ئەمریكا: مەشقی درێژخایەن بە هێزە عێراقیەكان دەكەین

هەواڵی / 14/5/2019 124 جار بینراوە

 ئەمریكا: مەشقی درێژخایەن بە هێزە عێراقیەكان دەكەین

 
شەن پرێس:
ئەمڕۆ جەنەراڵ (جەنگیز)ى بەڕێوەبەرى نوسینگەى هاریكاری ئەمنیی سوپاى ئەمریكی لە عێراق ڕایگەیاند كە مەشقی درێژخایەن بە هێزە عێراقیەكان دەكەن.
لە ڕاگەیەنراوێكى وەزارەتى بەرگریی عێراقیشدا هاتووە كە (عثمان الغامی)ی سەرۆك ئەركانى سوپاى عێراق چاوی بەو جەنەراڵە ئەمریكیە كەوتووە و لەبارەى هاریكاریی ئەمنی نێوان سوپاى عێراق و ئەمریكا گفتوگۆیان كردووە و جەختیان لە هاریكاریی ئەمریكا و مەشقپێكردنى بەردەوامى سوپا و هێزە ئەمنیەكانى عێراق كردووەتەوە.
بەپێى زانیاریەكان جەنەراڵە ئەمریكیەكە پیرۆزبایی هاتنى مانگى ڕەمەزانیشی لە هێزە چەكداریەكانى عێراق كردووە و جەختیشی لە بەردەوامیی مەشقپێكردنى هێزە ئەمنیەكانى عێراق كردووەتە بۆ بەرزتركردنەوەى تواناى شەڕكردنیان.