#مەسرور بارزانی .. متمانه‌دان به‌كابینه‌ی نۆیه‌م #ئاشتی هه‌ورامی له‌بری لێپرسینه‌وه‌ پۆستێكی..

به‌ڤیدیۆ .. وتەبێژی تەڤگەری ئازادی: ئەوەی روویدا شانازییە بۆ ئێمە و شەرمەزارییە بۆ یەکێتی

هەواڵی / 12/1/2019 353 جار بینراوە

پەڵەیه‌كی رەشە بۆ ئاسایشەکەی یه‌كێتی
به‌ڤیدیۆ .. وتەبێژی تەڤگەری ئازادی: ئەوەی روویدا شانازییە بۆ ئێمە و شەرمەزارییە بۆ یەکێتی
شه‌ن پرێس:
 لە کۆنفرانسێکی رۆژنامەنووسیدا تارا حسێن،وتەبێژی تەڤگەری ئازادی کوردستان دوای ئازدکردنی وتی،"ئەمەی روویدا لاپەڕەیەکی شانازییە بۆ ئێمە و لاپەڕەیەکی پڕ لە شەرمەزاریی و پەڵەی رەشە بۆ ناوچاوانی یەکێتی و ئاسایشەکەی".

تارا حسێن وتشی، جاران بۆ یادی ساکینە جانسز بەرپرسانی یەکێتی دەهاتن وتاری باق و بریقیان پێشکەش دەکرد کەچی ئێستا رێگری لە نمایشی فیلمێک دەکەن.

راشیگەیاند، هەموو دەسەڵاتدارە دیکتاتۆرەکان لە کۆتایی تەمنیاندا سینەما دادەخەن و کتێب قەدەغە دەکەن.

وتیشی، "ئەمە هەڵمەتێکی بەرفراوان و پیلانگێڕییە دژی کوردە ئازادیخوازەکان لە دونیا و چوار پارچەی کوردستاندا."

تارا حسێن رەخنەی لە یەکێتی گرت و وتی، "مام جەلال وتی با خەڵک بێن و لەم سەکۆیەدا جوێن بە من بدەن کەچی ئاسایش هەر نەیانهێشت لە دەرگاکەوە بچینە ژوورەوە و لێدوان بدەین کە رێگە نادەن ئەم فیلمە نمایش بکرێت."

وتەبێژی تەڤگەری ئازادی راشیگەیاند،ئەندامەکانی ئاسایشیان وەها تێگەیاندووە کە نەکردنەوەی فڕۆکەخانەی سلێمانی تاوانی تەڤگەری ئازادی کوردستانە،لە کاتێکدا ئەمە باڵادەستبوونی دەوڵەتی تورکیایە لە سلێمانی وەک لە زۆنی زەردا هەیە.

وتیشی، "تا ئێستا مانگرتنمان نەشکاندووە و پێشمان وتن تا مانگێکیش بمێنینەوە لە زیندان مانگرتن ناشکێنین."

زۆرترین بینراو