کنگر : سووده‌كانی چییه‌ ؟ زانیاری ده‌رباره‌ی زه‌رد کردن و هه‌ڵگرتنی ؟

هەواڵی / 14/3/2019 795 جار بینراوە

--- کنگر : سووده‌ ته‌ندروستیه‌کانی :
--- باشترین شێوازی لێنانی :
--- زانیاری ده‌رباره‌ی زه‌رد کردن و هه‌ڵگرتنی :

 

شه‌ن پرێس :
ـــــ گرنگترین سووده‌ ته‌ندروستیه‌کانی کنگر :

۱ ــــ ده‌وڵه‌مه‌نده‌ به‌ پۆتاسێوم له‌گه‌ڵ ڕێژه‌یه‌کی باش له‌ ئاسن ، مه‌گنسێوم ، ڤیتامینه‌کانی وه‌ک ( K ) , ( C ) , ( B ) ، کاربۆهیدراتی ئاڵۆز و ڕیشاڵ و ماده‌ی دژه‌ئۆکسانه‌کان و چه‌وریه‌ به‌سووده‌کان و پڕۆتین و ئاو ۰
۲ ــــ یارمه‌تی دابه‌زینی کولیستڕۆڵی خراپ له‌ خوێن ۰
۳ ــــ یارمه‌تی کۆنتڕۆڵ کردنی ئاستی شه‌کره‌ له‌ خوێن دا له‌ ئه‌و که‌سانه‌ی نه‌خۆشی شه‌کره‌یان ( هه‌موو جۆره‌کانی ) هه‌یه‌ ۰
٤ ــــ یارمه‌تی خۆپاراستن ده‌دات له‌ نه‌خۆشیه‌کانی دڵ و نه‌خۆشی ته‌سک بوونه‌وه‌ی خوێنبه‌ره‌کان ۰
٥ ــــ یارمه‌تی خۆپاراستن ده‌دات له‌ نه‌خۆشی نه‌رم بوونه‌وه‌ی ئێسک و هه‌ندێ جۆری شێرپه‌نجه‌ و نه‌خۆشی ئه‌لزه‌هایمه‌ر ۰
٦ ــــ به‌هێز کردنی کۆئه‌ندامی به‌رگری له‌ش و یارمه‌تی زوو چاک بوونه‌وه‌ی برین ۰
۷ ــــ یارمه‌تی دابه‌زینی کێشی له‌ش ئه‌دات له‌ کاتی ڕێجیم له‌گه‌ڵ ڕێگری کردن له‌ قه‌ڵه‌وی ۰
۸ ــــ چاره‌سه‌ری قه‌بزی و ڕێگه‌ گرتن لێی و خۆپاراستن له‌ مایه‌سیری و ته‌هیجی کۆڵۆن ۰
۹ ــــ که‌م کردنه‌وه‌ی گرژبوونی ماسولکه‌کان و ڕێگری کردن و چاره‌سه‌ری که‌م خوینی۰
۱۰ ـــ ڕۆڵی هه‌یه‌ له‌ که‌م کردنه‌وه‌ی بێهێزی و شه‌که‌تی و بێ تاقه‌تی به‌رده‌وام ۰
۱۱ ـــ پارێزگاری کردن له‌ ته‌ندروستی گورجیله‌ و میزڵدان و جگه‌ر ۰


--- باشترین شێوازی لێنانی :
ــــ وێنه‌ی هه‌موو گیا به‌هاریه‌کان به‌ کوڵاوی بخورێت باشتره‌ ؛ ئه‌گه‌ر به‌ شێوه‌ی کنگر ماسی خورا ؛ که‌مترین بڕی زه‌یت به‌کار بهێنرێت له‌ به‌ر خراپی جۆری زه‌یته‌کانی ئێستای ناو کوردستان ۰


--- زانیاری ده‌رباره‌ی زه‌رد کردن و هه‌ڵگرتنی :
ـــ وه‌ک هه‌موو گیایه‌کی سروشتی به‌ زه‌رد کردنی و هه‌ڵگرتنی له‌ ناو موجه‌میده‌ ؛ به‌شێکی زۆری سووده‌کانی نامێنێت ۰
ــــ بۆ ماوه‌ی ( ٦ ـــ ۱۲ مانگ ) هه‌ڵده‌گیرێت ۰
ــــ له‌ کاتی نه‌بوونی کاره‌با و خاوبوونه‌وه‌ی پێویسته‌ یه‌کسه‌ر به‌کار بێت یان فڕێ بدرێت و نابێت هه‌ڵ بگێرێت و دووباره‌ بیبه‌ستێته‌وه‌ ۰


دکتۆر کامه‌ران رسوڵ ژاژڵه‌یی
پسپۆڕی زانستی خۆراک و نه‌شته‌رگه‌ری گشتی
ئه‌ندامی کۆلیژی ئه‌مریکی بۆ زانستی خۆراک


زۆرترین بینراو