سالارمەحمود: ئاشتی هەورامی دەهێنرێتە پەرلەمان

هەواڵی / 5/12/2017 186 جار بینراوە

سالارمەحمود: ئاشتی هەورامی دەهێنرێتە پەرلەمان

شه‌ن پرێس :

ئه‌ندامێكی په‌رله‌مانی كوردستان ده‌ڵیت : سەرۆکایەتی حکومەت لەبەردەم تاقیکردنەوەدان ئایا رێز لەیاساو ئیرادەی پەرلەمان دەگرن و ئاشتی هەورامی دەهێنرێتە پەرلەمان یاخود هەر وەکو رابردوو حکومەت مل نادا بۆ ئیرادەی پەرلەمانی کوردستان.
سالارمەحمود ، ئه‌ندامی په‌رله‌مانی كوردستان به‌ شه‌ن پرێس ڕاگه‌یاند : بەپێی پەیڕەوی ناوخۆی پەرلەمان و بەڕێکاری یاسایی رۆژی ۲٦/۱۱/۲٠۱۷ لە رێگەی سەرۆکایەتی پەرلەمانەوە بە واژۆی ۲٤ پەرلەمانتاری کوردستان داوا کراوە وەزیری سامانە سروشتیەکان لەبەردەم پەرلەمان ئامادەبێ بۆ وڵامدانەوەی پرسیاری پەرلەمان لە ناشەفافیەتی پرۆسەی نەوتی و چارەنووسی گرێبەستەکانی نەوت دەکرێ ئەو وڵامەش بداتەوە کە لە ماوەی ئەو ٦۷ رۆژەدا چیکردوە لەو سەردانە فەرمیەیدا کە وەزارەتەکەی رایگەیاندوە لەسەفەری فەرمی بووە.

سالارمەحمود ده‌ڵێت : ئەو پارەیەی پێشوەخت لە فرۆشی نەوت وەرگیراوە لە کام کۆمپانیا وەگیراوە چی لێهاتوە؟ گەر سەرفکراوە چۆن؟  ۲٥٠ هەزار نەوتی رۆژانەی هەرێم چۆن و بەکێ و بە چ میکانیزمێک دەفرۆشرێ؟ قەرزی کۆمپانیان لە کوێ و چۆن دەدرێتەوە؟

ده‌شڵێت : ئەم پرسیارانەو چەندینی تر کەهێشتا لای پەرلەمان و خەڵکی کوردستان نادیارو بێ وڵامن.
بۆچی وەزارەت لەمانگی ئەیلولی ۲٠۱٦ەوە راپۆرتی مانگانەی لەسەر فرۆش و داهاتی نەوت بڵانەکردۆتەوە؟ بۆچی هیچ زانیاریەک نادەن بەپەرلەمان و بەشاراوەیی ماونەتەوە؟

له‌ كۆتایدا ده‌شڵێت : ئەگەر وەزیری سامانە سروشتیەکان وڵامی بڕوا هێنەری نەدایەوە ئەوکاتە دەتوانرێت بابەتی متمانە لێوەرگرتنەوەی بخرێتە دەنگدانەوە کە لە راستیدا بەپێی ئەو دیکۆمێنتانەی لەبەردەستی پەرلەمانتارانن  و هێشتا بۆ رای گشتی وردەکاریەکانی روون نەکراوەتەوەو چاوەڕوانین لەبەردەم پەرلەماندا ئاراستەی بکەین بەو دەلیلانە ئاشتی هەورامی شایستەی متمانە لێسەندنەوەیە.

زۆرترین بینراو