#مەسرور بارزانی .. متمانه‌دان به‌كابینه‌ی نۆیه‌م #ئاشتی هه‌ورامی له‌بری لێپرسینه‌وه‌ پۆستێكی..

خانەی فەتوای میصری: گفتوگۆی ئەلیكترۆنیی نێوان كچان و كوڕان حەرامە

هەواڵی / 7/4/2019 447 جار بینراوە

خانەی فەتوای میصری: گفتوگۆی ئەلیكترۆنیی نێوان كچان و كوڕان حەرامە


( خانەی فەتوای میصری ) لەپێگەی تایبەتیی خۆی لەئینتەرنێت فەتوایەكی بڵاوكردووەتەوە كەتیایدا هاتووە: هەموو گفتوگۆ و قسەكردنێكی ئەلیكترۆنیی نێوان كچان و كوڕان – یان ژنان و پیاوان -, كەنامەحرەمی یەكتر بن, بەهەموو شێوەیەك حـەرامـە و دەرگایەكە لەدەرگاكانی فیتنە و خراپەكاری و لەڕووی شەرعەوە دروست نیە .

لەو فەتوایەدا كەناونیشانی ( چەند ووتەیەك دەربارەی حوكمی قسەكردنی هەردوو ڕەگەز لەئینتەرنێتدا ) هاتووە كە: هەموو جۆرە قسەكردنێكی ئەلیكترۆنی قەدەغە و حەرامە و دەروازەیەكە لەدەروازەكانی شەیتان و هۆكارێكیشە بۆ ڕوودانی فیتنە و تاوانكاری و خراپەكاری, چونكە ئەزمونە بەردەوامەكان بەباشی و لەم سەردەمەی ئێستاماندا ئەوەیان سەلماندووە, ئەوە جگە لەچەندین زەرەر و زیانێكی تری وەك بەفیڕۆدانی كـات و دروست بوونی چەندین كێشە و گرفتی كۆمەڵایەتی و خێزانی و شتی تریش .

لەفەتواكەدا داواش لەئافرەتانی موسوڵمان كراوە كەزۆر هۆشیار بن و نەكەونە داو و تەڵەی شەیتان و مرۆڤە خراپەكانەوە و بەهیچ شێوەیەكیش وێنەی خۆیان بۆ هیچ كەسێك نەنێرن و بڵاو نەكەنەوە, جا ئەوكەسانە بناسن یان نا .
 


زۆرترین بینراو