# مـانـگــی ڕه‌مـــــه‌زان

ئایا غه‌یبه‌تكردنی خه‌ڵكی ڕۆژوو ده‌شكێنێت ؟

هەواڵی / 15/5/2019 112 جار بینراوە

ئایا غه‌یبه‌تكردن ڕۆژوو ده‌شكێنێت

شێخ عبد العزیز ابن باز



شه‌ن پرێس :

پرسیار : ئایا غه‌یبه‌تكردنی خه‌ڵكی ڕۆژوو ده‌شكێنێت ؟
وه‌ڵام : غه‌یبه‌تكردن كه‌ بریتیه‌ له‌وه‌ی كه‌سێك  باسی برایه‌كی به‌شێوه‌یه‌ك بكات كه‌ پێی خۆش نه‌بێت ڕۆژوو ناشكێنێت، به‌ڵام ئه‌بێت ئه‌وه‌ بزانین كه‌ غه‌ییبه‌تكردن تاوان وگوناهه‌، چونكه‌ خوای گه‌وره‌ فه‌رموویه‌تی : ﴿   وَلَا يَغۡتَب بَّعۡضُكُم بَعۡضًاۚ  ﴾ [الحجرات : 12] واته‌ : هه‌ندێكتان غه‌یبه‌تی هه‌ندێكی ترتان مه‌كه‌ن .
به‌هه‌مان شێوه‌ جنێو و قسه‌ووتن ودرۆ هاوشێوه‌كانیان ڕۆژوو ناشكێنن، به‌ڵام ئه‌بێت ئاگاداری ئه‌وه‌ بین كه‌ هه‌موو ئه‌مانه‌ خراپه‌ وتاوان وگوناهن وپێویسته‌ مرۆڤی باوه‌ڕدار، ڕۆژووه‌وان و غه‌یری ڕۆژوه‌وانیش لێیان دووربكه‌وێته‌وه‌، چونكه‌ له‌پاداشت وخێری ڕۆژوو كه‌م ده‌كاته‌وه‌، ئه‌ویش به‌به‌ڵگه‌ی ئه‌و فه‌رمووده‌یه‌ی كه‌ یثغه‌مبه‌ر (صلی الله علیه وسلم) فه‌رموویه‌تی : « من لم يدع قول الزور والعمل به والجهل، فليس لله حاجة في أن يدع طعامه وشرابه »[رواه الإمام البخاري في صحيحه]واته‌ : هه‌ركه‌سێك واز له‌ درۆو ده‌له‌سه‌ وكاری خراپ ونه‌شیاو نه‌هێنێت، ئه‌وه‌ خوای گه‌وره‌ هیچ پێویستی به‌وه‌ نییه‌ ئه‌و كه‌سه‌ واز له‌ خواردن و خواردنه‌وه‌كه‌ی بهێنێت .
هه‌روه‌ها له‌جێگایه‌كی تردا فه‌رموویه‌تی : « الصيام جنة فإذا كان يوم صوم أحدكم فلا يرفث ولا يصخب فإن سابه أحد أو قاتله فليقل أني صائم»[متفق عليه] واته‌ : ڕۆژوو قه‌ڵغان و پارێزه‌ری مرۆڤه‌، ئه‌یپارزێت له‌ئه‌نجامدانی هه‌موو كار كرده‌وه‌یه‌كی خراپه‌، جا ئێوه‌ كه‌ به‌ڕۆژوو بوون ئه‌وا با قسه‌و ووته‌ی خراپ نه‌ڵێت وه‌ كاری خراپه‌یش ئه‌نجام نه‌ده‌ن، وه‌ كاتێكیش ئه‌گه‌ر كه‌سێك جنێوی پێ دا، یان شه‌ڕی له‌گه‌ڵدا كرد، ئه‌وا با له‌وه‌ڵامیدا بڵێت : من به‌ڕۆژووم .
له‌م باره‌یه‌شه‌وه‌ فه‌رمووده‌ گه‌لێكی زۆر هه‌ن .
خوای گه‌وره‌ هه‌موو لایه‌ك موه‌فه‌ق بكات .

وه‌رگێڕانی: ده‌سته‌ی به‌شی زمانی كوردی له‌ ماڵپه‌ڕی ئیسلام هاوس
پێداچونه‌وه‌ی: پشتیوان سابیر عه‌زیز


خـێـزان

رۆژوو و كـــاری جـــنـســـــی

دكتۆره‌ كوێستان عبدالله‌

کەشوهەوا

بۆ بینینی كه‌ش و هه‌وای زیاتر كلیك بكه‌

تـه‌ندروستی

دەتەوێت بزانیت بەربانگ کردنەوەت بە خورما چت پێ دەبەخشێت؟

ئیعجازی زانستی لە به‌ربانگ كردنه‌وه‌ به‌ خورما

زۆرترین بینراو