار ئازادكرا.

لەبارەی مامەڵەی دەستووری‌و یاسایی راكان جبووری لەگەڵیان، رێكخراوەكانی ژنان بۆچونیان وایە كە راكان پێشلی مافی مرۆڤ‌و ژنان دەكات. ژیان حامید، لێپسراوی لقی كەركوكی یەكێتی ژنان دەڵێت، پارێزگاریك خۆی پێچەوانەی یاسا بكات‌و زیاتر لەژنێك بێنێ، ئێمە بچین باسی چی لەگەڵ بكەین؟

لایخۆشیەوە ئازاد جەباری، ئەندامی ئەنجومەنی پارێزگای كەركوك دەڵێت "دۆخێكی خراپە، بەڵام ھۆكارەكەی ناتەبایی كوردە ئەگەر لایەنەكان بگەڕێنەوە دەتوانین پارێزگارێك دەستنیشان بكەین‌و رێگەنەدەین راكان سەعید رەفتاری خراپ بكات، هەرچەندە بەپێی توانا ئێمە رێگریمان لە بەشێك لە كارەكانی كردووە".

بەپێی زانیارییەكانی ژیان، راكان هێندەی خەریكی كاری جوتیاری‌و سەرمایەدارییە، هێندە خەریكی كاری ئیداری نییە، بۆیە لەدوای دەستبەكاربوونییەوە شار پڕبووە لە گامێش بە تایبەتی لە گەڕەكە عەرەب نشینەكان كە خاوەنی راستەقینەیان راكان سەعید جبوورییە.


خـێـزان

ئه‌و ڕه‌فتارانه‌ی پیاوان كه‌ ئافره‌تان حه‌زی‌ پێناكه‌ن .

پیاوان به‌ ووریاییه‌وه‌ مامه‌ڵه‌ بكه‌ن

کەشوهەوا

بۆ بینینی كه‌ش و هه‌وای زیاتر كلیك بكه‌

تـه‌ندروستی

زۆرترین بینراو