#نێچیرڤان بارزانی #مەسرور بارزانی

پادشای مالیزیا (محه‌مه‌دی پێنجەم) دەستبەرداری پۆستەكەی بوو

هەواڵی / 8/1/2019 168 جار بینراوە

ماوەی ویلایەتەكەی چەند ساڵێكی ماوە
پادشای مالیزیا (محه‌مه‌دی پێنجەم) دەستبەرداری پۆستەكەی بوو
شەن پرێس:
ئەمڕۆ كۆشكی شاهانەی مالیزیا ڕایگەیاند كە (محه‌مه‌دی پێنجەم)ی پادشای ووڵاتەكەی دەستبەردرای تەختی شاهانە بووە, لەكاتێكدا كە هێشتا ماوەی ویلایەتەكەی چەند ساڵێكی ماوە.
لە بەیاننامەكەی كۆشكی شاهانەی مالیزیادا هاتووە كە تەنها دوای (2) ساڵ لە وەرگرتنی پۆستەكەی لە تەختی شاهانە, سوڵتان محمد وازی لە پۆستەكەی هێناوە و بڕیارەكەش لە ڕۆژی دەستبەرداربوونیەوە جێبەجێ‌ دەكرێت, بەبێ ئەوەی كە هۆكاری وازهێنانەكەی ئاشكرا بكرێت.
بەیاننامەكە ئاماژەی بەوەشكردووە كە سوڵتان محمد زۆر دڵسۆزانە بەرپرسیارێتیەكانی سەرشانی خۆی وەك پادشای ووڵات ئەنجامداوە و هەمیشە كۆڵەكەی سەقامگیری و یەكڕیزی و دادوەری مالیزیا و گەلەكەی بووە.
شایانی باسە كە لە كۆتاییەكانی ساڵی ڕابردوودا, سوڵتان محمدی پێنجەمی مالیزیا هاوسەرگیریی لەگەڵ (ئوكسانا فویفودینا)ی شاجوانی ساڵی (2015)ی مۆسكۆی پایتەختی ڕوسیادا كرد, كە هاوكات موسوڵمان بوونی خۆیشی بەر لە شووكردنەكەی بە پادشا ڕاگەیاندبوو.

زۆرترین بینراو