#نێچیرڤان بارزانی #مەسرور بارزانی

دكتۆرێكی پزیشكی باس له‌ سود و زیانه‌كانی گێلاس ده‌كات

هەواڵی / 8/6/2019 441 جار بینراوە

دكتۆرێكی پزیشكی باس له‌ سود و زیانه‌كانی گێلاس ده‌كات

شه‌ن پرێس :

--- گێلاس : گرنگترین سووده‌ ته‌ندروستیه‌کانی :
--- زیانه‌کانی و بڕی ڕێگه‌پێدراو ڕۆژانه‌ :
ــــ گرنگترین سووده‌ ته‌ندروستیه‌کانی گێلاس :

۱ ـــ به‌هێز کردنی کۆئه‌ندامی به‌رگری له‌ش و ڕێگری گرتن له‌ هه‌موو نه‌خۆشیه‌کان و زوو چاک بوونه‌وه‌ و ساڕێژ بوونی برین به‌ خێرایی ۰
۲ ـــ خۆپاراستن له‌ له‌ شێرپه‌نجه‌ چونکه‌ ده‌وڵه‌مه‌نده‌ به‌ مادده‌ دژه‌ئۆکسانه‌کانی وه‌ک کارۆتێنه‌کان ، ڤیتامین سی ، ڤلاڤینویده‌کان ۰
۳ ـــ ڕێگری کردن له‌ پیربوون و نه‌خۆشیه‌کانی به‌ساڵاچووان ۰
٤ ـــ پاراستنی ته‌ندروستی چاو و خۆپاراستن له‌ کوێری و پوکانه‌وه‌ی ڕه‌شێنه‌ی چاو و وشک بوونه‌وه‌ی و ئاوی سپی و ئاوی ڕه‌ش ۰
٥ ـــ که‌م کردنه‌وه‌ی نه‌خۆشیه‌کانی دڵ و به‌رزی فشاری خوێن و چه‌وریه‌خراپه‌کانی ناو خوێن ۰
٦ ـــ پاراستنی ته‌ندروستی مێشک و کۆئه‌ندامی ده‌مار و به‌سووده‌ له‌ چاره‌سه‌رکردنی نه‌خۆشی ئه‌لزه‌هایمه‌ر و پارکنسۆن و هیلاکی به‌رده‌وام و دڵه‌ڕاوکێ زۆر ۰
۷ ـــ باشترکردنی کۆئه‌ندامی هه‌رس و که‌مکردنی قه‌بزی ۰


--- زیانه‌کانی گێلاس :
۱ ـــ هه‌ندێ که‌س که‌ حه‌ساسیه‌تیان به‌ گێلاس هه‌یه‌ پێویسته‌ نه‌یخۆن ؛ له‌ نیشانه‌کانی ؛ سوور بوونه‌وه‌ و خورانی پێست و ده‌رکه‌وتنی په‌ڵه‌ی سوور ، ته‌نگه‌ نه‌فه‌سی ، به‌ زه‌حمه‌ت قووتدانی پاروو ، سوور بوونه‌وه‌ی چاو ۰
۲ ـــ خواردنی بڕێکی زۆر ڕۆژانه‌ و به‌ به‌رده‌وامی ڕه‌نگه‌ ببێته‌ هۆی زیادکردنی غازات و ئاوسانی سک و پێچ هاتن به‌ سک دا ۰
--- بڕی ڕێگه‌پێدراو ڕۆژانه‌ : یه‌ک کووپ بۆ یه‌ک کووپ و نیو ڕۆژانه‌ بۆ که‌سێکی ته‌واو پێگه‌یشتوو ۰


دکتۆر کامه‌ران رسوڵ ژاژڵه‌یی
پسپۆڕی زانستی خۆراک و نه‌شته‌رگه‌ری گشتی
ئه‌ندامی پڕۆڤیشناڵی کۆلیژی ئه‌مریکی بۆ زانستی خۆراک



زۆرترین بینراو