#مەسرور بارزانی .. متمانه‌دان به‌كابینه‌ی نۆیه‌م #ئاشتی هه‌ورامی له‌بری لێپرسینه‌وه‌ پۆستێكی..

چۆن گورچیلەکانمان بپارێزین لە مانگی ڕەمەزاندا؟!

هەواڵی / 9/5/2019 329 جار بینراوە

چۆن گورچیلەکانمان بپارێزین لە مانگی ڕەمەزاندا؟!

دکتۆر دابان محمد خلیل
دکتۆرا(بۆرد) لە نەشتەرگەری گورچیلە و میزەرۆ

 

شه‌ن پرێس :
١)بۆ ئەو کەسانەی کە گورچیلەکانیان لاوازن لە ئیش کردن یان کێشەیان ھەیە:
• ھەروەک لای ھەموان ئاشکرایە نەخواردنەوەی ئاو و شلەمەنیەکان بۆ ماوەیەکی درێژ دەبێتە ھۆی ووشک بوونەوە کە ئەمە لەو کەسانەی کە گورچیلەکانیان لاوازن لە ئیش کردن گرفت دروست دەکات، ھەر بۆیە باشتر وایە ئەم جۆرە نەخۆشانە بەڕۆژوو نەبن یان سەردانی پزیشکی تایبەتی بکەن بۆ دیاریکردنی ڕێژەی لاوازی گورچیلەکانیان و بەپێی ڕێنمایی ئەو بەڕۆژوو ببن.
• ئەو نەخۆشانەی پێویستیان بە شۆردنی گورچیلەکان ھەیە ناتوانن ڕۆژوو بگرن.
• ئەو کەسانەی کە گورچیلەیان بۆ چاندراوە ناتوانن بەڕۆژوو ببن، چونکە پێویستە بەردەوام چارەسەر وەرگرن لە کاتی دیاریکراوی خۆیدا.
٢)بۆ ئەو کەسانەی گورچیلەکانیان بە شێوەیەکی ئاسایی کاردەکات:
• کەمکردنەوەی بەکارھێنانی خوێ و خواردنی سوێر، چونکە پێویستی لەش زیاد دەکات بۆ ئاو و شلەمەنیەکان.
• کەم بەکارھێنانی ئەو خواردنانەی کە پڕۆتین زۆرە لە پێکھاتەیاندا.
• چاودێری کردن و کۆنتڕۆل کردنی فشاری خوێن لەو کەسانەی کە نەخۆشی بەرزەپەستانی خوێنیان ھەیە.
• پارێزگاری لە ڕێکخستنی ڕێژەی شەکر لە خوێندا، لەو کەسانەی کە نەخۆشی شەکرەیان لەگەڵە.
• کەم بەکارھێنانی دەرمانی ئازارشکێن.
• خواردنەوەی بڕێکی زۆر لە ئاو لە کاتی نێوان بەربانگ بۆ پارشێو، بەشێوەک لە (٢) لیتر کەمتر نەبێت.
• دورکەوتنەوە لە کەش و ھەوای گەرم و وشکبونەوە.

زۆرترین بینراو