د.بەرهەم سالح: بێ دوودڵی دەنگی من و هاودیدەکانمان بۆ سەربەخۆییە

هەواڵی / 19/9/2017 235 جار بینراوە

سەربەخۆیی تەنها بۆ ئەم نەوەیە نیە
د.بەرهەم سالح: بێ دوودڵی دەنگی من و هاودیدەکانمان بۆ سەربەخۆییە
شه‌ن پرێس:

سەرۆکی قەوارەی هاوپەیمانی بۆ دیموکراسی و دادپەروەری لەبارەی سەربەخۆیی هەرێمەوە ڕایگەیاند، بێ دوودڵی دەنگی من و هاودیدەکانمان بۆ سەربەخۆییە، بەڵام ستەمکاری و لەدەستدانی متمانەی هاوڵاتی بە حوکمڕانی سەرچاوەی هەڕەشە ومەترسین بۆ سەربەخۆیی.

لە ڕاگەیەندراوێکدا بەرهەم ساڵح وتویەتی "بێگومان بەڵێی ئێمە بۆ سەربەخۆیی پێداگریشە لەسەر حوکمڕانی باش و دادپەروەر و خزمەتگوزاری هاوڵاتیان، پێداگرییە لەسەر یەکخستنی هێزی پێشمەرگە و دامەزراوەکانی حوکمڕانی دیموکراتی".

ئاماژەی بەوەشکردووە "لەم ڕوەوە بڕیاڕی ژیر و مەدروس، دایەلۆگ لەگەل بەغدا و دراوسێکان و کارکردن لەسەر کۆمەڵگەی نێودەولەتی پێویستە، بۆئەوەی سەربەخۆیی کوردستان ببێتە مایەی خۆشگوزەرانی و ئاشتەوایی بۆ گەلی کوردستان و بۆ ناوچەکە".

سەرۆکی قەوارەی هاوپەیمانی بۆ دیمکراسی و دادپەروەری ئەوەشی ڕاگەیاندووە "سەربەخۆیی تەنها بۆ ئەم نەوەیە نیە، گەنجانی ئەم وڵاتە و نەوەکانی داهاتوو لەگەڵ ئاکامی بڕیاڕی ئەمڕۆمان دەژین، بۆیە دەبێت بە بەرپرسیارێتیەوە هەنگاو بنێین، دایەلۆگ و تیگەیشتنمان لەگەڵ گەلانی دراوسێ پێویستە بۆ دورخستنەوەی کوردستانی ئەمڕۆ و ئایندە لە ئاشووب و شەڕ."

ڕۆژی ١٦ ی ئەم مانگە کەریم بەحری نوێنەری یاسایی قەوارەی هاوپەیمانی بۆ دیموکراسی و دادپەروەری لە کۆنفرانسێکدا ڕایگەیاند، بەرهەم ساڵح جێگری دووەمی سکرتێری گشتی یەکێتی نیشتیمانی کوردستان قەوارەیەکی نوێی بۆ هەڵبژاردنەکان تۆمارکردووە.

دوای ئەوە فەرمانگەی پەیوەندی و ڕاگەیاندنی کۆمسیۆنی هەڵبژاردن و ڕاپرسی هەرێم ئاشکرایکرد کە قەوارەکەی بەرهەم ساڵح تۆمارکراوە.

زۆرترین بینراو