كۆمه‌ڵ : منەت لە کەس قبوڵ ناکەین و لە دەرگاش رانه‌وەستاوین بۆ چاوەڕوانی هاتنی پارتی بۆ لامان .

هەواڵی / 12/1/2019 166 جار بینراوە

كۆمه‌ڵ : منەت لە کەس قبوڵ ناکەین و لە دەرگاش رانه‌وەستاوین بۆ چاوەڕوانی هاتنی پارتی بۆ لامان .

شه‌ن پرێس :
کارگێڕی ئەنجوومەنی سیاسی کۆمەڵی ئیسلامی کوردستان لەڕێگەی (رووداو)ـەوە پەیامێک ئاراستەی پارتیی دیموکراتی کوردستان دەکات و دەڵێت، ئەگەر لە حکومەت بن یان نا، دەیانەوێ لە قۆناخی داهاتوودا پەیوەندییەکانیان باش و تەندروست بن.

لە کاتی بەشداریکردنی لە بەرنامەیه‌ك له‌و كه‌ناڵه‌ ، لەبارەی پرسی بەشداریکردنی کۆمەڵی ئیسلامی لە کابینەی داهاتووی حکومەتی هەرێمی کوردستان، محەممەد حەکیم رایگەیاند "هەر لایەنێک بەتایبەت لایەنی پێکهێنەری حکومەت ویستی قسەمان لەگەڵدا بکات، دەبێ بزانێت ئێمە ئیستحقاقی هەڵبژاردنی خۆمانمان هەیە؛ نە منەت لە کەس قبوڵدەکەین بە بەشداریکردنمان، نە لە دەرگاش راوەستاوین چاوەڕوان بین کەی پارتی دیموکراتی کوردستان دێتە لامان".

کارگێڕی ئەنجوومەنی سیاسی کۆمەڵ رایگەیاند، دەیەوێ لەڕێگەی تۆڕی میدیایی رووداو پەیامێک ئاراستەی پارتی بکات و دەڵێت "ئێمە پێش هەڵبژاردن بڕیارێکی سیاسیمان هەیە کە چاوگێڕانەوەیە بە کۆی پەیوەندییەکانمان لەگەڵ هەموو لایەنە سیاسییەکاندا، بەتایبەت پارتیی دیموکراتی کوردستان. دەخوازین لەگەڵ پارتیی دیموکراتی کوردستان لە حکومەت بین یان نەبین، پەیوەندییەکی تەندروستمان هەبێت".

محەممەد حەکیم دەشڵێت "ئەو پێشوازییە گەرمەی کە پارتیی دیموکراتی کوردستان لە گۆڕان-ی دەکات بۆ بەشداریکردنی، بۆ یەکێتی کۆمەڵێک ئاڵۆزی دروستدەکات، چونکە رەنگە یەکێتی دژ بە خۆی لێکی بداتەوە، ئەوەش ئاڵۆزی و گرێیەکی لە پرۆسەکە دروستکردووە، ئەو پرۆسەیە پەکی لەسەر کۆمەڵی ئیسلامی کوردستان نەکەوتووە، ئێمە هۆکارێک نین بۆ ئەوەی ئەو ئاڵۆزییە دروستبکەین".

محەمەد حەکیم ئاماژە بەوە دەکات "هەر کاتێک لایەنی پەیوەندیدار پەیوەندی پێوەکردین، بۆخۆی پێی باشبوو، هەروەها مەمنوون بوو کە کۆمەڵی ئیسلامیش لە حکومەتدا بەشداربێت، ئەوا ئێمە تەماشای بەرنامەی حکومەت دەکەین و بەپێی ئیستحقاقی خۆمان بەشدار دەبین".


زۆرترین بینراو