حه‌زت له‌ چۆكلێته‌و به‌ڵام دڵنیا نیت سودی ته‌ندروستی هه‌یه‌ یان نا؟

هەواڵی / 3/1/2019 256 جار بینراوە

حه‌زت له‌ چۆكلێته‌و به‌ڵام دڵنیا نیت سودی ته‌ندروستی هه‌یه‌ یان نا؟

شه‌ن پرێس :
له‌ سالی ٢٠١٢ زانایان و پسپۆرانی خۆراك گه‌یشتنه‌ ئه‌و ڕاستیه‌ی كه چۆكلێت یان شوكولاته‌ خواردنێكی زۆر ته‌ندروسته‌ به‌تایبه‌ت بۆ دل. چۆكلێت ده‌مان پاڕێزێ له‌ نه‌خۆشی جه‌لته‌ی دل و به‌رزی په‌ستانی خوێن و زیاد كردنی چه‌وریه‌ باشه‌كه‌ی له‌ش (HDL) و پارستنی پێست له‌ تیشكی خۆر و به‌هێزكه‌ردنی مێشك و هه‌ستكردن به‌ دلخۆشی.
هۆی بونی ماده‌ی فلاڤانۆل تێیدا.

به‌ڵام هه‌موو جۆره‌ چۆكلێته‌ك ئه‌و سودانه‌ی نیه!‌
بۆ ئه‌وه‌ی چۆكله‌ته‌كه‌ت ته‌ندروست بێ ده‌بێت ئه‌و سیفاته‌نه‌ی تێدابێ:
١- ئه‌و كه‌كاوه‌ی لێی دروستكراوو خاو بێ واته‌ گه‌رم نه‌كرابهێ زیاتر له‌ ٤٥ ده‌ره‌جه‌ی سیلیزی
٢- ئۆرگانیك بێ واته‌ مادده‌ی كیمیای لێنه‌درابێ و خۆرسك روابێ.
٣- رێژه‌ی كه‌كاو له چۆكلێته‌كه‌ ئه‌بێ زیاتر بێ له‌ ٧٠% وكه‌ پێیده‌وترێت‌ چۆكلێتی ره‌ش(dark chocolate)
٤- رێژه‌ی شه‌كر و چه‌وری زیاده‌ی كه‌م بێ.

ئه‌ی چه‌ند بخورێ باشه‌؟
بۆ هه‌ر حاڵه‌ته‌و بری جیاوازه‌ بۆ نمونه‌ بۆ ته‌ندروستی دڵ ١٠ گم رۆژانه‌ به‌سه‌ كه‌ ده‌كاته‌ نزیكه‌ی ١ پارچه‌ یان ١ چوارگۆشه‌.
به‌ هیوای سه‌لامه‌تی و دڵخۆشی هه‌مو لایه‌ك

 

د.جوان صابر - پسپۆڕی خۆراك

زۆرترین بینراو