“گۆران بشچێتە حكومەت پەرلەمانتارەكانی “ئیلزام” ناكات دەنگ بە سەرۆك و كابینەكەی بدەن”

هەواڵی / 5/12/2018 130 جار بینراوە

هەفتەی داهاتو پارتی سەردانی گۆران دەكات
“گۆران بشچێتە حكومەت پەرلەمانتارەكانی “ئیلزام” ناكات كە دەنگ بە سەرۆكی حكومەت‌و كابینەكەی بدەن”
شه‌ن پرێس:

ئەندامی جڤاتی گشتی بزوتنەوەی گۆران، كوێستان موحەمەد رایدەگەیەنێت ئەگەر گۆران بشچێتە حكومەت پەرلەمانتارەكانی “ئیلزام” ناكات كە دەنگ بە سەرۆكی حكومەت‌و كابینەكەی بدەن.

كوێستان موحەمەد، ئەندامی جڤاتی گشتی بزوتنەوەی گۆران بە دەنگی ئەمریكای راگەیاندوە تاچاكسازی ڕیشه‌یی له‌كوردستان نه‌كرێت هه‌ركه‌س ببێته‌ سه‌رۆكی حكومه‌ت سه‌ركه‌وتو نابێت و شكست تۆمار ده‌كات، دەشڵێت “دەکرێت ئەمجارەش هاوشێوەی ئێمە لەخولی سێیەمی پەرلەمان، پەرلەمانتارەکانمان هەمووییان دژی کاندیدی سەرۆکی حکومەت دەنگ بدەن، بۆیه‌ ئەگەر ڕێکەوتنیش بکرێت بۆ چونە ناو حکومەت ئێمە پەرلەمانتار ئیلزام ناکەین کە دەنگبدات بە کاندیدی سەرۆکی حکومەت و کابینەکەی، چونکە گۆڕان لەسەر ئەو بابەتە تا ئێستا پەرلەمانتارەکانی “موحاسەبە” نەکردووە وە شتی لەسەر فەرز نەکردوون”.

راشیدەگەیەنێت تا ئێستا گۆران خۆی یەکلایی نەکردۆتەوە بەشداری حکومەت دەکات یاخود نا، پێشی وایە ئەو بابەتە دەکەوێتە سەر سەردانی دوەمی وەفدەکەی پارتی کە وابڕیارە هەفتەی داهاتو سەردانیان بکەن دوای ئەوە جڤاتی گشتی و نیشتمانی کۆ دەبێتەوە و بڕیاری بەشداری یاخود بەشداری نەکردن لەحکومەت دەدەین.

زۆرترین بینراو