#شه‌ڕی پێشمه‌رگه‌ و حه‌شدی شه‌عبی

ئایه دروسته دانانی هێلکه‌یه‌کی پیتاندراو له‌نێو منداڵدانی ژن له‌دوای مردنی مێرده‌که‌ی، یان ته‌لاقدانی؟

هەواڵی / 8/8/2017 1059 جار بینراوە

ئایه دروسته دانانی هێلکه‌یه‌کی پیتاندراو له‌نێو منداڵدانی ژن له‌دوای مردنی مێرده‌که‌ی، یان ته‌لاقدانی؟

شه‌ن پرێس :


موحه‌ممه‌د مه‌لا مه‌حمود/ له‌ئه‌مه‌ریکا.
ژنێک پرسیار ئه‌کاو، ئه‌ڵێ:ئه‌گه‌ر ژنو مێردێک - له‌رێگای پزیشکه‌وه- هێلکه‌یه‌کیان پیتاند‌و، ره‌وانه‌ی مه‌ڵبه‌ندی چاره‌سه‌ری نه‌زۆکیان کرد، به‌ڵام له‌دوای ماوه‌یه‌ک مێرده‌که مرد، یان ژنه‌که‌ی خۆی ته‌لاق ئایه ئه‌م ژنه بۆی دروسته ئه‌م هێلکه پیتاندراوه له‌نیو منداڵدانی خۆی دابنی؟

ئه‌م پرسیاره وه‌ڵامی دراوه‌ته‌و له‌لایه‌ن موفتی وڵاتی میسر به‌ڕیز دکتۆر: عه‌لی جومعه، وه‌ڵامه‌که‌ش به‌م شێوه‌ی خواره‌وه‌یه- ‌:
به‌هیچ شێوه‌یه‌ک دروست نییه- به‌گوێره‌ی یاسای ئیسلام- ژنی ته‌لاقدراو- ته‌لاقی یه‌کجاره‌کی( طلاق بائن)- که‌هێلکه‌ی پیتاندراو به‌ئاوی مێرده‌که‌ی، له‌نێو منداڵدانی خۆی دابنێ، چونکه ته‌لاقی یه‌کجاره‌کی کۆتایهێنه‌ری په‌یوه‌ندیه له‌نێوان ژن‌و مێرد، به‌ڵام ئه‌گه‌ر ته‌لاقه، ته‌لاقی ره‌جعی( طلاق رجعی) بوو هیچ شتێک نابیته رێگر بۆ دانانی هێلکه‌ی پیتاندراو له‌نێو منداڵدانی ژن، به‌مه‌رجێ له‌ماوه‌ی چاو‌ڕوانکراو (فترة العدة) دابێ‌و، به‌ره‌زامه‌ندی مێرد‌ه‌که‌شی بێ، چونکه له‌ماوه‌ی چاوه‌ڕوانکراو ژنه‌که، ژنی میرد‌ه‌که‌یه‌تی.
ده‌رباره‌ی ئه‌و ژنه‌ی مێرده‌که‌ی ئه‌مرێ له‌‌دوای پیتاندنی هێلکه، دکتۆر: عه‌لی جومعه ئه‌ڵێ: ژن بۆی دروست نییه هێلکه ی پیتاندراو له‌نێو منداڵدانی خۆی دابنێ،له‌دوای مردنی مێرد‌که‌ی، چونکه مردنیش ئه‌بیته هۆی کۆتایهاتنی په‌یوه‌ندی له‌نێوان ژنو مێرد
دکتۆر ئاماژه‌ی به‌وه‌کرد که‌دروست نییه ژن هێلکه‌ی پیتاندراو له‌نێو منداڵدانی خۆی دابنی، ئینجا ئه‌م هێلکه‌یه، هێلکه‌ی ژنێکی تر بێ‌و، پیتاندراو بێ له‌لایه‌ن مێردی خۆی، یان پیاوێکی تر، هه‌روه‌ها خاوه‌نی هێلکه‌که ژنێکی بیانی بێ، یان هێلکه‌ی هه‌ویه‌‌که‌ی بێ، که‌به‌شدارن له‌یه‌ک مێرد‌دا.
دکتۆر درێژه‌ به‌قسه‌کانی ئه‌داو، ئه‌ڵێ: بڕیاری کۆمه‌ڵی یاساکانی ئیسلامی، ژماره (١) له‌به‌رواری ٢٩/ ٣/ ٢٠٠١ قه‌ده‌غه ئه‌کات به‌کرێ گرتنی منداڵدانه‌کان به‌شیوه‌یه‌کی گشتی، هه‌روه‌ها قه‌ده‌غه‌کراوه دانانی ئاوی مێرد له‌نێو منداڵدانی ژنه‌که‌ی، له‌دوای مردنی.
ئه‌م فتوایه له محیط - شبکة الاعلام العربیة وه‌رگیراوه


زۆرترین بینراو